spot_img
Homeອຸບັດເຫດແລະປາກົດການຫຍໍ້ທໍ້ສະຫຼຸບອັກຄີໄພທີ່ເກີດໃນນະຄອນຫຼວງວຽງຈັນຕະຫຼອດປີ 2016

ສະຫຼຸບອັກຄີໄພທີ່ເກີດໃນນະຄອນຫຼວງວຽງຈັນຕະຫຼອດປີ 2016

Published on

ເຈົ້າໜ້າທີ່ພະແນກຕຳຫລວດສະກັດກັ້ນ ແລະ ຕ້ານອັກຄີໄພ ນະຄອນຫລວງວຽງຈັນ ໃຫ້ຮູ້ວ່າ: ນັບແຕ່ເດືອນມັງກອນມາຮອດປັດຈຸບັນນີ້, ທົ່ວນະຄອນຫລວງວຽງຈັນມີອັກຄີໄພເກີດຂຶ້ນ 89 ຄັ້ງ, ມີເຮືອນຊານປະຊາຊົນ 30 ຫລັງ, ຮ້ານຄ້າ, ສາງເຄື່ອງ ແລະ ອື່ນໆຈຳນວນໜຶ່ງ, ຖືກໄຟເຜົາຜານ ມີມູນຄ່າເສຍຫາຍຫລາຍກວ່າ 10 ຕື້ກີບ. ຊຶ່ງສ່ວນໃຫຍ່ແມ່ນເກີດຈາກໄຟຟ້າລັດວົງຈອນ, ການໄຕ້ທູບທຽນບູຊາ ແລະ ອື່ນໆ, ຂະນະດຽວກັນ ພຽງແຕ່ 20 ກວ່າວັນຂອງເດືອນທັນວານີ້, ໄດ້ມີອັກຄີໄພເກີດຂຶ້ນ 3 ຄັ້ງ, ມີມູນຄ່າເສຍຫາຍປະມານ 650 ລ້ານກີບ, ຊຶ່ງສາເຫດຫລັກ ກໍແມ່ນເກີດຈາກໄຟຟ້າລັດວົງຈອນ.

ທ່ານຮອງຫົວໜ້າພະແນກຕຳຫລວດສະກັດກັ້ນ ແລະ ຕ້ານອັກຄີໄພ ນະຄອນຫລວງວຽງຈັນ ໃຫ້ຮູ້ວ່າ: ອັກຄີໄພເກີດຂຶ້ນໃນໄລຍະຜ່ານມານັ້ນ ຖືວ່າມີຕົວເລກສູງພໍສົມຄວນ, ຊຶ່ງສາເຫດຕົ້ນຕໍແມ່ນເກີດຈາກຄວາມປະໝາດຂາດສະຕິຂອງຜູ້ນຳໃຊ້ຟືນໄຟ, ໂດຍສະເພາະການນຳໃຊ້ໄຟຟ້າເກີນຂະໜາດ, ສາຍໄຟຟ້າມີສະພາບເກົ່າແກ່, ຊຸດໂຊມແຕ່ບໍ່ປ່ຽນຖ່າຍ ເມື່ອຖືກຊົມໃຊ້ຫລາຍເທົ່າໃດ ກໍຈະພາໃຫ້ເກີດໄຟຊ໋ອດໄດ້ງ່າຍ. ນອກນັ້ນ ຍັງມີການໄຕ້ທູດທຽນບູຊາ ແລ້ວປ່ອຍປະໄວ້, ໂດຍບໍ່ມີການດັບມອດ ຊຶ່ງພາໃຫ້ເກີດໄຟໄໝ້ໄດ້ງ່າຍ. ດັ່ງນັ້ນ ຈຶ່ງຂໍເຕືອນໃຫ້ປະຊາຊົນ, ພະນັກງານ ທະຫານຕຳຫລວດ ຈົ່ງມີສະຕິລະມັດລະວັງໃນການຊົມໃຊ້ຟືນໄຟ ເມື່ອສຳເລັດພາລະກິດກໍຄວນດັບມອດທັນທີພ້ອມທັງໝັ່ນກວດກາເພື່ອຄວາມຮຽບຮ້ອຍ.

