ບັນເທີງກັບລາວໂພສມື້ນີ້ແອັດມິນມີຂ່າວດີຂອງ ດາລາຄູ່ຮັກມາລະທອນຢ່າງຄູ່ຂອງ “ແອບເປິ້ນ ສີສະຫງຽນ ກັບຫວານໃຈ ບ່າວ ຟຸກ ຈິຣະ” ມາອັບເດດໃຫ້ແຟນຂ່າວບັນເທີງໄດ້ຮັບຮູ້ກັນ

ຫຼັງຈາກທີ່ແຟນຄລັບຂອງທັງຄູ່ຕິດຕາມ ແລະ ລຸ້ນການມາຍາວກ່ຽວກັບບົດສະຫຼຸບຂອງຄວາມຮັກຂອງ “ແອບເປິ້ນ ສີສະຫວຽນ ກັບຫວານໃຈ ບ່າວ ຟຸກ ຈິຣະ” ທີ່ຄົບຫາເບິ່ງໃຈກັນມາດົນກວ່າ 10 ປີ ວ່າຈະມີຂ່າວດີອອກມາເມື່ອໃດ ແລ້ວຫຼ້າສຸດຝ່າຍຊາຍກໍ່ຄື ບ່າວ ຟຸກ ຈິຣະ ກໍ່ໄດ້ອອກມາເປີດເຜີຍເຖິງງານມົງຄຸນສົມຣົດຂອງທັງຄູ່ຢ່າງເປັນທາງການຮຽບຮ້ອຍແລ້ວ ເຊິ່ງງານແຕ່ງຈະໄດ້ຈັດຂຶ້ນເມື່ອວັນທີ 03 ພະຈິກ 2017 ແລະ ສະຖານທີ່ຈັດງານນັ້ນແມ່ນຈະຈັດຂຶ້ນຢ່າງອົບອຸ່ນທີ່ເຮືອນຂໍຂອງທັງຄູ່ໃນເຂດ ບາງນາ (ປະເທດໄທ) ສຳລັບພິທີການງານແຕ່ງນັ້ນຈະຈັດເປັນ 3 ປະເພນີຄື: ປະເພນີແບບໄທ (ຕັກບາດ-ແຫ່ຂັນໝາກ), ປະເພນີແບບຈີນ (ການຍົກນ້ຳຊາ) ແລະ ປະເພນີແບບລາວ (ພິທີບາສີ-ສູ່ຂັວນ), ເລື່ອງຂອງຊຸດແຕ່ງງານນັ້ນຈະມີທັງໝົດ 4 ຊຸດ. ເຖິງແມ່ນວ່າຕອນນີ້ຍັງບໍ່ທັນມີພາບຖ່າຍ ເວດດິ້ງຂອງທັງຄູ່ມາໃຫ້ເບິ່ງ ຖ້າທັງຄູ່ປ່ອຍຮູບຖ່າຍເວດດິ້ງຫວານໆອອກມາເມື່ອໃດແອັດຈະເອົາມາອັບເດດໃຫ້ເບິ່ງແນ່ນອນ

ທີມງານບັນເທີງລາວໂພສຕ໌ ກໍ່ຂໍສະແດງຄວາມຍິນດີກັບທັງຄູ່ ຂໍໃຫ້ຊີວິດຄູ່ມີແຕ່ຄວາມສຸກສົມຫວັງທຸກປະການ