spot_img
Homeຊີວິດແລະຄວາມຮັກຮັກໄດ້ ແຕ່ຢູ່ຄຽງຂ້າງບໍ່ໄດ້

ຮັກໄດ້ ແຕ່ຢູ່ຄຽງຂ້າງບໍ່ໄດ້

Published on

ມີບ່າວສາວຄູ່ໜຶ່ງຮັກກັນມາເປັນເວລາດົນກວ່າ 2 ປີ ຝ່າຍຍິງເປັນຄົນໃນຄອບຄົວທີ່ມີຖານະທຳມະດາປານກາງ ບໍ່ຮັ່ງ ແລະ ກໍ່ບໍ່ທຸກ ສ່ວນຝ່າຍຊາຍຢູ່ໃນຖານະຄ່ອນຂ້າງລຳບາກກວ່າຝ່າຍຍິງຫຼາຍ ໂດຍສະເພາະຝ່າຍຊາຍຈະມີບັນຫາເລື່ອງເງິນຢູ່ເປັນປະຈຳ ແຕ່ຝ່າຍຍິງກໍ່ຍິນດີສານສຳພັນກັບຝ່າຍຊາຍຍ້ອນຝ່າຍຊາຍເປັນຄົນດີ ແລະ ມີຄວາມຂະຫຍັນໃນການທຳມາຫາກິນ ຕະຫຼອດໄລຍະສອງປີທີ່ພວກເຂົາຄົບກັນກໍ່ມີຄວາມສຸກດີ ຕ່າງຝ່າຍກໍ່ໝັ່ນໄປມາຫາສູ່ຄອບຄົວຂອງກັນ ແລະ ກັນ ໂດຍຕ່າງຝ່າຍກໍ່ບໍ່ໄດ້ສະແດງທ່າທີອຶດອັດຄອບຄົວຂອງອີກຝ່າຍ

ເມື່ອເວລາຜ່ານໄປ 2 ປີປາຍ ທາງຝ່າຍຊາຍກໍ່ຮູ້ສຶກໝັ້ນໃຈໃນຕົວແຟນສາວຂອງຕົນເອງວ່າສາມາດເຂົ້າກັບຄອບ ຄົວຂອງຕົນເອງໄດ້ ເນື່ອງຈາກເບິ່ງຄຳເວົ້າ ແລະ ການກະທຳຂອງແຟນສາວກໍ່ບໍ່ມີທ່າທີວ່າຈະລັງກຽດຄອບຄົວຂອງລາວເລີຍແມ່ນແຕ່ນ້ອຍດຽວ, ມີມື້ໜຶ່ງໃນເລລາທີ່ພວກເຂົານັ່ງຫຼິ້ນນຳກັນສອງຕໍ່ສອງທີ່ສວນສາທາລະນະ ມື້ນັ້ນເປັນມື້ທີ່ອາກາດດີ ທ້ອງຟ້າແຈ່ມໃສ ແລະ ຄົນໃນສວນສາທາລະນະກໍ່ບໍ່ຫຼາຍປານໃດ ຝ່າຍຊາຍຈິ່ງໄດ້ຕັດສິນໃຈລົມເລື່ອງການສ້າງອານາຄົດຮ່ວມກັບຝ່າຍຍິງ ຝ່າຍຊາຍໄດ້ບັນຍາຍແຜນການສ້າງອານາຄົດທີ່ສົດໃສກັບແຟນສາວດ້ວຍສີໜ້າຍິ້ມແຍ້ມແຈ່ມໃສ ແລະ ຝ່າຍຍິງກໍ່ຟັງດ້ວຍສີໜ້ານິ້ງໆ ປ່ອຍໃຫ້ແຟນໜຸ່ມຂອງຕົນເອງເວົ້າຈົນສຸດ ໂດຍທີ່ນາງບໍ່ໄດ້ອອກຄຳຄິດເຫັນຫຍັງກ່ຽວກັບເລື່ອງນີ້

