ອີງຕາມສໍານັກຂ່າວຕ່າງປະເທດລາຍງານວັນທີ 15 ທັນວາທີ່ຜ່ານມານີ້ວ່າ: ເມື່ອວັນທີ 10 ທັນວາທີ່ຜ່ານມາ ເວລາປະມານ 21: 00 ນາທີ ຖະໜົນຈາງຊວນ ເມືອງເຈີຍໂຂ ມົນທົນເຫີເປ່ຍ ຂອງປະເທດຈີນ ເກີດອຸດບັດຕິເຫດລົດເກັ໋ງຄັນໜຶ່ງຕໍາກັນລົດບັນທຶກຖ່ານຫີນທີ່ຈອດຢູ່ແຄມທາງຢ່າງແຮງຈົນເກີດໄຟລຸກໄໝ້ຖ້ວມລົດຢ່າງໄວວາ ທັງທີ່ພະຍາຍາມຫັກພວງມະໄລລົດອອກແລ້ວແຕ່ບໍ່ວິດ.
ຊຶ່ງເຈົ້າໜ້າທີ່ດັບເພີງ 3 ຄົນ ທີ່ໄປຮອດຈຸດເກີດເຫດກຸ່ມທໍາອິດໄດ້ສ່ຽງຊີວິດຜ່າແປວໄຟເຂົ້າຊ່ວຍເຫຼືອຜູ້ປະສົບອຸບັດຕິເຫດທີ່ຕິດຢູ່ໃນລົດທັນທີ ໂດຍບໍ່ລັງເລແມ່ແຕ່ໜ້ອຍ ຈົນໄດ້ຮັບບາດເຈັບ ກະດູກຂໍ້ສອກແຕກ ຖືກເສດແວ່ນລົດບາດຈາກການພະຍາຍາມທຸບແວ່ນລົດ.
ຕາມການລະບຸວ່າ ຫຼັງເຈົ້າໜ້າທີ່ດັບເພີງທັງ 3 ຄົນ ເຂົ້າຊ່ວຍເຫຼືອຄົນຂັບລົດບັນທຶກອອກມາ ພ້ອມທັງຕິດຕໍ່ເຈົ້າໜ້າທີ່ຕໍາຫຼວດໃຫ້ນໍາລົດມາລາກລົດທີ່ປະສົບອຸບັດຕິເຫດ ແລະພໍແຕ່ຊ່ວຍຜູ້ບາດເຈັບໄດ້ບໍ່ພໍກີ້ນາທີ ລົດເກັ໋ງທີ່ປະສົບອຸບັດຕິເຫດດັງກ່າວກໍເກີດສຽງລະເບີດຂຶ້ນ ຈາກນັ້ນກໍໄດ້ຍິນສຽງຜູ້ຍິງຮ້ອງຂໍຄວາມຊ່ວຍເຫຼືອດັງມາຈາກໃນລົດ ເຈົ້າໜ້າທີ່ກໍຮີບເຂົ້າຊ່ວຍທັນທີ.
ໂດຍ 1 ໃນ 3 ນັກດັບເພີງດັງກ່າວເຜີຍວ່າ ພວກເຂົາພະຍາຍາມຜ່າແປວໄຟ ແລະຄວັນເຂົ້າໄປຫາຄົນທີ່ຢູ່ໃນລົດ ຊຶ່ງເວລານັ້ນໄດ້ຍິນສຽງຮ້ອງຂໍຄວາມຊ່ວຍເຫຼືອເທົ່ານັ້ນແຕ່ບໍ່ເຫັນຄົນ ແຕ່ເເຫັນຕີນທັງສອງຂ້າງຢູ່ເທີງບ່ອນນັ່ງຜູ້ໂດຍສານ ຈຶ່ງໄດ້ພະຍາຍາມທຸບແວ່ນລົດເຂົ້າຊ່ວຍເຫຼືອ ແຕ່ຮ່າງກາຍຂອງຄົນເຈັບກັບນອນຢູ່ກ້ອງລົດ ແລະໄດ້ຮັບບາດເຈັບສາຫັດ ແລະກໍສາມາດຊ່ວຍໄດ້ສໍາເລັດ.