ຕາມການລາຍງານຂອງສຳນັກຂ່າວຕ່າງປະເທດເມື່ອວັນທີ 2 ມັງກອນ 2017 ຜ່ານມາວ່າ ເຮືອໂດຍສານບໍລິສັດຊາໂຣ ເອັກເພຣສ ເຊິ່ງມີນັກທ່ອງທ່ຽວ 234 ຄົນ ເດີນທາງອອກຈາກນະຄອນຈາກາຕ້າ ອິນໂດນີເຊຍ ໄປຫາເກາະຕິດຸງ ແຫຼ່ງທ່ອງທ່ຽວຊື່ດັງ ເຊິ່ງຢູ່ຫ່າງຈາກເມືອງຫລວງປະມານ 50 ກິໂລແມັດ ເກີດໄຟລຸກໄໝ້ເທິງເຮືອ ສົ່ງຜົນໃຫ້ມີຜູ້ເສຍຊີວິດ 23 ຄົນ ແລະສູນຫາຍ 17 ຄົນ ຫຼັງຈາກເກີດເຫດເຈົ້າໜ້າທີ່ສາມາດຊ່ວຍຊີວິດຜູ້ໂດຍສານໄດ້ 194 ຄົນ, ເບື້ອງຕົ້ນຄາດວ່າ ສາເຫດເກີດຈາກລະບົບໄຟຟ້າເຄື່ອງປັ່ນຂອງເຮືອລັດວົງຈອນ ທາງເຈົ້າໜ້າທີ່ກຳລັງເລັ່ງຄົ້ນຫາຜູ້ສູນຫາຍຢ່າງຕໍ່ເນື່ອງ