ເມື່ອເວົ້າເຖິງສິ່ງກໍ່ສ້າງຂອງຈີນແລ້ວ ຕ້ອງນຶກເຖິງຄວາມຍິ່ງໃຫຍ່ອະລັງການມາເປັນອັນດັບທຳອິດ ແລະ ໃນຄໍລຳ ທ່ອງທ່ຽວ ກັບ ລາວໂພສຕ໌ ມື້ນີ້ແອັດມິນຈະມານຳສະເໜີຂ່າວກ່ຽວກັບສະຖານທີ່ທ່ອງທ່ຽວແຫ່ງໃໝ່ຂອງປະເທດຈີນແຜ່ນດິນໃຫຍ່ໃຫ້ແຟນເພສໄດ້ຮູ້ຈັກໄປພ້ອມກັນ
ເມື່ອຊ່ວງເທສະການປີໃໝ່ ວັນທີ 1 ມັງກອນ 2017 ທີ່ຜ່ານມາ ປະເທດຈີນໄດ້ຖືເອົາວັນດັ່ງກ່າວເປັນວັນງາມຍາມດີໃນການເປີດຕົວສະຖານທີ່ທ່ອງທ່ຽວແຫ່ງໃໝ່ສຸດອະລັງການງົດງາມເໜືອຄຳບັນຍາຍ ເຊິ່ງເປັນທາງຍ່າງລອຍນ້ຳຂະໜາດໃຫຍ່ໃຈກາງແມ່ນ້ຳ ຫົງສຸ່ຍ ໃນເຂດລົວຕຽນ ມົນທົນກຸ້ຍໂຈ ທາງຕະເວັນຕົກສຽງໃຕ້ຂອງປະເທດຈີນ ເຊິ່ງທາງຍ່າງມີຄວາມຍາວກວ່າ 50 ກິໂລແມັດ
ໂດຍພິທີເປີດສະຖານທີ່ທ່ອງທ່ຽວແຫ່ງໃໝ່ນີ້ ຖືກຈັດຂຶ້ນຢ່າງຍິ່ງໃຫຍ່ອະລັງການ ໃນຕອນກາງຄືນມີການຈັດສະແດງໂຊແສງສີສຽງສວຍງາມຄ້າຍກັບພິທີເປີດມະຫາກຳການແຂ່ງຂັນກິລາລະດັບນານາຊາດ ນອກຈາກນີ້ໃນຕອນເວັນຍັງມີການໂຊກິລາການຫຼິ້ນທາງນ້ຳເພື່ອດຶງດູດນັກທ່ອງທ່ຽວ ເຊິ່ງສະຖານທີ່ແຫ່ງນີ້ສາມາດຮອງຮັບນັກທ່ອງທ່ຽວທີ່ຕ້ອງການເຂົ້າມາຊົມໄດ້ກວ່າແສນຄົນ ເຊິ່ງໄດ້ເປີດໃຫ້ນັກທ່ອງທ່ຽວເຂົ້າຊົມແລ້ວໃນວັນທີ 1 ມັງກອນ 2017 ທີ່ຜ່ານມາ
ເອົາເປັນວ່າຖ້າອ່ານລ້າໆທຸກຄົນອາດບໍ່ເຫັນພາບ ດັ່ງນັ້ນແອັດມິນເລີຍມີໄຮໄລນພິທີເປີດງານມາໃຫ້ເບິ່ງນຳກັນ
ແຫລ່ງຂ່າວຈາກ: http://travel.kapook.com/view163806.html
ຕິດຕາມເລື່ອງດີດີເພຈທ່ຽວເມືອງລາວ Laotrips ກົດໄລຄ໌ເລີຍ!