spot_img
Homeຂ່າວພາຍ​ໃນເຈົ້າໜ້າທີ່ລາວປະຕິເສດຂ່າວຊື້ຄອນໂດມີນຽມຢູ່ບຶງທາດຫລວງແລ້ວໄດ້ສັນຊາດລາວ

ເຈົ້າໜ້າທີ່ລາວປະຕິເສດຂ່າວຊື້ຄອນໂດມີນຽມຢູ່ບຶງທາດຫລວງແລ້ວໄດ້ສັນຊາດລາວ

Published on

ຂປລ/ຂ່າວອອນລາຍ ລາຍງານເມືອວັນທີ 6 ເມສາ 2017 ນີ້ວ່າ ເຈົ້າໜ້າທີ່ສະເພາະກິດຄຸ້ມຄອງເຂດເສດຖະກິດພິເສດປະຕິເສດກໍລະນີມີຂ່າວຕ່າງປະເທດນໍາສະເໜີວ່າຖ້າທ່ານໃດຫາກມາຊື້ຄອນໂດມີນ້ຽມ ໃນເຂດເມືອງໃຫມ່ບຶງທາດຫລວງ (ເມືອງສະຫວັນເທິງດິນ) ຢູ່ໃຈກາງນະຄອນຫລວງວຽງຈັນຈະໄດ້ຮັບສັນຊາດລາວທັນທີນັ້ນຖືວ່າບໍ່ແມ່ນຄວາມຈິງ ແລະ ເປັນພຽງເລື່ອງຂີ້ຕົວະ.

ຫລ້າສຸດ ສື່ມວນຊົນລາວໄດ້ເດີນທາງເຂົ້າຮ່ວມກອງປະຊຸມຜ່ານຮ່າງດໍາລັດວ່າດ້ວຍການສົ່ງເສີມ ແລະ ຄຸ້ມຄອງເສດຖະກິດພິເສດ (ຂສພ) ລວມທັງການຮ່າງຂໍ້ຕົກລົງວ່າການຈັດຕັ້ງປະຕິບັດ ແລະ ເຄື່ອນໄຫວຂອງຄະນະຄຸ້ມ ຄອງເຂດເສດຖະກິດພິເສດທີ່ໄດ້ຈັດຂຶ້ນໃນວັນທີ 6 ເມສາ 2017 ທີ່ນະຄອນຫລວງວຽງຈັນ ເຊິ່ງນັກຂ່າວກໍໄດ້ສໍາພາດ ແລະ ສອບຖາມເຈົ້າໜ້າທີ່ກ່ຽວຂ້ອງໃນກໍລະນີມີຂ່າວຊື້ຄອນໂດມີນ້ຽມ ໃນເຂດເມືອງໃຫມ່ບຶງທາດຫລວງແລ້ວໄດ້ສັນຊາດນັ້ນພົບວ່າບໍ່ແມ່ນຄວາມຈິງ ແຕ່ເຈົ້າໜ້າທີ່ຊີ້ແຈງຄື ຖ້າທ່ານໃດທີ່ເປັນຄົນຕ່າງປະເທດເຂົ້າມາຊື້ຄອນໂດມີນ້ຽມຢູ່ບຶງທາດຫລວງຈະໄດ້ຮັບການພິຈາກລະນາໃຫ້ວີຊາອາໃສຢູ່ 10 ປີໂດຍບໍ່ຈໍາເປັນຕ້ອງໄປຕໍ່ວີຊາອີກ.