ຂ່າວຈາກ: ໜັງສືພິມ ລາວພັດທະນາ
ຕິດຕາມຂ່າວເສດຖະກິດລາວ ກົດໄລຄ໌ເລີຍ!

 

ບົດຄວາມຫຼ້າສຸດ

ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3

ອົງຄະນະພັກ ສສກ ຈະສຸມໃສ່ປະຕິຮູບລະບົບການສຶກສາ ສາຍສາມັນ ຈາກ 5+4+3 ເປັນ 6+3+3 ສະຫາຍ ຮສ.ປອ ທອງສະລິດ ມັງໜໍ່ເມກ ເລຂາທິການສູນກາງພັກ, ເລຂາຄະນະບໍລິຫານງານພັກ, ລັດຖະມົນຕີ...

ແຈ້ງເຕືອນຈາກກົມໃຫຍ່ຕຳຫຼວດ ໃຫ້ລະວັງ 10 ລັກສະນະການກໍ່ເຫດທີ່ເປັນການສໍ້ໂກງຊັບ ຖ້າພົບເຫັນເຫດລັກສະນະນີ້ ສາມາດແຈ້ງດຳເນີນຄະດີໄດ້

- ອີງຕາມ ຂໍ້ຕົກລົງຂອງລັດຖະມົນຕີກະຊວງປ້ອງກັນຄວາມສະຫງົບ ລົງວັນທີ 05 ມັງກອນ 2022 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມໃຫຍ່ຕໍາຫຼວດ. ເພື່ອປ້ອງກັນ ບໍ່ໃຫ້ທຸກຄົນໃນສັງຄົມ ຕົກເປັນເຫຍື່ອຂອງກຸ່ມແກ້ງສໍ້ໂກງຊັບທາງໂທລະຄົມ ແລະ...

ປະຫວັດບໍ່ທຳມະດາ ກໍລະນີແມ່ຕູ້ຄົນໄຕ້ຫວັນຖືກຖີບເທິງລົດໄຟຕອນນີ້ ຖືກກັກໂຕພ້ອມດຳເນີນຄະດີແລ້ວ

ໃນວັນທີ 01/10/2025 ທີ່ຜ່ານມາ, ສຳນັກຂ່າວໃນໄຕ້ຫວັນໄດ້ລາຍງານວ່າ ມີເຫດບໍ່ຄາດຄິດກ່ຽວກັບຜູ້ສູງ ກໍລະນີແມ່ຕູ້ທີ່ຖືກຍິງສາວປະເພດສອງ (LGBTQ) ຖີບຢູ່ໃນລົດໄຟ ໃນວັນທີ 29/09/2025 ທີ່ຜ່ານມາ, ເຊິ່ງກຳລັງເປັນກະແສດັງໃນໃນສື່ສັງຄົມອອນລາຍໃນປັດຈຸບັນ.ສາເຫດເກີດຈາກການຍາດບ່ອນນັ່ງພິເສດພາຍໃນຂະບວນລົດໄຟແຫ່ງໜຶ່ງໃນໄຕ້ຫວັນ ເນື່ອງຈາກບ່ອນນັ່ງນັ້ນເປັນບ່ອນຂອງຜູ້ສູງອາຍຸ ແມ່ຕູ້ິເລີຍພະຍາຍາມໄລ່ຍິງສາວປະເພດສອງອອກຈາກບ່ອນນັ່ງ...

ມີຜູ້ເສຍຊີວິດ 3 ຄົນຈາກຜົນກະທົບພະຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ

ໜັກໜ່ວງ ພາຍຸບົວລອຍ ພັດຜ່ານບ້ານກໍໄຮ ເມືອງອະນຸວົງ ແຂວງໄຊສົມບູນ ເຮັດໃຫ້ມີຄົນເສຍຊີວິດແລ້ວ 3 ຄົນ. ແຫຼ່ງຂ່າວຈາກແຂວງໄຊສົມບູນ ແຈ້ງໃຫ້ຮູ້ວ່າ: ວັນທີ 30 ກັນຍາ 2025, ທ່ານ...