spot_img
Homeຂ່າວຕ່າງປະເທດຜູ້ນຳອັງກິດກ່າວປະນາມເຖິງການກໍ່ການຮ້າຍ ເປັນເລື່ອງ "ໜ້າລັງກຽດ ແລະ ຊົ່ວຮ້າຍ"

ຜູ້ນຳອັງກິດກ່າວປະນາມເຖິງການກໍ່ການຮ້າຍ ເປັນເລື່ອງ “ໜ້າລັງກຽດ ແລະ ຊົ່ວຮ້າຍ”

Published on

ສຳນັກຂ່າວຕ່າງປະເທດລາຍງານ ຈາກນະຄອນຫຼວງລອນດອນ ປະເທດ ອັງກິດ ເມື່ອວັນທີ 23 ມີນາ 2017 ນີ້ວ່າ ຄວາມຄືບໜ້າເຫດການກໍ່ການຮ້າຍທີ່ເກີດຂຶ້ນເມື່ອຊ່ວງເວລາ 14:40 ນາທີ ຂອງວັນພຸດ ທີື 22 ມີນາ ທີ່ຜ່ານມາ ເຊິ່ງເປັນເຫດເຮັດໃຫ້ມີຜູ້ເສຍຊີວິດ 4 ຄົນ ເຊິ່ງແຍກຜູ້ເສຍຊີວິດຈາກການຖືກລົດຕຳ 3 ຄົນ ແລະ ຖືກແທງ 1 ຄົນ ປັດຈຸບັນລວມມີຜູ້ບາດເຈັບທັງໝົດ 40 ຄົນ

ລາຍງານເບື້ອງຕົ້ນລະບຸເຫດການຄົນຮ້າຍບຸກແທງເຈົ້າໜ້າທີ່ຕຳຫຼວດທີ່ອາຄານສະພາອັງກິດ ເຮັດໃຫ້ຕຳຫຼວດຕ້ອງຍິງໃສ່ຄົນຮ້າຍເພື່ອລະງັບເຫດ ຂະນະທີ່ບັນດາສະມາຊິກສະພາ ແລະ ນັກຂ່າວຖືກເຈົ້າໜ້າທີ່ຮັກສາຄວາມປອດໄພສັ່ງໃຫ້ຢູ່ພາຍໃນອາຄານ ພ້ອມກັບໄດ້ຮັບການຮັກສາຄວາມປອດໄພຢ່າງເຂັ້ມງວດ

ທ່ານ ນາງ ເທເຣຊາ ເມຍ໌ ນາຍົກລັດຖະມົນຕີອັງກິດ ນຸ່ງຊຸດດຳ ຖະແຫຼງຂ່າວດ້ານໜ້າທຳນຽບນາຍົກລັດຖະມົນຕີທີ່ຖະໜົນດາວນິ່ງ ຫຼັງມີການປະຊຸມສຸກເສີນກັບຄະນະລັດຖະມົນຕີເລື່ອງເຫດກໍ່ການຮ້າຍທີ່ເກີດຂຶ້ນທີ ເວສມິນສເຕີ ໂດຍກ່າວປະນາມການກໍ່ການຮ້າຍນີ້ວ່າເປັນເລື່ອງທີ່ໜ້າລັງກຽດ ແລະ ຊົ່ວຮ້າຍ ພວກກໍ່ການຮ້າຍເລືອກທີ່ຈະໂຈມຕີໃນເມືອງຫຼວງ ເພື່ອທຳລາຍຄຸນຄ່າຄວາມເປັນປະຊາທິປະໄຕຂອງອັງກິດຂອງພວກເຮົາ ແຕ່ພວກເຮົາຈະເດີນໜ້າຕໍ່ໄປ ເຮົາບໍ່ເຄີຍຍອມແພ້ພວກກໍ່ການຮ້າຍ ສຳລັບການປະຊຸມສະພາແຫ່ງຊາດ ຍັງຄົງຕ້ອງດຳເນີນຕໍ່ໄປຕາມປົກ ກະຕິໃນວັນທີ 23 ມີນາ. ຂະນະການກຽມຄວາມພ້ອມຮັກສາຄວາມປອດໄພຍັງຄົງຢູ່ໃນລະດັບສູງບໍ່ມີການປ່ຽນ ແປງ. 

https://youtu.be/RKBq8Ks3MWo

ຜູ້ບັນຊາການຕຳຫຼວດສູງສຸດ ບີ.ເຈ ເປີດເຜີຍວ່າ ເຈົ້າໜ້າທີ່ໄດ້ເປີດການສອບສວນເຫດການນີ້ເປັນການຕໍ່ຕ້ານການກໍ່ການຮ້າຍຢ່າງເຕັມຮູບແບບ ແລະ ມີການເສີມກຳລັງຕຳຫຼວດທັງຕິດອາວຸດ ແລະ ບໍ່ຕິດອາວຸດທົ່ວນະຄອນຫຼວງລອນດອນ ເພື່ອຮັກສາຄວາມປອດໄພໃຫ້ປະຊາຊົນ.

