spot_img
Homeຂ່າວພາຍ​ໃນມີຫຼາຍເລື່ອງທີ່ຊາວໜຸ່ມລາວ ຈະເກັບກຳໄດ້ຈາກຍີ່ປຸ່ນ

ມີຫຼາຍເລື່ອງທີ່ຊາວໜຸ່ມລາວ ຈະເກັບກຳໄດ້ຈາກຍີ່ປຸ່ນ

Published on

ຊາວໜຸ່ມລາວເດິນທາງໄປທັດສະນະ ທີ່ປະເທດຍີ່ປຸ່ນ ເພື່ອແລກປ່ຽນຄວາມຮູ້ກ່ຽວກັບການພັດທະນາ, ວັດທະນະທຳ ແລະການທ່ອງທ່ຽວ.

ຊາວໜຸ່ມຈາກ 10 ປະເທດອາຊຽນ ໄດ້ເດິນທາງເຂົ້າຮ່ວມໂຄງການ Jenesys 2016 ທີ່ປະເທດຍີ່ປຸ່ນຈຳນວນຫຼາຍກວ່າ 200 ຄົນ ໃນນັ້ນ, ມີຊາວໜຸ່ມຈາກປະເທດລາວເຂົ້າຮ່ວມຈຳນວນ 28 ຄົນ ເຊິ່ງປະກອບດ້ວຍ ພາກສ່ວນສື່ມວນຊົນ, ສະຖາບັນການທ່ອງທ່ຽວ ແລະກົມພົວພັນຕ່າງປະເທດ. ໂຄງການດັ່ງກ່າວຈັດໂດຍອົງການ JICE ແຫ່ງປະເທດຍີ່ປຸ່ນ.

ການທັດສະນະດັ່ງກ່າວ ນັບແຕ່ວັນທີ 28 ກຸມພາ ເຖິງວັນທີ 3 ມີນາ 2017 ທີ່ຜ່ານມາ ຜູ້ເຂົ້າຮ່ວມໄດ້ຮັບຟັງການບັນຍາຍ ກ່ຽວກັບປະຫວັດການພັດທະນາປະເທດຂອງຍີ່ປຸ່ນ, ຮຽນຮູ້ລະບຽບການດຳລົງຊີວິດຢູ່ປະເທດຍີ່ປຸ່ນ, ຮຽນຮູ້ການສົ່ງເສີມການທ່ອງທ່ຽວ ແລະສຳຜັດຊີວິດຕົວຈິງຂອງປະຊາຊົນຍີ່ປຸ່ນ.

ວັນທີ 1 ມີນາ ຄະນະຊາວໜຸ່ມໄດ້ຮັບຟັງການບັນຍາຍກ່ຽວກັບປະຫວັດຄວາມເປັນມາຂອງການພັດທະນາເສດຖະກິດ-ສັງຄົມຂອງຍີ່ປຸ່ນ ທີ່ນະຄອນຫຼວງໂຕກຽວ, ວັນທີ 2 ມີນາ ໄດ້ເດິນທາງໄປ ໂອສະກະ ເພື່ອຮ່ວມດຳລົງຊີວິດກັບປະຊາຊົນຍີ່ປຸ່ນເປັນເວລາ 1 ມື້ ທີ່ເມືອງ ໂກກະຊິຕີ ແລະວັນທີ 3 ມີນາ 2017 ມື້ນີ້ ພາກເຊົ້າໄດ້ຮັບຟັງການບັນຍາຍ ເຖິງວິທີການສົ່ງເສີມການທ່ອງທ່ຽວຈາກອົງການທ່ອງທ່ຽວປະຈຳ ໂອສະກະ ຕອນບ່າຍຊາວໜຸ່ມລາວໄດ້ໄປຢ້ຽມຊົມຜາສາດນິນຈາ ແລະ ຜາສາດໂອສະກະ ເຊິ່ງເປັນຜາສາດທີ່ມີຊື່ສຽງແລະເປັນມໍລະດົກໂລກຂອງ ຍີ່ປຸ່ນ ແລະຕອນຄໍ່າຄະນະຊາວໜຸ່ມໄດ້ຮ່ວມ ນຸ່ງຊຸດປະຈຳຊາດຍີ່ປຸ່ນ, ດື່ມນໍ້າຊາແບບຍີ່ປຸ່ນ, ຮັບປະທານອາຫານຄໍ່າແບບຍີ່ປຸ່ນຮ່ວມກັນ ແລະນອນໂຮງແຮມແບບຍີ່ປຸ່ນ ທີ່ນະຄອນ ນາຣະ.

ແນວໃດກໍຕາມ, ກິດຈະກຳຈະຍັງດຳເນີນຕໍ່ໄປຈົນຮອດ ວັນທີ 6 ມີນາ 2017 ຈຶ່ງສຳເລັດ ເຊິ່ງຄາດວ່າຄະນະຊາວໜຸ່ມລາວຊຸດດັ່ງກ່າວ ຈະສາມາດເກັບກ່ຽວເອົາປະສົບການແລະຄວາມຮູ້ຈາກຍີ່ປຸ່ນໄດ້ຫຼາຍປະການ ແລະຄະນະຊາວໜຸ່ມລາວດັ່ງກ່າວຈະເດິນທາງກັບເຖິງນະຄອນຫຼວງວຽງຈັນ ໃນຕອນຄໍ່າຂອງວັນທີ 7 ມີນາ 2017.

ບົດຄວາມຫຼ້າສຸດ

ຕື່ມແບບຟອມ Thailand Digital Arrival Card (TDAC) ກ່ອນເຂົ້າໄທ

ນັກທ່ອງທ່ຽວ ຫຼື ຄົນຕ່າງປະເທດຕ້ອງຕື່ມຟອມທາງອອນລາຍກ່ອນເຂົ້າປະເທດໄທ ເລີ່ມແຕ່ວັນທີ 1 ພຶດສະພາ 2025 ເປັນຕົ້ນໄປ, ຜູ້ທີ່ບໍ່ແມ່ນພົນລະເມືອງໄທທຸກຄົນ(ນັກທ່ອງທ່ຽວ, ຄົນຕ່າງປະເທດ) ທີ່ເດີນທາງໄປປະເທດໄທດ້ວຍທາງອາກາດ, ທາງບົກ ຫຼື ທາງທະເລ ຈະຕ້ອງໄດ້ຕື່ມແບບຟອມ...

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...