spot_img
Homeຂ່າວການພັດທະນາເຂື່ອນປາກລາຍ ເຂື່ອນແມ່ນ້ຳຂອງອີກແຫ່ງຂອງລາວ ກຳລັງຖືກຫາລືເພື່ອການກໍ່ສ້າງ

ເຂື່ອນປາກລາຍ ເຂື່ອນແມ່ນ້ຳຂອງອີກແຫ່ງຂອງລາວ ກຳລັງຖືກຫາລືເພື່ອການກໍ່ສ້າງ

Published on

lower_mekong_dams_map
ຈຸດສີແດງ ສະແດງເຖິງທີ່ຕັ້ງຂອງເຂື່ອນປາກລາຍ ໃນຂະນະທີ່ຈຸດສີຂາວ ໝາຍເຖິງເຂື່ອນທີ່ຢູ່ໃນແຜນການກໍ່ສ້າງເທິງແມ່ນ້ຳຂອງ ທັງໃນ ສປປ ລາວ ແລະ ກຳປູເຈຍ, ຈຸດສີເທົາ ສະແດງໃຫ້ເຫັນເຂື່ອນທີ່ກຳລັງຢູ່ໃນການກໍ່ສ້າງ ແລະ ຈຸດສີດຳ (ຢູ່ໃນ ສປ ຈີນ) ແມ່ນເຂື່ອນທີ່ຖືກສ້າງຂຶ້ນສຳເລັດແລ້ວ ເທິງແມ່ນ້ຳຂອງ ຫຼື ແມ່ນ້ຳລ້ານຊ້າງ ຕາມຊື່ເອີ້ນຂອງພາສາຈີນ.

 

ເມື່ອບໍ່ດົນມານີ້ ຢູ່ແຂວງໄຊຍະບູລີ ໄດ້ມີກອງປະຊຸມປຶກສາຫາລືຕີລາຄາຄວາມເປັນໄປໄດ້ ໂຄງການກໍ່ສ້າງ

ເຂື່ອນໄຟຟ້ານ້ຳຂອງໃນຈຸດເມືອງປາກລາຍ ແຂວງໄຊຍະບູລີ-ເມືອງແມດ ແຂວງວຽງຈັນ, ໂດຍການເປັນ

ປະທານຂອງທ່ານ ຍັນຍົງ ສີປະເສີດ ຮອງເຈົ້າແຂວງໄຊຍະບູລີ ແລະ ທ່ານນາງ ສິງຄຳ ຄົງສະຫວັນ ຮອງເຈົ້າ

ແຂວງວຽງຈັນ, ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມເປັນຈຳນວນຫລາຍ.

 

ສຳລັບບັນຫາທີ່ໄດ້ຫາລືໃນກອງປະຊຸມຄັ້ງນີ້ ແມ່ນລົງເລິກກ່ຽວກັບຜົນກະທົບດ້ານສິ່ງແວດລ້ອມ – ສັງຄົມ

ແລະ ທຳມະຊາດ, ໂດຍສະເພາະການປ່ຽນແປງຂອງລະບົບນິເວດ, ການປະມົງ, ການຍົກຍ້າຍຂອງປະຊາຊົນ

ແລະ ອື່ນໆ ເຊິ່ງຄາດວ່າຈະມີປະຊາຊົນຫລາຍກວ່າ 789 ຄອບຄົວ, ທີ່ອາໄສຢູ່ລຽບຕາມສອງແຄມຝັ່ງແມ່ນ້ຳ

ຂອງເຂດເມືອງປາກລາຍ ແລະ ແຂວງວຽງຈັນ ຕ້ອງໄດ້ຍົກຍ້າຍອອກໄປຢູ່ພື້ນທີ່ໃໝ່. ນອກຈາກນີ້, ຍັງມີ

ຊັບສົມບັດສ່ວນລວມເປັນຕົ້ນ: ໂຮງຮຽນ, ວັດ, ເສັ້ນທາງ ແລະ ເນື້ອທີ່ກະສິກຳຫລາຍກວ່າ 10 ພັນ ເຮັກຕາ

ອາດໄດ້ຮັບຄວາມເສຍຫາຍ.

 

ທ່ານຮອງເຈົ້າແຂວງໄຊ ຍະບູລີ ໃຫ້ຮູ້ວ່າ ຜົນຂອງການປຶກສາຫາລືໃນກອງປະຊຸມຄັ້ງນີ້ ແມ່ນຈະໄດ້ນຳສະເໜີ

ຕໍ່ລັດຖະບານເພື່ອຫາວິທີການທົດແທນຄ່າເສຍຫາຍທາງຂອງຊັບສີນ ແລະ ເນື້ອທີ່ການຜະລິດຂອງປະຊາ

ຊົນທີ່ໄດ້ຮັບຜົນກະທົບ ຈາກການພັດທະນາໂຄງການດັ່ງກ່າວ ຕາມຄວາມເໝາະສົມ, ເພື່ອຮັບປະກັນໃຫ້ປະ

ຊາຊົນມີຊີວິດການເປັນຢູ່ດີຂຶ້ນກວ່າເກົ່າ.

