ການບໍ່ເສຍພາສີອາກອນແມ່ນບໍ່ຮັກຊາດ ນີ້ແມ່ນໜຶ່ງໃນຈິດໃຈທີ່ ທ່ານ ທອງສິງ ທຳມະວົງ ນາຍົກລັດຖະມົນຕີ
ໄດ້ໃຫ້ທິດຊີ້ນຳຕໍ່ອຳນາດການປົກຄອງເມືອງຫາດຊາຍຟອງ ນຳໄປລົງປຸກລະດົມຂົນຂວາຍພໍ່ແມ່ປະຊາຊົນ ແລະ
ຫົວໜ່ວຍທຸລະກິດ ໃຫ້ເອົາໃຈໃສ່ປະກອບສ່ວນສ້າງລາຍຮັບແກ່ເມືອງ ກໍຄືປະເທດ ທັງນີ້ກໍເພື່ອພັດທະນາເມືອງ
ຫາດຊາຍຟອງໃຫ້ກາຍເປັນເມືອງທີ່ມີການ ພັດທະນາ ແລະ ເຂັ້ມແຂງດ້ານເສດຖະກິດຫຼາຍຂຶ້ນ.
ໃນວັນທີ 12 ສິງຫາຜ່ານມາ ທ່ານ ທອງສິງ ທຳມະວົງ ນາຍົກລັດຖະມົນຕີ ພ້ອມດ້ວຍຄະນະໄດ້ລົງຢ້ຽມຢາມ ແລະ
ເຮັດວຽກຢູ່ເມືອງຫາດຊາຍຟອງ ນະຄອນຫຼວງວຽງຈັນ ໂດຍໄດ້ຮັບການຕ້ອນຮັບຢ່າງອົບອຸ່ນຈາກອຳນາດການປົກ
ຄອງເມືອງ ແລະ ປະຊາຊົນພາຍໃນເມືອງດັ່ງກ່າວ.
ທ່ານ ບຸນທາມ ພຸດທະວົງສາ ເຈົ້າເມືອງໆຫາດຊາຍຟອງໄດ້ລາຍງານສະພາບທີ່ຕັ້ງ ແລະ ຈຸດພິເສດຂອງເມືອງຫາດ
ຊາຍຟອງ ລວມເຖິງລາຍງານສະພາບການພັດທະນາເສດຖະກິດ – ສັງຄົມ ຂອງເມືອງໃຫ້ແກ່ທ່ານນາຍົກໄດ້ຮັບຊາບ.
ຈາກນັ້ນ, ທ່ານນາຍົກລັດຖະມົນຕີກໍ່ໄດ້ໃຫ້ກຽດໂອ້ລົມ ແຕ່ກ່ອນອື່ນທ່ານໄດ້ກ່າວຍ້ອງຍໍຊົມເຊີຍຕໍ່ຜົນງານອັນຫຼາກ
ຫຼາຍ ທີ່ທາງເມືອງສາມາດຍາດມາໄດ້ໃນໄລຍະຜ່ານມາ ໜຶ່ງໃນນັ້ນໄດ້ເນັ້ນໃຫ້ອຳນາດການປົກຄອງເມືອງເອົາໃຈໃສ່
ບຸກບືນໃນການຈັດເກັບລາຍຮັບເຂົ້າງົບປະມານໃຫ້ໄດ້ຕາມເປົ້າໝາຍ ລົງຄົ້ນຄວ້າປຸກລະດົມຂົນຂວາຍປະຊາຊົນຕະ
ຫຼອດຮອດບັນດາບໍລິສັດ ແລະ ຫ້າງຮ້ານໃຫ້ມີຄວາມຕື່ນຕົວໃນການເສຍພາສີອາກອນ.
ຜູ້ທີ່ຮັກຊາດຕ້ອງປະຕິບັດພັນທະຕ້ອງເສຍອາກອນໃຫ້ຖືກຕ້ອງ ຜູ້ໃດບໍ່ເສຍພາສີອາກອນບໍ່ປະຕິບັດພັນທະຕາມລະ
ບຽບກົດໝາຍ ຖືວ່າຜູ້ນັ້ນແມ່ນບໍ່ຮັກຊາດ ນີ້ແມ່ນໜຶ່ງເນື້ອໃນຈິດໃຈທີ່ທ່ານນາຍົກໄດ້ເນັ້ນໃຫ້ອຳນາດການປົກເມືອງ
ຫາຍຊາຍຟອງ ລົງໄປລະດົມຂົນຂວາຍປະຊາຊົນ ໃຫ້ປະກອບສ່ວນ ເພື່ອມາພັດທະນາເມືອງໃຫ້ມີການຂະຫຍາຍຕົວໄດ້
ຢ່າງແຂງແຮງ.
ແຫຼ່ງຂ່າວ: http://www.sedthakid.la/home/khao/19917.html