spot_img
Homeວັນນະກຳເລື່ອງເລົ່າປິດສະໜາສາຍມໍລະນະ

ປິດສະໜາສາຍມໍລະນະ

Published on

ເປັນເລື່ອງລາວຂອງພະນັກງານປະກັນໄພຄົນໜຶ່ງ ເລື່ອງນີ້ເກີດຂຶ້ນຕັ້ງແຕ່ຕອນທີ່ບ້ານເຮົາຍັງບໍ່ທັນມີໜ່ວຍກູ້ໄພແລະ ຍັງບໍ່ທັນມີໂທລະສັບມືຖືໃຊ້ເທື່ອ ເຊິ່ງສະໃໝນັ້ນຍັງໃຊ້ໂທລະສັບຕັ້ງໂຕະຢູ່ ມີຄືນໜຶ່ງໄດ້ມີລູກຄ້າ (ຜູ້ຊາຍ) ໂທເຂົ້າໂທລະສັບຕັ້ງໂຕະທີ່ເຮືອນຂອງພະນັກງານຂາຍປະກັນ ແຈ້ງວ່າລົດເກີດອຸບັດຕິເຫດ ຜູ້ໂທມາໄດ້ບອກເລກຖັງລົດ, ເລກປະກັນ, ສະຖານທີ່, ຊື່ເຈົ້າຂອງລົດ ດ້ວຍນຳສຽງທຳມະດາແບບບໍ່ຮ້ອນອົກຮ້ອນໃຈໃດໆເລີຍ ຄືກັບວ່າເປັນອຸບັດຕິເຫດເລັກນ້ອຍເທົ່ານັ້ນ ຫຼັງຈາກທີ່ລາວໄດ້ວາງສາຍຈາກລູກຄ້າແລ້ວ ລາວກໍ່ຟ້າວຂັບລົດຈັກອອກໄປຫາລູກຄ້າຕາມສະຖານທີ່ເກີດເຫດນັ້ນທັນທີ ຕອນນັ້ນເປັນເວລາທ່ຽງຄືນ (ຕອນເດິກ) ເສັ້ນທາງທີ່ເກີດອຸບັດຕິເຫດນັ້ນເປັນເສັ້ນທາງປ່ຽວ ທັງປ່ຽວທັງມືດ ເມື່ອລາວຂັບລົດໄປຮອດຈຸດເກີດເຫດ ແສງໄຟຕາລົດຈັກຂອງລາວໄດ້ເຢືອງໄປທີ່ຖະໜົນ ສິ່ງທີ່ລາວເຫັນແມ່ນທາງໜ້າມີການເກີີດອຸບັດຕິເຫດແທ້ ລາວຈິ່ງໄດ້ຈອດລົດ ແລະ ຍ່າງຫ່າງອອກຈາກລົດປະມານສາມກ້າວແລ້ວຢຸດສັງເກດເບິ່ງ ເຫັນລົດໃຫຍ່ຕຳຫຼັກເສົາໄຟຟ້າແຄມທາງສະພາບຫົວລົດມຸ່ນອຸ້ຍປຸ້ຍ ແລະ ຫ່າງອອກມາໜ້ອຍໜຶ່ງກໍ່ເຫັນລົດຈັກນອນຕະແຄງສະພາບກົງລົດເປັນເລກແປດ ໂກບລົດແຕກກະຈາຍທົ່ວທາງ ແນມໄປໃກ້ໆກັບລົດ ເຫັນຜູ້ຊາຍຄົນໜຶ່ງນອນຫງາຍຢຽດບໍ່ເໜັງຕີງຈົມກອງເລືອດຢູ່ ຕາມືນມີເລືອດໄຫລອອກຕາທັງສອງຂ້າງ, ເລືອດໄຫລອອກທີ່ຫູທັງສອງຂ້າງ ເລືອດໄຫລອອກທາງຮູດັງ ແລະ ປາກ ຄາດວ່າຊາຍຄົນນັ້ນຄົງເສຍຊີວິດແລ້ວ ໃນເວລານັ້ນກັບສະຖານທີ່ນັ້ນບໍ່ມີພຽງແຕ່ລົດຄັນດຽວຂັບກາຍມາ ບັນຍາກາດເຢັນໆ ຂົນຄີງລຸກ ສຽວສັນຫຼັງວ໊າບໆ ແບບບອກບໍ່ຖືກ ມີພຽງລາວກັບສົບທີ່ນອນຕາຍຂ້າງທາງ ແລະ ບໍໍ່ແນ່ໃຈວ່າຄົນ ຫຼື ສົບທີ່ຢູ່ໃນລົດໃຫຍ່ຄັນນັ້ນ ບັນຍາກາດງຽບສະງັດ ໄດ້ຍິນແຕ່ສຽງຫາຍໃຈຂອງຕົນເອງດັງຖີ່ໆ ຕອນນັ້ນລາວທັງຕົກໃຈ ແລະ ຫຼອນສຸດໆ ຫົວໃຈຂອງລາວເຕັ້ນແຮງດ້ວຍຄວາມຢ້ານກົວ ສິ່ງທີ່ລາວເຮັດໄດ້ມີພຽງສິ່ງດຽວຄືຕັ້ງສະຕິ ເພື່ອບໍ່ໃຫ້ລາວເກີດພາວະຈິດຕົກໄປຫຼາຍກວ່ານີ້ ເມື່ອຕັ້ງສະຕິໄດ້ ລາວກໍ່ຟ້າວຂັບລົດກັບໄປແຈ້ງຕຳຫຼວດທີ່ປ້ອມຍາມແຄມທາງທີ່ລາວຂັບລົດກາຍມາທັນທີ ເຊິ່ງຢູ່ປ້ອມຕຳຫຼວດພໍດີມີຕຳຫຼວດປະຈຳຢູ່ສອງຄົນ ແລະ ລາວກໍ່ໄດ້ພາຕຳຫຼວດທັງສອງຄົນນັ້ນມາເບິ່ງສະຖານທີ່ເກີດເຫດ ປະກົດວ່າຊາຍຄົນຂັບລົດໃຫຍ່ຄັນທີ່ເກີດອຸບັດຕິເຫດນັ້ນກໍ່ເສຍຊີວິດຄາທີ່ເຊັ່ນດຽວກັນ ຫຼັງຈາກເຫດການໃນມື້ນັ້ນລາວກໍ່ຍັງຮູ້ສຶກຫຼອນກັບເຫດການທີ່ເກີດຂຶ້ນເປັນເວລາຫຼາຍເດືອນ ພາບເຫດການວັນນັ້ນມັນຍັງຕິດຕາຂອງລາວທຸກຄັ້ງທີ່ຫຼັບຕາພາບເຫຼົ່ານັ້ນກໍ່ຈະວົນວຽນມາໃນຈິດສຳນຶກຂອງລາວທັນທີ ແລະ ສຽງຜູ້ຊາຍທີ່ລາວໄດ້ຍິນຈາກໂທລະສັບວັນນັ້ນ ລາວຍັງຈື່ບໍ່ລືມ ລາວຄິດສົງໃສສະເໝີວ່າ “ຄົນທີ່ໂທລະສັບຫາລາວນັ້ນ ແມ່ນຜີ ຫຼື ຄົນ” ເມື່ອຕອນນັ້ນກໍ່ບໍ່ມີໃຜກາຍທາງມາ ແລ້ວຄົນທີ່ໂທມາຫາລາວເອົາໂທລະສັບທາງໃດໂທ, ແລ້ວໃຜຈະສາມາດບອກເລກຖັງລົດ, ເລກປະກັນ ແລະ ຊື່ເຈົ້າຂອງລົດໄດ້ ຖ້າບໍ່ແມ່ນເຈົ້າຂອງລົດ ຜູ້ທີ່ເສຍຊີວິດນັ້ນ

