ປກສ ນະຄອນຫຼວງວຽງຈັນ ໃຫ້ຮູ້ວ່າ: ໃນຄ່ຳຄືນວັນທີ 10 ສິງຫາ 2014 ຜ່ານມານີ້ ໄດ້ເກີດເຫດໄວໜຸ່ມໄລ່ຕີກັນ
ຢູ່ໜ້າຮ້ານເບຍທົ່ງໂພເງິນ, ບ້ານ ໂພເງິນ ເມືອງຫາດຊາຍຟອງ, ນະຄອນຫຼວງວຽງຈັນ ເປັນເຫດໃຫ້ໄວໜຸ່ມໜຶ່ງ
ຄົນເສຍຊີວິດ ພາຍຫຼັງນຳສົ່ງໂຮງໝໍ.
ເຈົ້າໜ້າທີ່ໃຫ້ຮູ້ວ່າ: ກ່ອນເກີດເຫດໄດ້ມີກຸ່ມໄວໜຸ່ມ ຢູ່ບ້ານດອນດູ່ ເມືອງຫາດຊາຍຟອງ ນະຄອນຫຼວງວຽງຈັນ
ປະມານ 10 ກວ່າຄົນ ໄດ້ເຂົ້າໄປນັ່ງກິນເບຍ ຢູ່ຮ້ານເບຍດັ່ງກ່າວ ແລະ ໄດ້ມີການຜິດຖຽງກັບໄວໜຸ່ມອີກກຸ່ມໜຶ່ງ
ຢູ່ບ້ານ ໂພສີ ທີ່ມານັ່ງກິນເບຍນຳກັນ 3 ຄົນ, ຍ້ອນເລື່ອງຍາດຜູ້ສາວຂອງກັນ ຈາກນັ້ນ ໄວໜຸ່ມທັງສອງກຸ່ມກໍໄດ້
ທ້າທາຍກັນ ກ່ອນຈະອອກຈາກຮ້ານເບຍ ແລະ ເກີດມີການໄລ່ຕີກັນ, ຊຶ່ງກຸ່ມໄວໜຸ່ມທັງສອງຕ່າງກໍມີອາວຸດ, ມີດ
ແລະ ງ້າວ ກ່ອນທີ່ ທ້າວ ໂກໂກ້ ອາຍຸ 17 ປີ ຢູ່ບ້ານດອນດູ່ ຈະໃຊ້ມີດແທງທ້ອງ ທ້າວ ຕີເຫຼັກ ອາຍຸ 17 ປີ ຢູ່ບ້ານໂພສີ
ຊຶ່ງເຮັດໃຫ້ໄດ້ຮັບບາດເຈັບສາຫັດ ແລະ ເສຍຊີວິດໃນຂະນະນຳສົ່ງໂຮງໝໍ.
ເຈົ້າໜ້າທີ່ຍັງໃຫ້ຮູ້ວ່າ: ພາຍຫຼັງເຫດການດັ່ງກ່າວ ເຈົ້າໜ້າທີ່ຕຳຫຼວດ ບ້ານສາມາດຈັບຕົວ ທ້າວ ໂກໂກ້ ທີ່ເປັນຄົນ
ແທງ ທ້າວ ຕີເຫຼັກເສຍຊີວິດ ແລະ ໝູ່ ອີກ 3 ຄົນ ໄດ້ເພື່ອດຳເນີນຄະດີຕາມລະບຽບກົດໝາຍ.
ແຫຼ່ງຂ່າວ: http://laophatthananews.blogspot.com/2014/08/blog-post_12.html