ສາວຈີນນຸ່ງຊຸດເຈົ້າສາວເຮັດຈາກຜ້າອັດປາກກວ່າ 999 ອັນ ອອກຍ່າງຕາມຖະໜົນຮ້ອງຫາທ້ອງຟ້າສີຄາມ ຫຼັງຈາກປະສົບວິກິດໝອກຄວັນລະດັບສີແດງ ແລະຫວັງວ່າໝອກຄວັນອັນຕະລາຍນີ້ຈະຫາຍໄປໃນໄວໆ

ອີງຕາມສໍານັກຂ່າວຕ່າງປະເທດລາຍງານວັນທີ 21 ທັນວາ ນີ້ວ່າ: ວັນທີ 20 ທັນວາ ເປັນມື້ທີ 4 ແລ້ວຫຼັງມະຫານະຄອນປັກກິ່ງປະກາດເຕືອນໄພໝອກຄວັນລະດັບສີແດງ ຊຶ່ງເປັນລະດັບສູງສຸດໃນລະບົບການເຕືອນໄພມົນລະພິດທາງອາກາດ ແລະນັບເປັນຄັ້ງທີ 2 ທີ່ປັກກິ່ງອອກປະກາດເຕືອນໄພໝອກຄວັນລະດັບສີແດງ ປະຊາຊົນຕ່າງວິຕົກກັງວົນເຖິງວິກິດອັນຕະລາຍນີ້ ລວມເຖິງຍິງສາວນັກສ້າງສະຫວັນຄົນນີ້ດ້ວຍ.

ໂດຍສາວຄົນນີ້ໄດ້ນຸ່ງຊຸດເຈົ້າສາວສີຂາວທີ່ເຮັດມາຈາກຜ້າອັດປາກ ຜ້າອັດປາກອັດດັງປ້ອງກັນໝອກຄວັນກວ່າ 999 ອັນ ອອກມາຍ່າງຕາມຖະໜົນຫົນທາງ ຢຸດຕາມແຍກຕາມໄປແດງ ເພື່ອຫວັງໃຫ້ປະຊາຊົນທີ່ຕ້ອງອອກມານອກໃສ່ໜ້າກາກປ້ອງກັນໂຕເອງ ພ້ອມຮ້ອງຫາທ້ອງຟ້າສີຄາມ ແລະຫວັງວ່າໝອກຄວັນອັນຕະລາຍນີ້ຈະຈາງຫາຍໄປໃນໄວໆ ຊຶ່ງຍິງສາວຄົນດັ່ງກ່າວຍັງມີຊຸດສີແດງ ໂດດເດັ່ນສະດຸດຕາ ຈົນມີຜູ້ຄົນທີ່ພົບເຫັນເຂົ້າມາຖ່າຍຮູບດ້ວຍ