spot_img
Homeຂ່າວທ້ອງຖິ່ນເປີດນໍາໃຊ້ຂົວຂ້າມຂອງປາກລາຍ-ຄົກເຂົ້າດໍປີໃໝ່ລາວນີ້

ເປີດນໍາໃຊ້ຂົວຂ້າມຂອງປາກລາຍ-ຄົກເຂົ້າດໍປີໃໝ່ລາວນີ້

Published on

ສຳນັກຂ່າວສານປະເທດລາວ ລາຍງານເມື່ອວັນທີ 31 ມີນາ 2017 ວ່າ ປະຊາຊົນ ແຂວງ ໄຊຍະບູລີຈະໄດ້ນໍາໃຊ້ຂົວຂ້າມນ້ຳຂອງເຂດບ້ານນາສັກ ເມືອງປາກລາຍ ແຂວງ ໄຊຍະບູລີ ຫາ ບ້ານຄົກເຂົ້າດໍເມືອງຊະນະຄາມ ແຂວງວຽງຈັນໃນລະຫວ່າງສະຫລອງປີໃໝ່ລາວນີ້ເປັນການຊົ່ວຄາວ ພາຍຫລັງອໍານາດການປົກຄອງທ້ອງຖິ່ນໄດ້ປະກາດວ່າຈະເປີດການນໍາໃຊ້ທົດລອງໃນໄລຍະບຸນປີໃໝ່ນີ້.

ທ່ານ ບົວວຽງ ຈຳປາພັນ ຫົວໜ້າໂຄງການກໍ່ສ້າງຂົວຂ້າມນ້ຳຂອງບ້ານນາສັກ ເມືອງປາກ ລາຍ ແຂວງ ໄຊຍະບູລີຫາຄົກເຂົ້າດໍເມືອງຊະນະຄາມ ແຂວງວຽງຈັນ, ໄດ້ເປີດເຜີຍຕໍ່ທີມງານ ຂ່າວແຂວງ ໄຊຍະບູລີ, ໃນວັນທີ 30 ມີນານີ້ໃນໂອກາດທີ່ທ່ານໄດ້ເຂົ້າຮ່ວມກອງ ປະຊຸມປະຈຳປີຂອງພະແນກ ຍທຂ ແຂວງໄຊຍະບູລີ, ໂດຍລວມແລ້ວການກໍ່ສ້າງຂົວຂ້າມນ້ຳຂອງ ເມືອງປາກລາຍຫາເມືອງຊະນະຄາມແມ່ນໄດ້ເລີ່ມຕົ້ນມາແຕ່ຕົ້ນປີ 2012 ມາຮອດປະຈຸບັນແແມ່ນສຳເລັດແລ້ວ 98% ແລະ ໃນຊວງນີ້ທາງບໍລິສັດແມ່ນເລັ່ງໃສ່ເຖໜ້າຂົວ ແລະ ປູຢ່າງໜ້າຂົວເພື່ອຮັບປະກັນໃຫ້ໄດ້ເປີດຊົ່ວຄາວໃນເທດສະການປີໃໝ່ລາວ, ລັກສະນະໂຄງສ້າງຂອງຂົວສ່ວນລຸ່ມແມ່ນເຖເບຕົງເສີມເຫຼັກ ແລະ ພາກ ສ່ວນເທິງຈະເປັນໂຄງສ້າງເລັກມີຄວາມຍາວ 360 ແມັດ, ຊວງກາງຍາວເຖິງ 100 ແມັດ, ຄວາມກວ້າງຂອງໜ້າຂົວ 11 ແມັດ, ໃນນີ້ທາງລົດແລ່ນກ້ວາງ 8 ແມັດ, ແບ່ງອອກເປັນ 2 ເລັນໆລະ 4 ແມັດ, ທາງຄົນຍ່າງສອງຂ້າງເບື້ອງລະ 1,5 ແມັດ, ນຳໃຊ້ທຶນກໍ່້ສາງທັງໝົດ 189 ຕື້ກີບ, ໃນນີ້ທຶນຊ່ວຍເຫຼືອຫຼ້າຈາກປະເທດ ໂຮນລັງ ສົມທົບຊື້ຂາງຂົວມູນຄ່າ 24 ຕື້ກີບ, ເຫຼືອນັ້ນແມ່ນທຶນຂອງລັດຖະບານກວມເອົາ 80%, ຂົວແຫ່ງນີ້ຈະເປັນຂົວເຫຼັກທີ່ຍາວທີ່ສຸດຢູ່ໃນປະ ເທດເຮົາໂດຍແມ່ນບໍລິສັດ ທອງພູພານອຸດົມສີນ ກໍ່ສ້າງ, ສ້ອມແປງຂົວທາງຈຳກັດ ເປັນຜູ້ຮັບເໝົາກໍ່ສ້າງ.

 

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...