Homeຂ່າວພາຍ​ໃນການປັບດັດສະນີເງິນເດືອນ ຈະບໍ່ກະທົບຕໍ່ລາຄາສິນຄ້າແນ່ນອນ.

ການປັບດັດສະນີເງິນເດືອນ ຈະບໍ່ກະທົບຕໍ່ລາຄາສິນຄ້າແນ່ນອນ.

Published on

ສຳນັກຂ່າວສານປະເທດລາວ ລາຍງານເມື່ອວັນທີ 27 ກຸມພາ 2017ນີ້ວ່າ ກົມການຄ້າພາຍໃນ ກະຊວງອຸດສາຫະ ກຳ ແລະ ການຄ້າ ຮັບປະກັນການປັບດັດສະນີເງິນເດືອນ ຈະບໍ່ກະທົບຕໍ່ລາຄາສິນຄ້າແນ່ນອນ.

ທ່ານ ບຸນທຽນ ແກ້ວສີພາ ຫົວໜ້າກົມການຄ້າພາຍໃນ ກະຊວງອຸດສາຫະກຳ ແລະ ການຄ້າ ກ່າວວ່າ: ການຈັດຕັ້ງປະຕິບັດວຽກງານຄຸ້ມຄອງລາຄາ ແລະ ຄ່າບໍລິການໃນໄລຍະຜ່ານມາຈົນເຖິງປັດຈຸບັນ ກະຊວງອຸດສາຫະກຳ ແລະ ການຄ້າ ໄດ້ຄົ້ນຄວ້າ ແລະ ກຳນົດເອົາລາຍການສິນຄ້າຄວບຄຸມປະກອບມີ 4 ປະເພດ ລວມມີ 14 ລາຍການຄື: ນ້ຳມັນເຊື້ອໄຟມີ 3 ລາຍການ (ນ້ຳມັນແອັດຊັງພິເສດ ແອັດຊັງທຳມະດາ ແລະ ນ້ຳມັນກາຊວນ) ປະເພດເຂົ້າ 6 ລາຍການ ປະເພດຊີ້ນ 4 ລາຍການ ແລະ ປະເພດປາ 1 ລາຍການຄື: ປານິນກະຊັງ.

ສ່ວນລາຄາສິນຄ້າໃນຕະຫຼາດຂອງປີ 2017 ແມ່ນມີຄວາມສະຫງົບ ໂດຍສະເພາະ ໃນໄລຍະເທສະການ ແລະ ງານບຸນປະເພນີສຳຄັນຕ່າງໆ ລາຄາມີການເໜັງຕີງຕາມກົນໄກຕະຫຼາດ ແລະ ຕາມລະດູການທີ່ສາມາດຄວບຄຸມໄດ້ ໃນນັ້ນ ລາຄາຂາຍຍົກ-ຂາຍຍ່ອຍ ຊີ້ນໝູ ສູງສຸດບໍ່ໃຫ້ເກີນ 38 ພັນກີບຕໍ່ກິໂລ ເຂົ້າສານໜຽວ 7.500-8.000 ກີບຕໍ່ກິໂລ ເຂົ້າຈ້າວ 8.000-9.000 ກີບຕໍ່ກິໂລ ຊີ້ນງົວ-ຄວາຍ 70.000-80.000 ກີບຕໍ່ກິໂລ ສ່ວນປານິນກະຊັງ 18.000-22.000 ກີບຕໍ່ກິໂລ ສ່ວນລາຄາພືດຜັກ ໝາກເຜັດ ໝາກນາວ ແລະ ຜັກຫອມປະເພດຕ່າງໆ ກໍ່ຖືວ່າຍັງຢູ່ໃນເກນປົກກະຕິ.

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...