ເດັກນ້ອຍໄວອາຍຸ 1-5 ປີ ມັກອຸບັດຕິເຫດຂໍ້ສອກເຄື່ອນຫຼຸດອອກຈາກກັນເລື່ອຍໆ ເຊິ່ງສ່ວນຫຼາຍມັກຈາກເກີດຈາກຄວາມຜິດພາດຂອງຜູ້ປົກຄອງ ຄືດັ່ງເຫັນໃນຮູບພາບລຸ່ມນີ້ ໃນພາບສະແດງໃຫ້ເຫັນການຈູງລູກ, ການຢອກລູກທີ່ອາດສົ່ງຜົນກະທົບໃຫ້ກັບລູກໂດຍທີ່ແມ່ບໍ່ຮູ້ຕົວ
ອູບັດຕິເຫດຂໍ້ສອກຫຼຸດຂອງລູກນ້ອຍເກີດຂຶ້ນໄດ້ແນວໃດ?
ເນື່ອງຈາກໂຄງຮ່າງຂອງກ້າມເນື້ອ, ເອັນ ແລະ ຂໍ້ຕໍ່ຂອງກະດູກຂໍ້ສອກຂອງເດັກນ້ອຍອາຍຸ 1-5 ປີ ນັ້ນຍັງພັດທະນາບໍ່ທັນສົມບູນເທື່ອ ສະນັ້ນຫາກມີການເຄື່ອນຜິດຈັງຫວະກໍ່ຈະເຮັດໃຫ້ກະດູກຂໍ້ຕໍ່ນັ້ນຫຼຸດອອກຈາກກັນໄດ້ງ່າຍ ເຊິ່ງສາເຫດທີ່ເຮັດໃຫ້ກະດູກຂໍສອກຂອງລູກນ້ອຍເຄື່ອນໄດ້ນັ້ນ ແມ່ນມາຈາກ: ການດຶງແຂນລູກ, ການຫຶ້ງແຂນລູກ, ການຈັບແຂນລູກຍົກຂຶ້ນຕົວລອຍ, ການຈັັບແຂກລູກແລ້ວສັ່ນກະຕຸກ ເປັນຕົ້ນ
ສັງເກດອາການເມື່ອລູກກະດູກຂໍ້ສອກຫຼຸດ
- ເວລາຈັບ ຫຼື ດຶງແຂນລູກແລ້ວລູກຮ້ອງໄຫ້ເພາະເຈັບ
- ເໜັງຕືງແຂນບໍ່ໄດ້ ແຕ່ຍັງເໜັງບ່າໄຫລ່ໄດ້ຢູ່
- ແຂນຢຽດໄດ້ແຕ່ບໍ່ສຸດ
- ຂໍ້ສອກຈະຢູ່ໃນທ່າງໍເລັກໜ້ອຍ ຫຸບເຂົ້າຫາລຳຕົວບໍ່ໄດ້ແຈບເພາະເຈັບ
ວິທີປະຖົມພະຍາບານເມື່ອຕົ້ນ
ເມື່ອຮູ້ແລ້ວວ່າລູກຂໍ້ສອກຫຼຸດ ແມ່ນຢ່າໃຫ້ເໜັງຕີງບໍ່ລິເວນສ່ວນທີ່ເຈັບແມ່ນໃຫ້ຢູ່ນິ້ງໆເຂົ້າໄວ້ ພະຍາຍາມຢ່າໃຫ້ມັນເຄື່ອນເໜັງຫຼາຍທີ່ສຸດ ຈາກນັ້ນກໍ່ນຳສົ່ງໂຮງໝໍ ເພື່ອໃຫ້ແພດຮັກສາ.