ເວັບໄຊເດລີ່ເມວ ລາຍງານເມື່ອວັນທີ 29 ທັນວາ 2016 ຜ່ານມາວ່າ ຊາຍໜຸ່ມຄົນໜຶ່ງ ທີ່ຕ້ອງຮູ້ວ່າຕົນເອງເປັນມະເຮັງສະໝອງ ຈາກນັ້ນ 1 ອາທິດຕໍ່ມາກໍຮູ້ວ່າ ຕົນເອງກໍາລັງຈະມີລູກຄົນທີສອງ ແລະອາການທີ່ລາວເປັນສົ່ງຜົນໃຫ້ ຈະຢູ່ກັບຄອບຄົວໄດ້ອີກບໍ່ພໍເທົ່າໃດເດືອນ
ຊາຍໜຸ່ມຄົນດັ່ງກ່າວຊື່ວ່າ ເບັນ ຊຸຍຊາລ່າ ອາຍຸ 25 ປີ ເຊິ່ງເປັນນັກກິລາຣັບບີ້ ຢູ່ໃນລີກອອສເຕຣເລຍ ເຊິ່ງເມື່ອບໍ່ດົນມານີ້ເຂົາກໍເກີດມີອາການເຈັບຫົວຮຸນແຮງຕິດຕໍ່ກັນເປັນເດືອນ ຈົນໄດ້ອອກຈາກວຽກ ເຊິ່ງຫຼັງຈາກຮູ້ວ່າເປັນມະເຮັງສະໝອງ ເມື່ອຊ່ວງເດືອນກຸມພາ 2016 ຜ່ານມາ ແລະອາການເຈັບຫົວຂອງລາວກໍແຮງຂຶ້ນ ຈົນສູນເສຍຄວາມສາມາດໃນການເບິ່ງເຫັນ, ເວົ້າ, ຍ່າງ ບໍ່ໄດ້
ແນວໃດກໍຕາມ ໜຶ່ງອາທິດຕໍ່ມາ ຫຼັງຈາກໄດ້ຮູ້ວ່າຕົວເອງເປັນມະເຮັງສະໝອງ ເບັນ ກໍໄດ້ຮູ້ຂ່າວດີ ເມື່ອ ເຈສ ຜູ້ເປັນພັນລະຍາ ຖືພາລູກຄົນທີ່ສອງມາເປັນສະມາຊິກຄົນໃໝ່ ຕໍ່ຈາກ ລູກ້າ ລູກສາວກົກ ອາຍຸ 2 ປ, ເຊິ່ງຕອນນີ້ເລັກ ກໍໄດ້ 4 ເດືອນແລ້ວ ເຊິ່ງ ເຈສ ຕັ້ງໃຈວ່າຈະໃຊ້ຊີວິດຄອບຄົວທຸກວັນຢ່າງອົບອຸ່ນເທົ່າທີ່ເຮັດໄດ້ ເຖິງແມ່ນວ່າເບັນ ອາດຈາກໄປໃນອີກບໍ່ດົນນີ້