 

ໂຄງການເຂື່ອນໄຟຟ້ານ້ຳຂອງແຫ່ງນີ້ ຕັ້ງຢູ່ຫ່າງຈາກເທສະບານເມືອງປາກລາຍໄ ທາງທິດເໜືອປະມານ 30

ກວ່າກິໂລແມັດ, ຕົວເຂື່ອນມີລັກສະນະຝາຍນ້ຳລົ້ນ ສູງ 51 ແມັດ, ກຳລັງຕິດຕັ້ງ 770 ເມກາວັດ, ມີປະຕູນ້ຳ,

ທາງຜ່ານຂອງປາ ແລະ ເຮືອ, ມູນຄ່າການກໍ່ສ້າງປະມານ 1,8 ຕື້ໂດລາສະຫະລັດ ແລະ ມີໄລຍະສຳປະທານ 30

ກວ່າປີ.

 

ແຫຼ່ງຂ່າວ: http://laophatthananews.blogspot.com/2014/08/blog-post_20.html

ບົດຄວາມຫຼ້າສຸດ

ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3

ອົງຄະນະພັກ ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3 ສະຫາຍ ຮສ.ປອ ທອງສະລິດ ມັງໜໍ່ເມກ ເລຂາທິການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ...

ແຈ້ງເຕືອນຈາກກົມໃຫຍ່ຕຳຫຼວດ ໃຫ້ລະວັງ 10 ລັກສະນະການກໍ່ເຫດທີ່ເປັນການສໍ້ໂກງຊັບ ຖ້າພົບເຫັນເຫດລັກສະນະນີ້ ສາມາດແຈ້ງດຳເນີນຄະດີໄດ້

- ອີງຕາມ ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ລົງວັນທີ 05 ມັງກອນ 2022 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມໃຫຍ່ຕໍາຫຼວດ. ເພື່ອປ້ອງກັນ ບໍ່ໃຫ້ທຸກຄົນໃນສັງຄົມ ຕົກເປັນເຫຍື່ອຂອງກຸ່ມແກ້ງສໍ້ໂກງຊັບທາງໂທລະຄົມ ແລະ...

ປະຫວັດບໍ່ທຳມະດາ ກໍລະນີແມ່ຕູ້ຄົນໄຕ້ຫວັນຖືກຖີບເທິງລົດໄຟຕອນນີ້ ຖືກກັກໂຕພ້ອມດຳເນີນຄະດີແລ້ວ

ໃນວັນທີ 01/10/2025 ທີ່ຜ່ານມາ, ສຳນັກຂ່າວໃນໄຕ້ຫວັນໄດ້ລາຍງານວ່າ ມີເຫດບໍ່ຄາດຄິດກ່ຽວກັບຜູ້ສູງ ກໍລະນີແມ່ຕູ້ທີ່ຖືກຍິງສາວປະເພດສອງ (LGBTQ) ຖີບຢູ່ໃນລົດໄຟ ໃນວັນທີ 29/09/2025 ທີ່ຜ່ານມາ, ເຊິ່ງກຳລັງເປັນກະແສດັງໃນໃນສື່ສັງຄົມອອນລາຍໃນປັດຈຸບັນ.ສາເຫດເກີດຈາກການຍາດບ່ອນນັ່ງພິເສດພາຍໃນຂະບວນລົດໄຟແຫ່ງໜຶ່ງໃນໄຕ້ຫວັນ ເນື່ອງຈາກບ່ອນນັ່ງນັ້ນເປັນບ່ອນຂອງຜູ້ສູງອາຍຸ ແມ່ຕູ້ິເລີຍພະຍາຍາມໄລ່ຍິງສາວປະເພດສອງອອກຈາກບ່ອນນັ່ງ...

ມີຜູ້ເສຍຊີວິດ 3 ຄົນຈາກຜົນກະທົບພະຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ

ໜັກໜ່ວງ ພາຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ ແຂວງໄຊສົມບູນ ເຮັດໃຫ້ມີຄົນເສຍຊີວິດແລ້ວ 3 ຄົນ. ແຫຼ່ງຂ່າວຈາກແຂວງໄຊສົມບູນ ແຈ້ງໃຫ້ຮູ້ວ່າ: ວັນທີ 30 ກັນຍາ 2025, ທ່ານ...