ສຳນັກຂ່າວຕ່າງປະເທດລາຍງານ ຈາກນະຄອນເຈນິວາ ປະເທດສະວິເຊີແລນ ເມື່ອວັນທີ 17 ທັນວາ ວ່າ. ສຳນັກງານຂ້າຫຼວງໃຫຍ່ເພື່ອສິດທິມະນຸດແຫ່ງສະຫະປະຊາຊາດ (ໂອເອຊຊີເອຊອາຣ໌) ເຜີຍລາຍງານເມື່ອວັນສຸກທີ່ຜ່ານມາວ່າ ໄດ້ຮັບຂໍ້ມູນລາຍວັນກ່ຽວກັບການລະເມີດສິດທິມະນຸດຂອງມຽນມາຕໍ່ຊາວ ໂຣຮິນຈາໃນລັດຍະໄຂ່ ບໍ່ວ່າຈະເປັນການສັງຫານນອກຂະບວນການຢຸດຕິທຳ ແລະ ການຂົ່ມຂືນຍິງຊາວໂຣຮິນຈາ ຢ່າງໃດກໍ່ຕາມເຈົ້າໜ້າທີ່ຂອງສະຫະຊາດ (ຢູເອັນ) ອົງການກວດສອບດ້ານສິດທິມະນຸດຊົນຈາກນານາຊາດ ແລະ ຜູ້ສື່ຂ່າວຈາກຕ່າງປະເທດບໍ່ສາມາດເຂົ້າສູ່ພື້ນທີ່ໄດ້ ເນື່ອງຈາກບໍ່ໄດ້ຮັບອະນຸຍາດຈາກທາງການມຽນມາ.
ມີລາຍງານຂອງສື່ໃນສັງກັດລັດຖະບານມຽນມາຍັງຄົງລະບຸຈຳນວນຜູ້ເສຍຊີວິດຈາກສະພາບເຫດການຮຸນແຮງຄັ້ງຫຼ້າສຸດໃນລັດຍະໄຂ່ທີ່ເກີດຂຶ້ນຕັ້ງແຕ່ເດືອນ ຕຸລາ ທີ່ຜ່ານມາ ມີລາຍງານຢ່າງໜ້ອຍພຽງ 86 ຄົນ ແຕ່ຫຼາຍຝ່າຍເຊື່ອວ່າໃນຄວາມຈິງແລ້ວມີຫຼາຍກວ່ານັ້ນ ຂະນະທີ່ຢູເອັນປະເມີນຈຳນວນຜູ້ອົບພະຍົບຊາວໂຣຮິນຈາອີກຮອບໃໝ່ປະມານ 27,000 ຄົນ ສ່ວນຫຼາຍແມ່ນຕ້ອງການຂ້າມຊາຍແດນໄປທີ່ບັງກະລາເທດທີ່ຢູ່ຕິດກັບທາງຕະເວັນຕົກ ແຕ່ກໍ່ຖືກບັງກະລາເທດຜັກດັນກັບຄືນທັງໝົດ
ນອກຈາກນີ້ ລາຍງານຊອງ ໂອເອຊຊີເອຊອາຣ໌ ຍັງວິຈານລັດຖະບານພົນລະເຮືອນຊອງນາງ ອອງຊານ ຊູຈີ ວ່າສິໃສທັດໃນການເບິ່ງບັນຫາໄລຍະຍາວ ບໍ່ມີນະໂຍບາຍທີ່ສ້າງສັນ ແລະ ເຖິງຂັ້ນບໍ່ເຫັນອົກເຫັນໃຈຕໍ່ເພື່ອນມະນຸດດ້ວຍກັນ ສົ່ງຜົນໃຫ້ການແກ້ໄຂບັນສະພາບເຫດການທີ່ລັດຍະໄຂ່ຍັງບໍ່ສາມາດແກ້ໄຂໄດ້ ແລະ ມີຄວາມສ່ຽງຈະເກີດເຫດການວິກິດໃນໄລຍະຍາວ
ແຫລ່ງຂ່າວຈາກ: http://www.dailynews.co.th/foreign/543225
ຕິດຕາມຂ່າວເສດຖະກິດລາວ ກົດໄລຄ໌ເລີຍ!