ສຳນັກຂ່າວເອເອຟພີ ລາຍງານເມື່ອວັນທີ 28 ທັນວາ 2016 ຜ່ານມາວ່າ ທ່ານນໍທາວາ ຫົວໜ້າກະຊວງສະຫວັດດີການສັງຄົມຂອງມຽນມາ ເປີດເຜີຍເຖິງຮ່າງກົດໝາຍທາງສັງຄົມ ເຊິ່ງເປັນທີ່ສົນໃຈຂອງສັງຄົມ ຫາກຜູ້ຊາຍຄົນໃດເຮັດຜູ້ຍິງມີລູກແລ້ວບໍ່ຍອມຮັບ, ບໍ່ຍອມແຕ່ງງານນຳ ຈະຕ້ອງຖືກພິຈາລະນາຄະດີ ແລະລົງໂທດຈຳຄຸກ 7 ປີຂຶ້ນໄປ

ຮ່າງກົດໝາຍສະບັບດັ່ງກ່າວ ສະທ້ອນເຖິງການໃຫ້ຄວາມສຳຄັນກັບສິດທິແມ່ຍິງຫຼາຍຂຶ້ນ ແລະເອົາຜິດທາງອາຍາຕໍ່ຜູ້ເຮັດຄວາມຮຸນແຮງໃນຄອບຄົວ ເປັນຄັ້ງທຳອິດ ແລະຍັງປົກປ້ອງຄວາມຮຸນແຮງ ຕໍ່ແມ່ຍິງ ຈາກພວກຂົ່ມຂືນໄດ້ ດ້ວຍການເປີດໂອກາດໃຫ້ຜູ້ຍິງຂຶ້ນຮຽກຮ້ອງສິດທິຄວາມເປັນທຳ

ຫາກຮ່າງກົດໝາຍຜ່ານສະພາ ບົດລົງໂທດສຳລັບຜູ້ຊາຍ ທີ່ບໍ່ຍອມແຕ່ງງານ ກັບຜູ້ຍິງທັງທີ່ຢູ່ນຳກັນແລ້ວຄື ຕິດຄຸກ 5 ປີ ແລະກໍລະນີທີ່ຜູ້ຍິງຖືພາແລ້ວ ແຕ່ບໍ່ຍອມແແຕ່ງງານນຳ ຕ້ອງຕິດຄຸກ 7 ປີ, ແຕ່ສັງຄົມໃນມຽນມາ ຜູ້ຍິງຍັງມີສະຖານະທີ່ດ້ອຍກວ່າຜູ້ຊາຍຫຼາຍ