spot_img
Homeຂ່າວທ້ອງຖິ່ນສະພາແຫ່ງຊາດ ຕິດຕາມ-ຊຸກຍູ້ ວຽກງານເດັກ ຢູ່ເມືອງໜອງແຮດ

ສະພາແຫ່ງຊາດ ຕິດຕາມ-ຊຸກຍູ້ ວຽກງານເດັກ ຢູ່ເມືອງໜອງແຮດ

Published on

ຂປລ. ທ່ານ ສົມພູ ດວງສະຫວັນ ຄະນະປະຈໍາສະພາແຫ່ງຊາດ, ປະທານກໍາມາທິການ ວັດທະນະທໍາ-ສັງຄົມ (ກວທສ) ພ້ອມດ້ວຍສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 6 ແຂວງຊຽງຂວາງ ​ແລະ ສະມາຊິກສະພາປະຊາຊົນແຂວງ ໄດ້ລົງຕິດຕາມກວດກາ, ຊຸກຍູ້ ແລະ ໂຄສະນາເຜີຍແຜ່ ວຽກງານກ່ຽວກັບເດັກ ຢູ່ເມືອງໜອງແຮດ ແຂວງຊຽງຂວາງ ໃນວັນທີ 1 ກຸມພາ 2017; ມີບັນດາຂະແໜງການທີ່ກ່ຽວຂ້ອງຄື: ສຶກສາ, ສາທາລະນະສຸກ, ກະສິກໍາ ແລະ ປ່າໄມ້, ຖະແຫລງຂ່າວ ແລະ ວັດທະນະທຳ, ແຜນການ ແລະ ການລົງທຶນ ແລະ ອົງການຈັດຕັ້ງມະຫາຊົນ ຕະຫລອດຮອດພໍ່ແມ່ປະຊາຊົນ ເມືອງໜອງແຮດ ເຂົ້າຮ່ວມ.

ການ​ເຄື່ອນ​ໄຫວ​ວຽກງານຊຸກຍູ້, ສົ່ງເສີມ ແລະ ຕິດຕາມກວດກາ ວຽກງານສຸຂະພາບ, ການສຶກສາຂອງເດັກ ຢູ່​ເມືອງໜອງ​ແຮດ ໃນ​ໄລຍະ​ຜ່ານ​ມາ ມີ​ທັງດ້ານດີ ແລະ ຂໍ້ຄົງຄ້າງຫລາຍດ້ານ ເປັນຕົ້ນ ບັນຫາພະນັກງານບໍ່ພຽງພໍ ຜູ້ໜຶ່ງຮັບຜິດຊອບຫລາຍວຽກ, ບໍ່ມີການແບ່ງໜ້າວຽກລະອຽດ ຍັງເຮັດວຽກຕາມແບບແຜນຂອງໃຜລາວ, ຄວາມສາມາດຕໍ່ວຽກງງານ ວິຊາສະເພາະຍັງບໍ່ທັນສູງ; ພ້ອມກັນນັ້ນ ຍັງໄດ້ລົງພົບປະ ແລະ ຢ້ຽມຢາມອໍານາດການປົກຄອງບ້ານພຽງຮຸ່ງ, ໂຮງຮຽນເມືອງ, ສຸກສາທາລາບ້ານ, ໂຮງໝໍນ້ອຍຂອງເມືອງ ເພື່ອສ້າງຄວາມຮັບຮູ້ ແລະ ເຂົ້າໃຈໃຫ້ພະນັກງານ, ອາຈານ, ພໍ່ແມ່ປະຊາຊົນ ແລະ ນ້ອງນັກຮຽນ ກ່ຽວກັບບັນຫາພະຍາດເປ້ຍລ່ອຍ (Polio), ວຽກງານໂພສະນາການ, ບັນຫາເລືອດຈາງ, ການຂາດສານອາຫານ, ວຽກງານການສຶກສາກ່ອນໄວຮຽນ, ການລ້ຽງລູກດ້ວຍນົມແມ່, ການສັກຢາກັນພະຍາດ ແລະ ການປົກປ້ອງເດັກ ຈາກການໃຊ້ຄວາມຮຸນແຮງ.

ຄະນະ​ຜູ້​ແທນ ​ໄດ້ຈັດກິດຈະກໍາຮ່ວມກັບນ້ອງນັກຮຽນ ແລະ ນໍາເຄື່ອງບໍລິຈາກໄປມອບໃຫ້ແກ່ເມືອງດັ່ງກ່າວ ປະກອບມີ: ແຜ່ນພັບ, ປ້າຍໂຄສະນາ (ປົດສະເຕີ), ອຸປະກອນການສຶກສາ, ເສື້ອກັນໜາວ ແລະ ເຄື່ອງນຸ່ງຮົ່ມຈໍານວນໜຶ່ງ.

 

ແຫລ່ງຂ່າວ:

 ຂປລ

ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...