ຕາມການລາຍງານຂອງສຳນັກຂ່າວຕ່າງປະເທດເມື່ອວັນທີ 19 ທັນວາ 2016 ຜ່ານມາວ່າ Karim Bouchetata ເປັນຄົນຖ່າຍຮູບພາບ ໃນເມືອງ Ain Sefra ເປັນເມືອງນ້ອຍ ໃນປະເທດ ແອລຈີເລຍ ເຊິ່ງພາບດັ່ງກ່າວ ຈະເຫັນຫິມະສີຂາວ ຕົກລົງມາຄວບຄຸມ ຜິວເປັນຊັ້ນບາງໆ ເທິງພື້ນຊາຍສີສົ້ມ ເປັນພາບທີ່ຫາເບິ່ງໄດ້ຍາກທີ່ງາມແບບລົງຕົວ

Bouchetata ເລົ່າວ່າ ຫິມະທີ່ຕົກລົງມານັ້ນ ຕົກດົນໝົດມື້ ແລະເປັນຫິມະທຳອິດໃນຮອບ 37 ປີ, ເພາະປາກົດການທາງທຳມະຊາດແບບນີ້ ເກີດຂຶ້ນໃນປີ 1979 ແລະໃນຕອນນັ້ນມີຫິມະຕົກລົງມາເມືອງ  Ain Sefra ພຽງແຕ່ເຄິ່ງຊົ່ວໂມງເທົ່ານັ້ນ ໄດ້ບໍ່ຕົກດົນຄືໃນຕອນນີ້ “ ທຸກຄົນພາກັນຢຸດເບິ່ງຫິມະທີ່ຕົກລົງມາ ມັນເປັນສິ່ງທີ່ຫາເບິ່ງໄດ້ຍາກຫຼາຍ” ແລະລາວເວົ້າອີກວ່າ “ມັນເປັນພາບທີ່ອັດສະຈັນຫຼາຍ ເມື່ອຫິມະຕົກລົງມາລວມກັບພື້ນຊາຍ ແລະເຮັດໃຫ້ເກີດຮູບພາບທີ່ງາມທີ່ສຸດ”