ອີງຕາມສໍານັກຂ່າວຕ່າງປະເທດລາຍງານວັນທີ 26 ທັນວາ ນີ້ວ່າ: ວັນທີ 25 ທັນວາ ທີ່ຜ່ານມາ ເມື່ອເວລາປະມານ 21:22 ນາທີ ເກີດເຫດແຜ່ນດິນໄຫວຂະໜາດ 7.7 ກ່ອນຈະຫຼຸດລົງເປັນ 7.6 ໃນພາຍຫຼັງ.
ແຜ່ນດິນໄຫວຄັ້ງນີ້ເກີດຂຶ້ນທີ່ບໍລິເວນຫ່າງຈາກເມືອງ ເປີຣ໌ໂຕ ມອນຕ໌ ທາງພາກໃຕ້ຂອງຊິລີ ໄປທາງທິດຕາເວັນຕົກສ່ຽງໃຕ້ປະມານ 225 ກິໂລແມັດ ຈຸດສູນກາງແຜ່ນດິນໄຫວຢູ່ເລິກລົງໄປໃຕ້ດິນເກືອບ 15 ກິໂລແມັດ.
ດ້ານສໍານັກງານເຫດການສຸກເສີນແຫ່ງຊາດຊິລີ ໄດ້ອອກມາເຕືອນໄພ ແລະສັ່ງໃຫ້ອົບພະຍົບປະຊາຊົນຈາກພື້ນທີ່ແຄມຝັ່ງຂອງພູມພາກລອສລາກອສ ໄປຍັງທີ່ຫຼົບໄພ ຫຼັງມີປະກາດເຕືອນຄື່ນສຶນາມິຄວາມສູງ 1-3 ແມັດ ໃນພື້ນທີ່ລັດສະໝີ 1,000 ກມ ຈາກຈຸດສູນການແຜ່ນດິນໄຫວ ໂດຍຫຼັງຈາກເວລາຜ່ານໄປຫຼາຍຊົ່ວໂມງກໍມີປະກາດຍົກເລີກ.
ທັງນີ້ ຫຼັງເກີດເຫດຍັງບໍ່ມີລາຍງານຜູ້ບາດເຈັບ ຫຼືເສຍຊີວິດ ຂະນະທີ່ AFP ເຜີຍຮູບພາບຖະໜົນໃນເມືອງແຊດໂມ ຊຶ່ງຍຸບລົງໄດ້ຮັບຄວາມເສຍຫາຍຈາກແຜ່ນດິນໄຫວດັ່ງກ່າວ.