ຕົກເດິກມາຝ່າຍຍິງນອນບໍ່ຫຼັບ ເພາະຄິດທົບທວນໄປມາເຖິງຄຳເວົ້າຂອງແຟນໜຸ່ມທີ່ເວົ້າກັບຕົນເອງ ນາງຮູ້ສຶກລັງເລໃນເລື່ອງການແຕ່ງງານກັບແຟນໜຸ່ມ ໃນໃຈເລິກໆນາງກໍ່ຮູ້ສຶກດີໃຈທີ່ແຟນໜຸ່ມຂໍແຕ່ງງານ ເພາະນາງກໍ່ຮູ້ສຶກຮັກຜູ້ຊາຍຄົນນີ້ຫຼາຍ ແຕ່ອີກໃຈໜຶ່ງນາງກໍ່ຮູ້ສຶກລັງເລໃຈ ບໍ່ຢາກແຕ່ງງານກັບຜູ້ຊາຍຄົນນີ້ ຍ້ອນນາງຕິສະພາບຄອບຄົວຂອງຝ່າຍຊາຍ ນອກຈາກຄອບຄົວແຟນໜຸ່ມຈະທຸກແລ້ວ ແມ່ ແລະ ແມ່ຂອງແຟນໜຸ່ມຍັງມັກສ້າງແຕ່ໜີ້ສິນມາໃຫ້ແຟນໜຸ່ມຂອງລາວຮັບໃຊ້ເປັນປະຈຳ ເພາະແມ່ຂອງແຟນໜຸ່ມເປັນຄົນມັກຊື້ເລກຫຼາຍ ແລະ ມັກຕິດໜີ້ເລກຈົນມີຄົນມາຖາມຄ່າເລກຕະຫຼອດ ສ່ວນອ້າຍກໍ່ມັກຫຼິ້ນໄພ້ ແຖມຍັງຕິດຢາເສບຕິດອີກ ຖ້ານາງຈະບອກໃຫ້ແຟນໜຸ່ມເລືອກລະຫວ່າງ ແມ່ ກັບ ອ້າຍ ແລະ ລາວ ແຟນໜຸ່ມຂອງລາວຄົງຈະລຳບາກໃຈຫຼາຍ ຄົງຈະເລືອກບໍ່ໄດ້ແນ່ນອນ ແລະ ນາງກໍ່ຄິດວ່າຖ້າແຕ່ງກັບຜູ້ຊາຍຄົນນີ້ ຊີວິດອານາຄົດຂ້າງຈະເປັນແນວໃດ? ຈະມີຢູ່ມີກິນບໍ່? ຈະທຸກໃຈບໍ່? ຈະມີຄວາມສຸກບໍ່? ແຕ່ງງານກັນແລ້ວຊີວິດຄູ່ຈະໄປກັນລອດບໍ່? ໄດ້ຜົວທຸກໝູ່ ແລະ ພີ່ນ້ອງຈະເວົ້າເຢີ້ຍບໍ່? ເພາະທັງໝູ່ ແລະ ຄອບຄົວຂອງນາງກໍ່ບໍ່ເຄີຍຮູ້ຈັກຖານະທີ່ແທ້ຈິງຂອງແຟນນຸ່ມນາງເລີຍ ໂອ໊ຍຍຍຍ! ແຮງຄິດແຮງປວດຫົວປວດໃຈ, ຄວາມສັບສົນວຸ້ນວາຍໄດ້ລັ່ງໄຫລເຂົ້າມາວົນວຽນໃນສະໝອງຂອງນາງຕະຫຼອດທັງຄືນຈົນນອນບໍ່ຫຼັບ ແລະ ໃນທີ່ສຸດນາງກໍ່ຕັດສິນໃຈເລືອກຕາມຄວາມຮູ້ສຶກແທ້ໆຂອງນາງ ຄືຜູ້ຊາຍຄົນທີ່ນາງຮັກມາຕະຫຼອດ 2 ປີ ຍັງບໍ່ແມ່ນຜູ້ຊາຍທີ່ນາງຢາກໃຊ້ຊີວິດຮ່ວມນຳ ແຕ່ເມື່ອຄິດເຖິງສຳພັນກ່ອນເກົ່າທີ່ດີນຳກັນຕະຫຼອດມານາງກໍ່ຮູ້ສຶກເສຍດາຍຜູ້ຊາຍຄົນນີ້ຫຼາຍ ແຕ່ນາງກໍ່ບໍ່ສາມາດໄປຢືນຢູ່ຄຽງຂ້າງຊາຍຄົນໃນທາງນະຊີວິດຄູ່ຂອງຊາຍຄົນນັ້ນໄດ້ແທ້ໆ

