ຈາກກໍລະນີຜູ້ໃຊ້ເຟສບຸກຊື່ สุจินต์ คนขี้เล่า ໄດ້ເຜີຍແພ່ວິດີໂອ ທີ່ເປັນຄລິບຖ່າຍແມ່ຄ້າສາວ ຄິດໄລ່ເງິນຢູ່ຮ້ານອາຫານແຫ່ງໜຶ່ງ ດ້ວຍຄວາມຊ່ຽວຊານແລະວ່ອງໄວ ແຕ່ຖືກຕ້ອງບໍ່ຜິດພາດ ໂດຍຜູ້ເຜີຍແພ່ວິດີໂອໄດ້ໃສ່ຫົວຂໍ້ວ່າ: ຢາກໄດ້ນາງມາຊ່ວຍທຸລະກິດຢູ່ເຮືອນແທ້ເດ! .
ພາຍຫຼັງວິດີໂອດັ່ງກ່າວຖືກເຜີຍແພ່ອອກໄປ ຊາວເນັດຕ່າງກໍແຫ່ກັນເຂົ້າມາຊື່ນຊົມ ແລະກ່າວຍ້ອງຍໍຄວາມເກັ່ງຂອງແມ່ຄ້າສາວ ພ້ອມທັງຍັງສົ່ງຕໍ່ວິດີໂອດັ່ງກ່າວເຜີຍແພ່ອອກໄປຢ່າງກວ້າງຂວາງ.
ແນວໃດກໍຕາມ, ຍັງບໍ່ມີຂໍ້ມູນຈະແຈ້ງເທື່ອວ່າແມ່ຄ້າສາວຄົນດັ່ງກ່າວຊື່ຫຍັງ ແລະຮ້ານອາຫານຢູ່ໃສ ແຕ່ຊາວເນັດສ່ວນໜຶ່ງເວົ້າວ່າເປັນຮ້ານອາຫານແຫ່ງໜຶ່ງທີ່ຊຽງໃໝ່ ປະເທດໄທ.
