Homeວິທະຍາສາດ-ວິທະຍາການI.Con ຖົງຢາງອານາໄມ ອັດສະລິຍະ ພ້ອມລະບົບກວດຈັບການໃຊ້ງານໃນເວລາທີ່ທ່ານມີເພດສຳພັນ

I.Con ຖົງຢາງອານາໄມ ອັດສະລິຍະ ພ້ອມລະບົບກວດຈັບການໃຊ້ງານໃນເວລາທີ່ທ່ານມີເພດສຳພັນ

Published on

ສຳລັບມະນຸດບໍ່ມີສິ່ງໃດທີ່ເຮັດບໍ່ໄດ້ ປັດຈຸບັນມີຖົງຢາງອານາໄມແບບໃໝ່ຫຼ້າສຸດທີ່ມີຊື່ວ່າ I.Con ເປັນຖົງຢາງອັດສະລິຍະຮຸ້ນທຳອິດຂອງໂລກທີ່ຖືກສ້າງຂຶ້ນໂດຍບໍລິສັດ British Condoms ຈາກປະເທດອັງກິດ ເຊິ່ງຜູ້ຜະລິດບອກວ່າຄວາມຈິງແລ້ວຕົວ I.Con ຄືຫ່ວງບໍລິເວນຫັດໂຄນຖົງຢາງທີ່ສາມາດຖອດປ່ຽນ ແລະ ນຳຖົງຢາງອານາໄມແບບໃດມາໃສ່ກໍ່ໄດ້ຕາມໃຈມັກ ໂດຍມາພ້ອມກັບຊິບປະມວນຜົນ ແລະ ເຊັນເຊີລະດັບນາໂນ ທີ່ຊ່ວຍໃນການຕິດຕາມກິດຈະກຳຮ່ວມເພດ

i.Con ມັນເຮັດໜ້າທີ່ສຳລັບເກັບບັນທຶກສະຖິຕິຂໍ້ມູນຕ່າງໆລະຫວ່າງມີເພດສຳພັນ ເຊັ່ນ:​ຈຳນວນຂອງແຄລລໍຣີທີ່ຖືກເຜົາຜານ, ສະຖິຕິຄວາມໄວ, ຂະໜາດຂອງອະໄວຍະວະເພດ, ເວລາຮ່ວມຂອງກິດຈະກຳ, ອຸນຫະພູມ, ວັນ ແລະ ເວລາໃຊ້ ກວດສອບໂຣກທີ່ກ່ຽວຂ້ອງກັບເພດສຳພັນ ຢ່າງໂຣກເອດສ໌ ແລະ ໂຣກໜອງໃນ.

i.Con ທຳງານຮ່ວມກັບ ແອັບພລິເຄຊັ່ນໃນສະມາສໂຟນ ເພື່ອກວດສອບສະຖິຕິ ແລະ ຄ່າສະເລ່ຍຕ່າງໆ ລະຫວ່າງມີການຮ່ວມເພດ ຜູ້ຜະລິດຍັງອອກແບບໃຫ້ໃຊ້ຮ່ວມມ່ວນກັບການແຊລຄ່າສະຖິຕິຕ່າງໆ ແບ່ງປັນກັບກຸ່ມຜູ້ໃຊ້ຄົນອື່ນໆໄດ້ ນອກຈາກນີ້ ຍັງມີພອດ micro USB ໃນຕົວ ຜູ້ໃຊ້ຈິ່ງສາມາດຖ່າຍໂອນຂໍ້ມູນຂອງຕົວເອງລົງຄອມພິວເຕີໄດ້ ຫຼື ຈະເຊື່ອມຕໍ່ກັບແອັບພລິເຄຊັ່ນໃນສະມາສໂຟນຜ່ານ Bluetooth ກໍ່ໄດ້ຄືກັນ ແລະ ຍັງໃຊ້ເວລາຊາຣແບັກປະມານ 1 ຊົ່ວໂມງ ກໍ່ໃຊ້ງານ I.Con ໄດ້ດົນເຖິງ 6-8 ຊົ່ວໂມງ

i.Con ມີວາງຈຳໜ່າຍແລ້ວໃນລາຄາ £59.99ຫຼື ປະມານ 750,000 ກີບ (ໜຶ່ງກ່ອງມີໜຶ່ງອັນ) ໂດຍເລີ່ມວາງຈຳໜ່າຍທີ່ປະເທດອັງກິດກ່ອນເປັນປະເທດທຳອິດ ສ່ວນປະເທດອື່ນໆຜູ້ຜະລິດມີແຜນວາງຈຳໜ່າຍໄວໆນີ້

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...