spot_img
Homeຂ່າວຕ່າງປະເທດແມ່ຕູ້ຊາວຈີນ ຕິດຢູ່ໃນຊາກອາຄານ 3 ມື້ຫຼັງເຫດແຜ່ນດິນໄຫວຢູ່ຢູນນານ ລອດຊີວິດຢ່າງປາຕິຫານ!

ແມ່ຕູ້ຊາວຈີນ ຕິດຢູ່ໃນຊາກອາຄານ 3 ມື້ຫຼັງເຫດແຜ່ນດິນໄຫວຢູ່ຢູນນານ ລອດຊີວິດຢ່າງປາຕິຫານ!

Published on

news01-1

 

ເຈົ້າໜ້າທີ່ກູ້ໄພຈີນ ເລັ່ງຄົ້ນຫາຜູ້ສູນຫາຍຈາກເຫດແຜ່ນດິນໄຫວ ຫຼັງຜ່ານມາແລ້ວເຖິງສາມມື້ ໃນມື້ວານນີ້ເຈົ້າໜ້າທີ່

ໄດ້ໃຫ້ການຊ່ວຍເຫຼືອແມ່ຕູ້ ອາຍຸ 88 ປີ ອອກຈາກຊາກອາຄານ ເຊິ່ງໂຊກດີລອດຊີວິດຢ່າງປອດໄພ.

 

ແມ່ຕູ້ ສົງ ເຈີ້ງ ເຟິນ ອາຍຸ 88 ປີ ໄດ້ຮັບການຊ່ວຍເຫຼືອອອກມາຈາກກ້ອງຊາກຫັກພັງຂອງເຮືອນຕົນເອງ ເຊິ່ງຫຼັງຈາກ

ພັງຖະຫຼົ່ມລົງມາຍ້ອນເຫດແຜ່ນດິນໄຫວ ໂດຍກ່ອນໜ້ານີ້ບໍ່ມີໃຜຮູ້ວ່າ ແມ່ຕູ້ຍັງມີຊີວິດຢູ່ ຈົນເຖິງລູກຊາຍຂອງແມ່ຕູ້

ໄດ້ຍິນສຽງຮ້ອງຂໍຄວາມຊ່ວຍເຫຼືອມື້ວານນີ້, ຫຼັງຈາກນັ້ນ ລູກຊາຍຂອງແມ່ຕູ້ກໍໄດ້ໄປຂໍຄວາມຊ່ວຍເຫຼືອຈາກທະຫານ

ໃຫ້ເຂົ້າມາຊ່ວຍກອບກູ້ເອົາຊີວິດຂອງແມ່ຕົນເອງ.

 

ເມື່ອເຈົ້າໜ້າທີ່ເຂົ້າມາເຖິງຈຸດເຮືອນຂອງແມ່ຕູ້ແລ້ວ ກໍໄດ້ພະຍາຍາມຂຸດຫຼຸມລົງໄປ ກ່ອນທີ່ຈະພົບກັບຮູໂຖງຂະໜາດ

ໃຫຍ່ໃຕ້ດິນ ແລະ ພົບວ່າ ແມ່ຕູ້ ສົງ ເຈີ້ງ ເຟິນ ຢູ່ໃນນັ້ນ ໂດຍເມື່ອພົບເຫັນແມ່ຕູ້ແລ້ວ ເຈົ້າໜ້າທີ່ກໍໄດ້ຕໍ່ສາຍຢາງເອົາ

ນ້ຳກລຼໂຄສລົງໄປໃຫ້ແມ່ຕູ້ດື່ມ ກ່ອນຈະນຳໂຕແມ່ຕູ້ອອກມາ ໂດຍປະຕິບັດການດັ່ງກ່າວນີ້ ໃຊ້ເວລາທັງໝົດ 6 ຊົ່ວໂມງ.

 

ທັງນີ້ ເຮືອນຂອງແມ່ຕູ້ຢູ່ໃນເຂດບ້ານປາເປົາ ຫ່າງຈາກເມືອງຫຼົງ ໂຖວ ຊານ ຫ່າງສູນກາງການເກີດແຜ່ນດິນໄຫວໄປ

ປະມານ 5 ກິໂລແມັດ ເຊິ່ງເຫດແຜ່ນດິນໄຫວເມື່ອວັນອາທິດທີ່ຜ່ານມາ ໄດ້ກໍ່ໃຫ້ເກີດການສະເທືອນຊ້ຳ ຫຼື ອາບເຕີຊ໊ອກ

ຕາມາແລ້ວຫຼາຍກ່ວາ 400 ເທື່ອ ເຊິ່ງຍອດຜູ້ເສຍຊີວິດລ່າສຸດແມ່ນຢູ່ທີ່ 410 ຄົນ ແລະ ອີກກ່ວາ 2,300 ຄົນ ໄດ້ຮັບບາດ

ເຈັບ.

 

 

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...