ບົດຄວາມຫຼ້າສຸດ

“ປະຫວັດຄວາມເປັນມາຂອງບຸນປີໃໝ່ລາວ” (ປະຫວັດນາງສັງຂານເທບພະທິດາທັງ 07)

"ປະຫວັດຄວາມເປັນມາຂອງບຸນປີໃໝ່ລາວ"(ປະຫວັດນາງສັງຂານເທບພະທິດາທັງ 07) ຄວາມເປັນມາຂອງນາງສັງຂານ (ບຸນປີໃໝ່ລາວ) ໃນອະດີດຕະການດົນນານມາແລ້ວ... ໃນສະໄໝນັ້ນມີເຈົ້າຜູ້ຄອງເມືອງສະຫວັນອົງໜື່ງຊື່ "ພະຍາກະບິນລະພຣົມ" ເປັນຄົນມີພູມປັນຍາສະຫຼາດອາດຫານເກັ່ງກ້າສາມາດບໍ່ມີຜູ້ໃດມາທຽມໄດ້ເປັນເທບແຫ່ງສວງສະຫວັນວິມານຊັ້ນຟ້າ (ຊັ້ນພຣົມ), ຢູ່ມາມື້ໜຶ່ງບັນດາເສນາອາມາດໄດ້ຮູ້ຂ່າວວ່າມີຊາຍໜຸ່ມຄົນໜື່ງໃນໂລກມະນຸດສະຫຼາດຫຼັກແຫຼມເປັນນັກປຣາດບັນດິດຈື່ງເຊີນເຂົ້າມາໃນເມືອງສະຫວັນເພື່ອທ້າສະໝອງລອງປັນຍາດ້ວຍເຫດເລົ່າກັນມາມີດັ່ງນີ້: "ພະຍາກະບິນລະພຣົມ" ຈຶ່ງໄດ້ທ້າສະໝອງລອງປັນຍາ ກັບທ່ານນັກປຣາດຜູ້ຮຽນຈົບໄຕຼເພດ (ຄວາມຮູ້ຂັ້ນສູງສາມຢ່າງ ໄດ້ແກ່...

ເຫດເຮລິຄອບເຕີ ຕົກລົງແມ່ນໍ້າຮັດສັນ ນະຄອນນິວຢອກ ສະຫະລັດອາເມລິກາ ເສຍຊີວິດ 6 ຄົນ

ເສຍຊີວິດໝົດລຳ! ເຫດເຮລິຄອບເຕີ ຕົກລົງແມ່ນໍ້າຮັດສັນ ນະຄອນນິວຢອກ ສະຫະລັດອາເມລິກາ ເສຍຊີວິດ 6 ຄົນ ສຳນັກຂ່າວຕ່າງປະເທດລາຍງານໃນຊ່ວງບາຍຂອງວັນທີ 10 ເມສາ 2025 ກີດເຫດເຮລິຄອບເຕີລຳໜຶ່ງປະສົບອຸບັດເຫດຄົກລົງໃນແມ່ນໍ້າຮັດສັນ ບໍລິເວນທ່າເຮືອ 40...

ພິທີມອບ​-ຮັບໂຄງການກໍ່ສ້າງ,​ ປັບປຸງ,​ ສ້ອມແປງ ອາຄານຫໍພິພິທະພັນແຂວງຈຳປາສັກ ມູນຄ່າ 15 ຕື້ດົງ

ພິທີມອບ​-ຮັບໂຄງການກໍ່ສ້າງ,​ ປັບປຸງ,​ ສ້ອມແປງ ອາຄານຫໍພິພິທະພັນແຂວງຈຳປາສັກ. ວັນທີ 11 ເມສາ 2025,​ ໄດ້ມີພິທີມອບ​-ຮັບໂຄງການກໍ່ສ້າງ,​ ປັບປຸງ,​ ສ້ອມແປງ ອາຄານຫໍພິພິທະພັນແຂວງຈຳປາສັກ ແຕ່ກ່ອນແມ່ນອາຄານຫ້ອງການພະແນກການຕ່າງປະເທດແຂວງ ຫຼື​ ອາຄານເກົ່າຫ້ອງວ່າການແຂວງ.​...

ບໍລິສັດ ສິດທິໂລຈິດສຕິກ ລາວ ຈຳກັດ ຮ່ວມມືກັບ ກຸ່ມບໍລິສັດ YCH ເດີນຫນ້າຮ່ວມມືກັນໃນການຂົນສົ່ງສິນຄ້າກະສິກໍາຂ້າມແດນຫຼາຍຮູບແບບ

ບໍລິສັດ ສິດທິໂລຈິດສຕິກ ລາວ ຈຳກັດ ຮ່ວມມືກັບ ກຸ່ມບໍລິສັດ YCH ເດີນຫນ້າຮ່ວມມືກັນໃນການຂົນສົ່ງສິນຄ້າກະສິກໍາຂ້າມແດນຫຼາຍຮູບແບບ ເພື່ອເສີມສ້າງຄວາມເຊື່ອມໂຍງຂອງພູມິພາກອາຊຽນ ບໍລິສັດ ສິດທິໂລຈິດສຕິກ ລາວ ຈຳກັດ ແລະ ກຸ່ມບໍລິສັດ...