ສຳນັກຂ່າວຕ່າງປະເທດລາຍງານເມື່ອວັນທີ 10 ມັງກອນ 2017 ນີ້ວ່າ Pilatus railway ເປັນເສັ້ນທາງລົດໄຟ ໄຕ່ພູເຂົາປິລາຕຸສ ເຊື່ອມຕໍ່ລະຫວ່າງເມືອງ ເອນນັຄສຕາດ ແຖວທະເລຊາຍບຣູເຊິນ ເມືອງອອບວັນເດິນ ໃນປະເທດສະວິດເຊີແລນ ເຊິ່ງປາຍທາງຢູ່ເທິງຍອດພູເຂົາທີ່ມີຄວາມສູງ 2,073 ແມັດຈາກລະດັບນໍ້າທະເລ ເປັນເສັ້ນທາງລົດໄຟທີ່ມີຄວາມຍາວພຽງແຕ່ 4.6 ກິໂລແມັດ ແຕ່ເປັນເສັ້ນທາງທີ່ມີຄວາມສູງ ແລະຊັນຫຼາຍເຖິງ 48% ໄດ້ຊື່ວ່າເປັນເສັ້ນທາງລົດໄຟທີ່ຊັນທີ່ສຸດໃນໂລກ
ເສັ້ນທາງລົດໄຟເສັ້ນນີ້ ເລີ່ມກໍ່ສ້າງປະ 1886 ແລະເປີດໃຊ້ທຳອິດເມື່ອວັນທີ 4 ມິຖຸນາ 1889 ເຊິ່ງອອກແບບໂດຍພັນເອກ Eduard Locher ນັກວິສະວະກອນ ທີ່ມີປະສົບການໃນທາງປະຕິບັດໃນຕອນນັ້ນ ເຊິ່ງສະໄໝນັ້້ນໃຊ້ລົດອາຍນໍ້າ ແລະພັດທະນາປ່ຽນມາໃຊ້ລະບົບໄຟຟ້າໃນປະ 1937 ເຊິ່ງລົດໄຟທີ່ໃຊ້ເຄື່ອງຈັກໄຟຟ້າສາມາດຮອງຮັບຜູ້ໂດຍສານໄດ້ 32-40 ຄົນ/ຕູ້
ໃນປັດຈຸບັນເສັ້ນທາງນີ້ ຍັງມີການໃຊ້ງານຢູ່ ໃນແຕ່ລະປີມີນັກທ່ອງທ່ຽວມາໃຊ້ບໍລິການຮອດ 300,000 ຄົນ ແລະຈະເປີດບໍລິການລະຫວ່າງເດືອນພຶດສະພາ ຮອດເດືອນພະຈິກຂອງທຸກປີ, ເຊິ່ງຕະຫຼອດການໃຊ້ງານມາ 120 ກວ່າປີ ບໍ່ເຄີຍເກີດອຸປະຕິເຫດຈັກເທື່ອ