- ຄວນມີຄວາມສຸກໄດ້ດ້ວຍຕົນເອງ: ຄົນອື່ນເປັນພຽງໂບນັດທີ່ເພີ່ມເຂົ້າມາ
- ຄວາມປາຖະໜາໃຫ້ຄົນອື່ນມີຄວາມສຸກນໍາ: ບໍ່ແມ່ນຄິດເຖິງແຕ່ຄວາມສຸກຂອງຕົນເອງເຊັນ ເມື່ອຄົນທີ່ເຮົາຮັກບໍ່ຮັກເຮົາ ແຕ່ເຂົາມີຄວາມສຸກຂອງເຂົາ ເຖິງແມ້ວ່າເຮົາຈະເສົ້າກໍຍັງຄິດໄດ້ວ່າ ຢ່າງໜ້ອຍກໍໄດ້ເຫັນຄົນທີ່ເຮົາຮັກມີຄວາມສຸກ
- ຫຼຸດຄວາມຄາດຫວັງ: ໂອກາດທີ່ເຮົາຈະສົມຫວັງກໍຍິ່ງຫຼາຍຂຶ້ນ
- ຍອມຮັບຄວາມແຕກຕ່າງ: ທັງດ້ານພຶດຕິກໍາ ແລະຄວາມຄິດຂອງຜູ້ອື່ນ ຄວາມຄິດບໍ່ຕົງກັນນັ້ັນເປັນເລື່ອງທໍາມະດາ ຫາກຝ່າຍໜຶ່ບໍ່ພະຍາຍາມເຮັດໃຫ້ອີກຝ່າຍຄິດຄືກັນ ແລະພະຍາຍາມເຂົ້າໃຈວ່າເຫດໃດຈຶ່ງຕ່າງກັນ ປັນຫາກໍບໍ່ເກີດ ຫາກເຂົ້າໃຈ ແລະຍອມຮັບໄດ້
- ຮູ້ຈັກຍອມຮັບຄວາມປ່ຽນແປງຕ່າງໆ: ຄວາມຮັກຈຶ່ງຍືນຍາວ ເພາະຄວາມປ່ຽນແປງເປັນເລື່ອງທໍາມະດາຂອງໂລກ
- ບໍ່ຄວນເຮັດແຕ່ສິ່ງທີ່ຕົນເອງມັກ ຫຼືສິ່ງທີ່ຕົນເອງຄິດວ່າດີໃຫ້ຄົນອື່ນພຽງຢ່າງດຽວ ຈະຕ້ອງເບິ່ງເຖິງຄວາມຕ້ອງການຂອງເຂົານໍາ ຈະບໍ່ຕ້ອງມາຄິດນ້ອຍໃຈຕາມຫຼັງ
- ຄວາມເກງໃຈ: ເປັນອົງປະກອບສໍາຄັນ ຄວນເອົາໃຈເຂົາມາໃສ່ໃຈເຮົາ ເພາະຄົົນໃກ້ສິດສະນິດກັນ ມັກຄິດວ່າຈະສາມາດເຮັດຫຍັງຕາມໃຈຕົນໄດ້ແທບທຸກເລື່ອງ ຈົນລືມນຶກເຖິງຄວາມຮູ້ສຶກຂອງອີກຄົນໄປ
- ເວົ້າຈາຊື່ນຊົມໃນສິ່ງດີຂອງກັນ ແລະກັນ: ເປັນອີກໜຶ່ງວິທີມອບຄວາມຮັກທີ່ຄວນເຮັດ ບາງຄົບລະເລີຍວ່າຢູ່ນໍາກັນມາດົນ ເລື່ອງດີເຂົາຄົງຮູ້ຢູ່ແລ້ວບໍ່ຕ້ອງຊົມ ຈຶ່ງເວົ້າເຖິງແຕ່ສິ່ງບໍ່ດີ ຫຼືຢາກໃຫ້ອີກຝ່າຍປ່ຽນແປງ ເອົາແຕ່ຈົ້ມບໍ່ເຄີຍຊົມ ຄົນຟັງກໍທໍ້ໃຈຄືກັນ
- ການສະແດງອອກຂອງຄວາມຮັກ: ຖ້າຮັກແລ້ວ ແຕ່ບໍ່ສະແດງອອກອີກຝ່າຍຄົງບໍ່ຮູ້ ແລະເປັນສິ່ງທີ່ອີກຝ່າຍຕ້ອງການຟັງ ບໍ່ແມ່ນໃຫ້ເດົາ ຫຼືຄິດເອົາເອງ