ພຶດຕິກຳຕ່າງໆຂອງມະນຸດ ມີຜົນເຮັດໃຫ້ສະໝອງເຮັດວຽກບໍ່ໄດ້ປະສິດທິພາບ ແລະໃນທີ່ສຸດກໍເຮັດໃຫ້ສະໝອງເສື່ອມ, ຖ້າຫາກເຮົາບໍ່ຢາກໃຫ້ສະໝອງເສື່ອມ ເຮົາຄວນຫຼີກລຽງພຶດຕິກຳນີ້ດ່ວນ
- ການບໍ່ກິນເຂົ້າເຊົ້າ: ການທີ່ເຮົາບໍ່ກິນອາຫານເຊົ້າ ຈະເຮັດໃຫ້ສະໝອງຂອງເຮົາຂາດສານອາຫານ ເຮັດໃຫ້ສະໝອງເສື່ອມ ເພາະສະໝອງຈະຂາດສານອາຫານ ແລະນໍ້າທີ່ໄປຫຼໍ່ລ້ຽງສະໝອງເປັນເວລາ 5 ຊົ່ວໂມງ ໃນຊ່ວງທີ່ເຮົານອນຫຼັບ, ດັ່ງນັ້ນ ການກິນອາຫານ ຈະຊ່ວຍເພີ່ມປະສິດທິພາບການເຮັດວຽກຂອງສະໝອງ ແລະເຮັດໃຫ້ຮູ້ສຶກສົດຊື່ນ
- ກິນອາຫານຫຼາຍຈົນເກີນໄປ: ເພາະຈະເຮັດໃຫ້ຫຼອດເລືອດແດງໃນສະໝອງແຂງຕົວ ເຊິ່ງເປັນສາເຫດຂອງວາມຈຳສັ້ນ
- ການສູບຢາ: ເພາະເປັນສາເຫດຂອງສະໝອງເສື່ອມ ຫຼືອັນໄຊເມີ
- ກິນອາຫານຫວານເກີນໄປ: ຈະເຮັດໃຫ້ຂັດຂວາງການດູດຊຶມຂອງໂປຣຕີນ ແລະສານອາຫານທີ່ເປັນປະໂຫຍດອື່ນໆ ທີ່ຊ່ວຍພັດທະນາສະໝອງ
- ການສູບອາກາດທີ່ເປັນພິດ: ຈະເຮັດໃຫ້ອົກຊີແຊນໃນສະໝອງຫຼຸດລົງ ເຮັດໃຫ້ປະສິດທິພາບຂອງສະໝອງຫຼຸດລົງ
- ການອົດນອນຕະຫຼອດ: ຈະເຮັດໃຫ້ເຊວສະໝອງຕາຍ ດັ່ງນັ້ນ ຄວນນອນພັກຜ່ອນໃຫ້ພຽງພໍ ຈະເຮັດໃຫ້ມີຄວາມຈຳດີ
- ການໃຊ້ສະໝອງຂະນະທີ່ບໍ່ສະບາຍ: ຈະເຮັດໃຫ້ສະໝອງເຮັດວຽກໜັກຂຶ້ນ ເຮັດໃຫ້ສະໝອງເຮັດວຽກບໍ່ມີປະສິດທິພາບ ແລະເປັນການທຳຮ້າຍສະໝອງ
- ນອນເອົາຜ້າຫົ່ມປົກຫົວ: ຈະເຮັດໃຫ້ອາກາດທີ່ເຮົາໃຊ້ຫາຍໃຈມີຈຳກັດ ແລະຖ່າຍເທບໍ່ສະດວກ ສົ່ງຜົນໃຫ້ມີກາກບອນຫຼາຍຂຶ້ນ ເຊິ່ງຈະເຮັດໃຫ້ປະສິດທິພາບໃນການເຮັດວຽກຂອງສະໝອງຫຼຸດລົງ
- ຂາດການໃຊ້ຄວາມຄິດ: ເພາະການຄິດເປັນສິ່ງທີ່ດີທີ່ສຸດ ໃນການຝຶກສະໝອງ ການຂາດການໃຊ້ຄວາມຄິດ ຈະເຮັດໃຫ້ສະໝອງເສື່ອມລົງເທື່ອລະໜ້ອຍ ສຸດທ້າຍກໍສະໝອງເສື່ອມ
- ບໍ່ມັກເວົ້າ: ເພາະທັກສະການເວົ້າ ເປັນຕົວສະແດງເຖິງປະສິດທິພາບຂອງສະໝອງ