spot_img
Homeຂ່າວພາຍ​ໃນທ່ານວິໄລວັນ ພົມເຂ ລົງກວດ ຜົນເສຍຫາຍຈາກນ້ຳຖ້ວມ

ທ່ານວິໄລວັນ ພົມເຂ ລົງກວດ ຜົນເສຍຫາຍຈາກນ້ຳຖ້ວມ

Published on

 

ໃນໂອກາດທີ່ທ່ານ ວິໄລວັນ ພົມເຂ ກໍາມະການສູນກາງພັກ ລັດຖະມົນຕີວ່າການກະຊວງກະສິກໍາ ແລະ ປ່າໄມ້ ມາເຄື່ອນໄຫວຕິດຕາມສະພາບນ້ໍາຖ້ວມ ແລະ ຊຸກຍູ້ການຜະລິດຢູ່ບັນດາແຂວງພາກກາງ-ພາກໃຕ້ຂອງລາວ ທ່ານກໍ່ໄດ້ພົບປະໂອ້ລົມຄະນະພັກ-ຄະນະພະແນກ ແລະ ສະມາຊິກພັກພາຍໃນພະແນກກະສິກໍາ-ປ່າໄມ້ແຂວງຈໍາປາສັກ ພ້ອມທັງເຄື່ອນໄຫວຕິດຕາມສະພາບນໍ້າຖ້ວມ ແລະ ຊຸກຍູ້ການຜະລິດຕ່ືມອີກ.
ການພົບປະໂອ້ລົມຄັ້ງນີ້ມີຂຶ້ນໃນວັນທີ 7 ສິງຫາ 2014 ທີ່ຜ່ານມາ ຢູ່ໂຮງແຮມຈໍາປາສັກແກຣນ ເມືອງປາກເຊ, ກ່ອນອື່ນທ່ານ ວິໄລວັນ ພົມເຂ ໄດ້ຮັບຟັງສະພາບການຜະລິດລະດູຝົນ ປີ 2014, ສະພາບນໍ້າຖ້ວມ, ຜົນເສຍຫາຍຄາດຄະເນເບື້ອງຕົ້ນ, ຂະບວນການຊ່ວຍເຫຼືອເບື້ອງຕົ້ນແກ່ປະຊາຊົນທີ່ໄດ້ຮັບຜົນກະທົບ ແລະ ມາດຕະການໃນການຈັດຕັ້ງປະຕິບັດຫຼັງຈາກນໍ້າລົດລົງ ຊຶ່ງລາຍງານໂດຍທ່ານ ສຸປານີ ສີລິປຸນໂຍ ກໍາມະການພັກແຂວງ ຫົວໜ້າພະແນກກະສິກໍາ-ປ່າໄມ້ແຂວງ, ໄດ້ຮັບຟັງຄວາມພ້ອມໃນການຈັດງານບຸນມະໂຫລານກາເຟລາວຄັ້ງທີ I ທີ່ຈະຈັດຂຶ້ນໃນວັນທີ 24-26 ຕຸລາ 2014 ຢູ່ແຂວງຈໍາປາສັກ ຊຶ່ງລາຍງານໂດຍທ່ານ ຄໍາໝັ້ນ ພັນທະລາ ຮອງຫົວໜ້າພະແນກອຸດສາຫະກໍາ-ການຄ້າແຂວງ, ຈາກນັ້ນທ່ານ ລັດຖະມົນຕີຈິ່ງໄດ້ໃຫ້ກຽດໂອ້ລົມ, ເນື້ອໃນສໍາຄັນຕົ້ນຕໍທ່ານໄດ້ເນັ້ນໃຫ້ຄະນະພັກ-ຄະນະພະແນກ, ສະມາຊິກພັກ ແລະ ພະນັກງານພະແນກກະສິກໍາ-ປ່າໄມ້ແຂວງເອົາໃຈໃສ່ປະສານສົມທົບກັບອໍານາດການປົກຄອງແຂວງ, ເມືອງ ແລະ ພະແນກການກົມກອງທີ່ກ່ຽວຂ້ອງ ເພື່ອຕິດຕາມເຝົ້າລະວັງໄພພິບັດຈາກນໍ້າຖ້ວມ ພ້ອມທັງເອົາໃຈໃສ່ກໍານົດທິດທາງໃນການຊອກວັດຖຸ, ທຶນຮອນ ແລະ ປັດໄຈການຜະລິດປະກອບສ່ວນຊ່ວຍເຫຼືອປະຊາຊົນທີ່ໄດ້ຮັບຜົນກະທົບຫຼັງຈາກນໍ້າລົດລົງ ຕິດພັນກັບການຊຸກຍູ້ການຜະລິດ ເພື່ອທົດແທນຜົນເສຍຫາຍທີ່ເກີດຈາກໄພນ້ໍາຖ້ວມດັ່ງກ່າວ, ສໍາລັບງານບຸນມະໂຫລານກາເຟຊຶ່ງຖືເປັນງານລະດັບຊາດ, ດັ່ງນັ້ນຕ້ອງເອົາໃຈໃສ່ໂຄສະນາເຜີຍແຜ່ໃຫ້ທຸກພາກສ່ວນ, ທຸກການຈັດຕັ້ງໃນສັງຄົມ ຕະຫຼອດຮອດນັກທຸລະກິດ, ຜູ້ຜະລິດ, ຜູ້ຄ້າຂາຍກາເຟ ແລະ ພໍ່ແມ່ປະຊາຊົນ ທັງຢູ່ສູນກາງ ແລະ ທ້ອງຖິ່ນໃຫ້ມີຄວາມຮັບຮູ້ເຂົ້າໃຈຄວາມໝາຍສໍາຄັນຂອງງານ ເພື່ອກະຕຸກຊຸກຍູ້ໃຫ້ທຸກພາກສ່ວນເຂົ້າຮ່ວມງານຢ່າງເປັນຂະບວນກ້ວາງຂວາງ ແລະ ປະສົບຜົນສໍາເລັດຕາມຄາດໝາຍທີ່ວາງໄວ້.
ໃນການພົບປະໂອ້ລົມຄັ້ງນີ້ມີທ່ານ ສົມບັດ ແສນພັນສ່ອງ ກໍາມະການພັກແຂວງ ຫົວໜ້າຫ້ອງວ່າການປົກຄອງແຂວງຈໍາປາສັກ, ມີການນໍາຈາກກົມກ່ຽວຂ້ອງຂອງກະຊວງກະສິກໍາ-ປ່າໄມ້, ຄະນະພັກ-ຄະນະພະແນກ, ຫົວໜ້າ-ຮອງຂະແໜງການຕ່າງໆ ຕະຫຼອດຮອດສະມາຊິກພັກ ແລະ ພະນັກງານພາຍໃນພະແນກກະສິກໍາ-ປ່າໄມ້ແຂວງເຂົ້າຮ່ວມ.
ໃນວັນດຽວກັນທ່ານ ລັດຖະມົນຕີວ່າການກະຊວງກະສິກໍາ ແລະ ປ່າໄມ້ ພ້ອມຄະນະກໍ່ໄດ້ເຄື່ອນໄຫວຕິດຕາມເບິ່ງສະພາບນໍ້າຖ້ວມ ຢູ່ບ້ານນາຂາມ ເມືອງຊະນະສົມບູນ ແລະ ເຄື່ອນໄຫວຢ້ຽມຢາມໂຮງງານຜະລິດທໍ່ ພີຊີ ຢູ່ເມືອງດັ່ງກ່າວຕື່ມອີກ.
***ຂ່າວ-ພາບ: ທູນທອງໃຈ, ສຳນັກຂ່າວສະຫວັນພັດທະນາ***
10410356_824788674221727_70122736061197232_n

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...