ຕາມການລາຍງານຂອງເວັບໄຊເມໂທຣ ເມື່ອວັນທີ 21 ທັນວາ 2016 ວ່າ ມີສາມີຄົນໜຶ່ງ ທີ່ຍອມຈ່າຍຄ່າປິ່ນປົວໃນໂຮງໝໍ ປະມານ 1 ແສນປອນ ໃຫ້ກັບພັນລະຍາທີປ່ວຍໜັກ ເພື່ອຫວັງໃຫ້ລາວຢູ່ພ້ອມໜ້າພໍ່ແມ່ລູກໃນວັນຄຣິດສະມາດ ແຕ່ປາກົດວ່າ ບໍ່ມີປະຕິຫານ ເພາະລາວໄດ້ເສຍຊີວິດລົງກ່ອນ 10 ວັນ
ລາຍງານບອກວ່າ ເອັດ ແລະນີນ່າ ຄູ່ຮັກຄົນອັງກິດ ຕ້ອງໄດ້ພົບຂ່າວຮ້າຍ ເມື່ອນີນ່າ ເປັນມະເຮັງລຳໄສ້ໃຫຍ່ໃນປີ 2015 ໃນລະຫວ່າງທີ່ຖືພາ ເຊິ່ງຫຼັງຈາກເກີດລູກຊາຍ ຊື່ເທັດດີ້ ອາການກໍຊຸດໜັກຢ່າງໄວວາ, ຫຼັງຈາກປຶກສາແພດໝໍ ເອັດ ກໍຍອມຈ່າຍເງິນ 1 ແສນປອນ ເພື່ອຫວັງໃຫ້ລາວໄດ້ທົດລອງຮັກສາທາງຄຣີນິກ ໃນປີ 2017 ເຊິ່ງໃນລະຫວ່າງນີ້ ນີນ່າ ຕ້ອງໄດ້ກິນຢາເຣກອໍແອຟເອນິບໄປຖ້າ ແຕ່ພາຍຫຼັງທີ່ຮ່າງກາຍຂອງລາວບໍ່ຕອບສະໜອງຕໍ່ຢາ ຢ່າງໜ້ອຍກໍ່ຫວັງວ່າ ລາວຈະມີຊີວິດຢູ່ ຈົນໄດ້ເບິ່ງລູກຊາຍອາຍຸ 1 ປີ 9 ເດືອນໃນວັນຄຣິດສະມາດ
ແນວໃດກໍຕາມ ປະຕິຫານກໍບໍ່ໄດ້ເກີດຂຶ້ນ ເມື່ອວັນທີ 15 ທັນວາ 2016 ນີນ່າ ໄດ້ເສຍຊີວິດພາຍໃຕ້ອ້ອມແຂນ ຂອງເອັດ ຫຼັງຈາກທີ່ນຳໂຕສົ່ງໂຮງໝໍ ສົ່ງຜົນເຮັດໃຫ້ເອັດຫົວໃຈສະຫຼາຍ ເພາະເຫຼືອອີກ 10 ວັນເທົ່ານັ້ນ ກໍຮອດວັນຄຣິດສະມາດ ເຊິ່ງເປັນວັນທີ່ຄອບຄົວທຸກຄົນຄວນຈະໄດ້ຢູ່ນຳກັນພ້ອມໜ້າ ແຕ່ມັນກໍບໍ່ເກີດຂຶ້ນ ເພາະພັນລະຍາທີ່ຮັກຈາກໄປແບບບໍ່ມີວັນກັບມາ