ຄົນທີ່ກໍາລັງຕົນຂຸມຮັກ ຫຼືວ່າກໍາລັງລອງເບິ່ງໃຈຢູ່ກັບໃຜ ກໍມັກສົງໄສ ແລະຕັ້ງຄໍາຖາມເຖິງຄວາມສໍາພັນ ໂດຍສະເພາະຢ່າງຍິ່ງອີກຝ່າຍຈະຈິງຈັງກັບເຮົາຫຼາຍພຽງໃດ ເຂົາອາດລົມພ້ອມໆກັນຫຼາຍຄົນ ແລະເຮົາກໍຈະເປັນ 1 ໃນນັ້ນ ແລະ 5 ພຶດຕິກໍາຂອງຜູ້ຊາຍທີ່ສະແດງອອກໃຫ້ຮູ້ວ່າເຮົາອາດເປັນພຽງຕົວສໍາຮອງ.
- ບໍ່ໄດ້ໃສ່ໃຈຫຍັງຫຼາຍກ່ຽວກັບເຮົາ ປົກກະຕິຄົນທີ່ທັກຫາຈະເປັນເຮົາຫຼາຍກວ່າ: ຄົນທີ່ມີຄວາມຮັກກໍມັກຈະຫ່ວງໃຍໃສ່ໃຈຝ່າຍກົງກັນຂ້າມແບບອັດຕະໂນມັດ ບໍ່ວ່າຈະເປັນເລື່ອງເລັກໆນ້ອຍໆ
- ເວລາເຮົາຕ້ອງການເຂົາໃຫ້ຢູ່ຂ້າງໆ ເຂົາກໍບໍ່ມາ: ແຕ່ເຂົາກັບອ້າງສາລະພັດເຫດຜົນນັ້ນນີ້ ສຸດທ້າຍກໍເຫັນຢ່າງອື່ນສໍາຄັນກວ່າ ນັ້ນອາດຈະເປັນເພາະສັນຍານບອກວ່າ ທີ່ຈິງເຮົາກໍບໍ່ສໍາຄັນກັບເຂົາພໍປານໃດ
- ບໍ່ເຄີຍເປີດໂຕເອົາກັບໝູ່ເພື່ອນ ຫຼືຄົນຮູ້ຈັກ: ປົກກະຕິຖ້າຄົນຄົບກັນ ຫຼືວ່າກໍາລັງເບິ່ງໃຈກັນຢູ່ເວລາຈະໄປໃສມາໃສນໍາກັນ ຫຼືໄປຫຼິ້ນກໍບໍ່ຄວນຈະຢ້ານວ່າມີໃຜເຫັນ ຫຼືບໍ່ກໍບໍ່ຕ້ອງຕົວະໃຜ ປິດບັງໃຜວ່າໄປວຽກ ໃນກໍລະນີນີ້ອີກຝ່າຍພະຍາຍາມກັນເຮົາບໍ່ໃຫ້ໄຂ້ອງກ່ຽວກັບຄົນໃກ້ສິດ ແລະຊີວິດປົກກະຕິຂອງເຂົາ ນັ້ນກໍໝາຍຄວາມວ່າເຂົາບໍ່ໄດ້ເຫັນວ່າເຮົາເປັນຕົວຈິງ
- ແຊັດຫາຕອບຊ້າ ຫຼືອ່ານແລ້ວແຕ່ບໍ່ຕອບເລີຍ (ເປັນແບບນີ້ຕະຫຼອດ) ກໍໝາຍຄວາມວ່າເຂົາເລີ່ມຮູ້ສຶກເບື່ອ ແລະບໍ່ຢາກຕິດຕໍ່ກັບເຮົາພໍປານໃດ ແລະກໍາລັງສົ່່ງສັນຍານບອກໃຫ້ເຮົາຮູ້ວ່າຕໍ່ໄປນີ້ບໍ່ຕ້ອງທັກມາຕະຫຼອດກໍໄດ້
- ເວົ້າເຖິງຜູ້ຍິງຄົນອື່ນໃຫ້ເຮົາຟັງ: ຕົວສໍາຮອງແນວໃດກໍເປັນໄດ້ພຽງຕົວສໍາຮອງ ເມື່ອເຂົາເຫງົາບໍ່ມີໃຜກໍເຫັນເຮົາພຽງຄົນແກ້ເຫງົາ ແຕ່ເມື່ອໃດທີ່ຕົວຈິງກັບມາປັນຫາກໍຄືຫາທາງກໍາຈັດຕົວສໍາຮອງທີ່ບໍ່ຈໍາເປັນ