ອີກບໍ່ດົນກອງທັບສະຫະລັດຈະປ່ອຍຝູງຕັກກະແຕນແຫ່ງສັດຕະວັດທີ 21 ເຂົ້າຕໍ່ສູ້ກັບສັດຕູ ຫຼັງຈາກເຈົ້າໜ້າທີ່ເພນດາກອນເຜີຍເມື່ອວັນຈັນ (9 ມັງກອນ 2017) ທີ່ຜ່ານມາ ວ່າ ປະສົບຄວາມສຳເລັດໃນການທົດສອບຝູງອາກາດບໍ່ມີຄົນຂັບ ຫຼື ໂດຣນ ຂະໜາດນ້ອຍກວ່າ 103 ຕົວ
ສຳນັກຂ່າວເອເອຟພີລາຍງານຈາກນະຄອນຫຼວງ ວໍຊິງຕັນ ດີຊີ ປະເທດສະຫະລັດອາເມລິກາ ເມື່ອວັນທີ 10 ມັງ ກອນ 2017 ວ່າ ສະຫະລັດສຳເລັດໃນການພັດທະນາລະບົບອາວຸດອັດຕະໂນມັດແບບໃໝ່ ຈາກການປັບປຸງປັນຍາປະດິດ ເປີດໂອກາດຄວາມເປັນໄປໄດ້ ທີ່ກຸ່ມຫຸ່ນຍົນຂະໜາດນ້ອຍຈະທຳງານຮ່ວມພາຍໃຕ້ຄຳສັ່ງຂອງມະນຸດ ເຊິ່ງກຸ່ມຜູ້ຊ່ຽວຊານດ້ານຍຸດທະສາດຂອງກອງທັບ ມີຄວາມຫວັງສູງວ່າຝູງໂດຣນຂະໜາດນ້ອຍຈະມີລາຄາບໍ່ແພງໃນການຜະລິດ ແລະ ສາມາດເອົາຊະນະການຕໍ່ສູ້ກັບສັດຕູໄດ້
ຈາກການຖະແຫຼງການຂອງກະຊວງປ້ອງກັນປະເທດຂອງສະຫະລັດ ເມື່ອວັນຈັນທີ່ຜ່ານມາວ່າ ການທົດສອບໂດຣນຂະໜາດນ້ອຍຝູງໃຫຍ່ທີ່ສຸດໃນໂລກ ທີ່ລັດແຄລິຟໍເນຍ ໃນເດືອນ ຕຸລາ 2016 ເປັນໂດຣນຂະໜາດນ້ອຍແບບ ເພີດິກຊ໌ (Perdix) ຂະໜາດຄວາມກ້ວາງລຳຕົວປະມານ 6 ນິ້ວ (16 ຊມ) ທີ່ປ່ອຍອອກມາຈາກເຮືອບິນຮົບ ເອຟເອ-18 ຮໍເນັດ 3 ລຳ “ຝູງໂດຣນຂະໜາດນ້ອຍຈະສະແດງໃຫ້ເຫັນເຖິງພຶດຕິກຳຝູງແບບກ້າວໜ້າ ເຊັ່ນ: ການຕັດສິນໃຈເປັນໝູ່ຄະນະ, ການປິນຮຽງແຖວແບບປັບໄດ້ ແລະ ການຟື້ນຟູຕົວເອງ”
ໂດຣນຂະນາດນ້ອຍນີ້ “ເພີດິກຊ໌” ເມື່ອກ່ອນຖືກປະດິດສ້າງໂດຍກຸ່ມນັກສຶກສາວິສະວະກຳສາດ ສາຖາບັນເທັກໂນໂລຢີ ແມສຊາຊູເຊດສ໌ (ເອັມໄອທີ) ເມື່ອປີ 2013 ແລະ ໄດ້ຮັບການປັບປຸງແກ້ໄຂຢ່າງຕໍ່ເນື່ອງນັບຕັ້ງແຕ່ນັ້ນມາ
ແຫລ່ງຂ່າວຈາກ: http://www.dailynews.co.th/foreign/548105
ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!