ຫຼັງຈາກວັນທີ່ຝ່າຍໄດ້ເວົ້າກ່ຽວກັບແຜນການສ້າງອານາຄົດຮ່ວມກັບຝ່າຍຍິງ ຝ່າຍຊາຍກໍ່ສັງເກດເຫັນພຶດຕິກຳທີ່ປ່ຽນໄປຂອງຝ່າຍຍິງເທື່ອລະເລັກລະໜ້ອຍ ຈາກເມື່ອກ່ອນລາວເຄີຍເປັນຄົນທີ່ຖືກໃຈແຕ່ດຽວນີ້ກາຍເປັນວ່າເຮັດຫຍັງ,​ ເວົ້າຫຍັງບໍ່ຜິດໃຈນາງໄປໝົດທຸກຢ່າງ ແຟນສາວທີ່ເຄີຍເວົ້ານົວຫົວມ່ວນກໍ່ກາຍເປັນຄົນປາກຮ້າຍເວົ້າກະແທກແດກດັນ,​ໂທລະສັບຫາກໍ່ບໍ່ມັກຮັບສາຍ, ຮັບສາຍກໍ່ບໍ່ມັກເວົ້າ, ສົ່ງຂໍ້ຄວາມຫາກໍ່ບໍ່ຕອບ, ນັດໄປທ່ຽວກໍ່ບໍ່ໄປນຳ, ເມື່ອກ່ອນເຄີຍມາກິນເຂົ້າເຮືອນດຽວນີ້ຊວນກໍ່ບໍ່ມາແລ້ວ ມີຫຼາຍຄັ້ງທີ່ຝ່າຍຊາຍພະຍາຍາມລົມຫາສາເຫດເຖິງຄວາມປ່ຽນແປງກັບຝ່າຍຍິງ ແຕ່ກໍ່ບໍ່ໄດ້ຄຳຕອບ ເມື່ອເວລາຜ່ານໄປປະມານ 3 ເດືອນຝ່າຍຊາຍກໍ່ສາມາດເຂົ້າໃຈໄດ້ເລີຍວ່າ ຝ່າຍຍິງບໍ່ຕ້ອງການສ້າງອານາຄົດຮ່ວມກັບຕົນເອງ ເຖິງແມ່ນວ່າຝ່າຍຍິງບໍ່ຕອບດ້ວຍຄຳເວົ້າ ແຕ່ກໍ່ຕອບດ້ວຍການກະທຳ ໃນເມື່ອຝ່າຍຍິງເລືອກທີ່ຈະຍ່າງໄປຈາກຕົນເອງດ້ວຍເຫດຜົນທີ່ຮັບສະພາບຕົນເອງ ແລະ ຄອບຄົວຕົນເອງບໍ່ໄດ້ ຝ່າຍຊາຍກໍ່ຍອມປ່ອຍຝ່າຍຍິງໄປຕາມທາງທີ່ນາງຕ້ອງການ ເຖິງລາວຈະເຈັບປວດໃຈພຽງໃດ ແຕ່ຖ້າເລື່ອງມັນຈົບ ຝ່າຍຊາຍກໍ່ຍອມ ເພາະດີກວ່າຢື້ຄວາມສຳພັນຂອງທັງສອງໄວ້ ເພາະຖ້ານານຕັດໃຈກໍ່ແຮງທໍລະມານຫຼາຍ ໂດຍສະເພາະແມ່ນຄວາມຮູ້ສຶກຂອງຝ່າຍທີ່ຖືກຖິ້ມ.

ແຕ່ງໂດຍ: ແອັດມິນ ປັອກເລັກ ລາວໂພສຕ໌

ຕິດຕາມເລື່ອງດີດີເພຈຊີວິດແລະຄວາມຮັກ ກົດໄລຄ໌ເລີຍ!

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...