ຄວາມຈິງແລ້ວເຂດເສດຖະກິດສະເພາະບຶງທາດຫລວງໄດ້ຈັດພິທີເປີດຂາຍໃຫ້ຈອງຫ້ອງພັກທີ່ຢູ່ອາໄສ ແລະ ຫ້ອງຊຸດໃນ ວັນທີ 15 ມິຖຸນາ 2015 ໃນເບື້ອງຕົ້ນ ທາງໂຄງການຈະໄດ້ນໍາສະເໜີເງື່ອນໄຂແຕກຕ່າງກັນ ໃນນັ້ນ ຫ້ອງຊຸດຈໍານວນໜຶ່ງ ທີ່ມີຫລາຍ ລາຄາ ແລະ ຫລາຍຂະໜາດນັບແຕ່ 68-78 ຕາແມັດ, ສອງຫ້ອງນອນ ໜຶ່ງຫ້ອງຮັບແຂກ ມີເນື້ອທີ່ 100-119 ຕາແມັດ ແລະ ຫ້ອງໃຫຍ່ຂະໜາດ 112-125 ຕາແມັດ ລວມທັງໝົດມີ 319 ຫ້ອງ ພ້ອມມີເຄື່ອງຮັບໃຊ້ ທີ່ທັນສະໄໝຄົບຊຸດໃນລາຄາເປັນພິເສດ.

ເຂດເສດຖະກິດສະເພາະ ບຶງທາດຫລວງໄດ້ຮັບການຕັ້ງໃນ ປີ 2011 ໂດຍມີມູນຄ່າລົງທຶນທັງໝົດ 1.600 ລ້ານໂດລາ, ເນື້ອທີ່ໂຄງການ 365 ເຮັກຕາ, ສໍາປະທານ 99 ປີ ແລະ ເອກະຊົນ ສປ ຈີນລົງທຶນ 100%.

ບົດຄວາມຫຼ້າສຸດ

ຄົ້ນຄວ້າ-ປຶກສາຫາລື 8 ບັນດາຫົວຂໍ້ທີ່ສໍາຄັນ ໃນກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025

ກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025 ກອງປະຊຸມສະໄໝສາມັນຂອງລັດຖະບານ ປະຈຳເດືອນສິງຫາ 2025 ໄດ້ໄຂຂຶ້ນໃນຕອນເຊົ້າ ວັນທີ 25 ສິງຫາ2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ ສີພັນດອນ,...

ປັບສູງສຸດ 2,000 ໂດລາ ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ

ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ ພ້ອມທັງຕັ້ງຄ່າປັບໄໝສູງສຸດ 2,000 ໂດລາ ຫຼື ປະມານ 45 ລ້ານກີບ ສຳນັກຂ່າວຕ່າງປະເທດລາຍງານໃນວັນທີ 18 ສິງຫາ 2025 ຜ່ານມາ,...

ປະຫວັດ “ບຸນຫໍ່ເຂົ້າປະດັບດິນ” ປະເພນີລາວທີ່ສືບທອດມາແຕ່ບູຮານນະການ

ວັນບຸນຫໍ່ເຂົ້າປະດັບດິນ ບຸນປະເພນີທີ່ບູຮານໄດ້ພາກັນປະຕິບັດກັນມາ ເພື່ອເປັນການອຸທິດບຸນກຸສົນ ໃຫ້ກັບຍາດຕິພີ່ນ້ອງ ຜູ້ທີ່ລ່ວງລັບໄປແລ້ວ ລວມທັງສັມພະເວສີ ຜີທີ່ບໍ່ມີຍາດ. ຄວາມ​ໝາຍ​ຄວາມ​ສໍາຄັນ​ຂອງ​ບຸນ​ຫໍ່​ເຂົ້າປະດັບດິນ: ຫໍ່​ເຂົ້າປະດັບດິນ ໝາຍ​ເຖິງ ການ​ນໍາ​ເອົາ​ອາຫານ​ຫວານ​ຄາວ ຊີ້ນ​ແຫ້ງ​ປາ​ຕາຍ, ເຂົ້າຕົ້ມເຂົ້າໜົມ, ໝາກ​ໄມ້​ນານາ​ຊະນິດ ແລະ...

ເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ

ເປີດເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ ໃນລະຫວ່າງວັນທີ 15-19 ສິງຫາ 2025 ນີ້, ຄະນະຮັບຜິດຊອບການບັນຈຸຄູອາສາສະໝັກເຂົ້າເປັນກຳລັງປ້ອງກັນຊາດ ນຳໂດຍ ທ່ານ ນາງ ຄຳພັດ ໄຊຍະລິນຄຳ ຮອງຫົວໜ້າກົມສ້າງຄູ...