ໂດຍ: ແອັດມິນ ປັອກເລັກ ລາວໂພສຕ໌

ຕິດຕາມເລື່ອງດີດີ ບັນເທີງລາວ Lao Entertenment ກົດໄລຄ໌ເລີຍ!

ບົດຄວາມຫຼ້າສຸດ

ລາວປະເຊີນບັນຫາພລາສຕິກລົ້ນຕະຫຼາດທ່າມກາງລາຄາຕົກຕໍ່າ

ເສດຖົງຢາງທີ່ເກົ່າໝອງຈົນເກືອບແຍກສີບໍ່ອອກ ບວກກັບຕຸກນໍ້າພລາສຕິກທີ່ຖືກຖິ້ມຊະຊາຍເປັນວົງກວ້າງໃນນະຄອນຫຼວງວຽງຈັນ ເປັນພຽງສ້ຽວໜຶ່ງຂອງເລື່ອງເລົ່າກ່ຽວກັບພລາສຕິກຂອງເມືອງຫຼວງແຫ່ງນີ້. ພາຍໃຕ້ມົນລະມິດທີ່ສາມາດເບິ່ງເຫັນໄດ້ດ້ວຍຕາເປົ່ານີ້ ລ້ວນແຕ່ເຊື່ອງຊ້ອນວິກິດການຂັ້ນຮ້າຍແຮງກວ່າທີ່ຄິດໄວ້. ເນື່ອງຈາກສິ່ງດັ່ງກ່າວໄດ້ກາຍເປັນໄພຂົ່ມຂູ່ຕໍ່ສິ່ງແວດລ້ອມທາງທໍາມະຊາດຂອງລາວ ທັງເປັນໄພຂົ່ມຂູ່ຕໍ່ສຸຂະພາບຂອງຜູ້ຄົນຫຼາຍຮ້ອຍ ທີ່ຕ້ອງເພິ່ງພາການຊື້-ຂາຍສິ່ງເສດເຫຼືອປະເພດພລາສຕິກ. ໃນລະຫວ່າງວັນທີ 5 ຫາ 14 ສິງຫາ, ບັນດາຜູ້ນໍາຈາກຫຼາຍປະເທດໃນໂລກຈະມາເຕົ້າໂຮມກັນທີ່ ເຈນີວາ, ປະເທດສະວິດເຊີແລນ...

ປະກາດ-ແຕ່ງຕັ້ງ ສະຫາຍ ພົນຈັດຕະວາ ແປ້ນຄໍາ ບຸດຈັດແພງ ຮັກສາການແທນເຈົ້າແຂວງ ແຂວງບໍ່ແກ້ວ (ຜູ້ໃໝ່)

ມອບ-ຮັບ ໜ້າທີ່ ລະຫວ່າງ ເລຂາຄະນະບໍລິຫານງານພັກແຂວງ, ເຈົ້າແຂວງ ແຂວງບໍ່ແກ້ວ (ຜູ້ເກົ່າ) ກັບ ຮັກສາການແທນເລຂາຄະນະບໍລິຫານງານພັກແຂວງ, ຮັກສາການເຈົ້າແຂວງ ແຂວງບໍ່ແກ້ວ (ຜູ້ໃໝ່) ປະກາດ ແລະ ມອບ-ຮັບ...

ຍີ່ປຸ່ນກຽມຮັບມື! ສຶນາມິສູງເຖິງ 3 ແມັດ ຫຼັງຈາກເກີດເຫດແຜ່ນດິນໄຫວລະດັບ 8.7 ຣິກເຕີ.

ຍີ່ປຸ່ນສັ່ງອົບພະຍົບປະຊາຊົນຫຼາຍພັນຄົນ ພາຍຫຼັງພົບຄຶ້ນສຶນາມິພັດເຂົ້າຝັ່ງ ເຈົ້າໜ້າທີ່ຄາດວ່າຄຶ້ນອາດຈະສູງເຖິງ 3 ແມັດ. ສຳນັກຂ່າວໃນປະເທດຍີ່ປຸ່ນລາຍງານໃນວັນທີ 30 ກໍລະກົດ 2025 ຜ່ານມາ, ຍີ່ປຸ່ນກຍມຮັບມືກັບສຶນາມິທີ່ເລີ່ມພັດເຂົ້າຊາຍຝັ່ງອີກຮອບ ໂດຍຄາດການວ່າ: ຄຶ້ນອາດຈະສູງເຖິງ 3 ແມັດ,...

ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ

ປັບລາຄາຂຶ້ນຄັ້ງທຳອິດ! ລາຄານໍ້າປະປາ ຢູ່ແຂວງວຽງຈັນເພີ່ມຂຶ້ນ ເນື່ອງຈາກລາຄານຳເຂົ້າອຸປະກອນ ເພີ່ມຂຶ້ນເທົ່າຕົວ. ແຫຼ່ງຂ່າວຈາກ ແຂວງວຽງຈັນ ໃຫ້ຮູ້ວ່າ: ປັດຈຸບັນ ໄດ້ເກີດມີຫາງສຽງຈົ່ມວ່າ ຈາກພໍ່ແມ່ປະຊາຊົນ ກໍຄືສື່ສັງຄົມອອນລາຍ ກ່ຽວກັບການປັບຂຶ້ນລາຄາຄ່ານ້ຳປະປາ ຢູ່ພາຍໃນແຂວງວຽງຈັນ, ຕໍ່ກັບບັນຫາດັ່ງກ່າວ,...