Homeຂ່າວຕ່າງປະເທດນະຄອນຫລວງຮ່າໂນ້ຍ ທົດລອງແລ່ນລົດເມດ່ວນພິເສດ BRT ສາຍທຳອິດ ພ້ອມເປີດໃຫ້ບໍລິການປີໃໝ່ນີ້

ນະຄອນຫລວງຮ່າໂນ້ຍ ທົດລອງແລ່ນລົດເມດ່ວນພິເສດ BRT ສາຍທຳອິດ ພ້ອມເປີດໃຫ້ບໍລິການປີໃໝ່ນີ້

Published on

ສຳນັກຂ່າວຕ່າງປະເທດ ລາຍງານໃນວັນທີ 15 ທັນວານີ້ວ່າ ຫວຽດນາມໄດ້ດຳເນີນການທົດລອງ ແລ່ນລົດເມດ່ວນຂົນສົ່ງມວນຊົນ ຫລື BRT (Bus Rapid Transport) ຢູ່ນະຄອນຫລວງຮ່າໂນ້ຍ ໃນວັນທີ 15 ທັນວານີ້ ເພື່ອທົດສອບທາງດ້ານເຕັກນິກ ແລະ ລະບົບອື່ນໆ ກ່ອນທີ່ຈະເປີດໃຫ້ບໍລິການຢ່າງເປັນທາງການ ໃນວັນທີ 1 ມັງກອນ 2017 ຊຶ່ງຈະກາຍເປັນລະບົບລົດເມດ່ວນຂົນສົ່ງມວນຊົນສາຍທຳອິດຂອງປະເທດ ທີ່ເລີ່ມກໍ່ສ້າງມາຕັ້ງແຕ່ປີ 2013 ເພື່ອແກ້ໄຂບັນຫາການສັນຈອນຕິດຂັດ ຂອງນະຄອນຫລວງຮ່າໂນ້ຍໃນປັດຈຸບັນ.

ທັງນີ້ ລົດ BRT ສາຍດັ່ງກ່າວ ມີໄລຍະທາງ 14 ກິໂລແມັດ ລະຫວ່າງຖະໜິນກິມໝ່າ (Kim Ma) ກັບຖະໜົນອຽນເຫງັ໊ຍ (Yen Nghia) ໂດຍຈະໃຊ້ເວລາແລ່ນປະມານ 30 ນາທີ ທຽບກັບການເດີນທາງດ້ວຍພາຫະນະຊະນິດອື່ນ ໃນຊົ່ວໂມງຮີບດ່ວນ ຊຶ່ງຕ້ອງໃຊ້ເວລາປະມານ 1 ຊົ່ວໂມງເຄິ່ງ ເຖິງ 2 ຊົ່ວໂມງ.

ລະບົບລົດ BRT ສ້າງຂຶ້ນມາໃຫ້ສາມາດແລ່ນໄດ້ຢ່າງວ່ອງໄວຂຶ້ນ ແລະ ບໍລິການຢ່າງມີປະສິດທິພາບ ບົນພື້ນຖານຫລັກການທີ່ວ່າ ລົດເມມີທາງແລ່ນສະເພາະຂອງຕົນເອງ ໂດຍບໍ່ມີພາຫະນະຊະນິດອື່ນມາຮ່ວມໃຊ້ ແລະ ບໍ່ອະນຸຍາດໃຫ້ຈອດຍານພາຫະນະໃດໆ ບໍລິເວນປ້າຍຈອດລົດເມ ຊຶ່ງເປັນບ່ອນທີ່ຜູ້ໂດຍສານຂຶ້ນ ແລະ ລົງລົດ.

ສະພາບການສັນຈອນຕິດຂັດ ຢູ່ນະຄອນຫລວງຮ່າໂນ້ຍ ໃນປັດຈຸບັນ
ສະພາບການສັນຈອນຕິດຂັດ ຢູ່ນະຄອນຫລວງຮ່າໂນ້ຍ ໃນປັດຈຸບັນ

 

 

ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ແຂວງຊຽງຂວາງ ໄດ້ຊີ້ແຈງເຫດການປາຕາຍ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາ

ໃນວັນທີ 19 ພະຈິກ 2026, ຄະນະທີມງານສະເພາະກິດເມືອງແປກ ແຂວງຊຽງຂວາງ ໄດ້ຊີ້ແຈງເຫດການປາຕາຍເປັນຈໍານວນຫລາຍໃນນໍ້າຫ້ວຍຫີນລາຍ ລະຫວ່າງຊາຍແດນບ້ານຍວນ ແລະ ບ້ານໂພນງາມເໜືອ ເມືອງແປກ ແມ່ນເກີດມາຈາກ ບຸກຄົນລັກລອບແຊ່ແຮ່ຄໍາທີ່ບໍ່ຖືກຕ້ອງຕາມກົດໝາຍ ຢູ່ບ້ານໂພນງາມເໜືອ....

ໂດຍຕອບສະໜອງຄໍາເຊື້ອເຊີນຂອງສະຫາຍ ຢູນ ເຈີງ ໂຮ, ລັດຖະມົນຕີກະຊວງພົວພັນເສດຖະກິດກັບຕ່າງປະເທດ ແຫ່ງ ສປປ ເກົາຫຼີ, ສະຫາຍ ມະໄລທອງ ກົມມະສິດ, ລັດຖະມົນຕີກະຊວງອຸດສາຫະກໍາ ແລະ ການຄ້າ...

ໄລຍະ 9 ເດືອນ ປີ 2026, ແຂວງອັດຕະປື ກໍ່ຄືພະແນກໂຍທາທິການ ແລະ ຂົນສົ່ງແຂວງ ໄດ້ເປັນເຈົ້າການຕິດຕາມ ແລະ ຄວບຄຸມຄຸນນະພາບໂຄງການກໍ່ສ້າງ-ສ້ອມແປງຂົວ-ທາງ ທີ່ເປັນໂຄງການສືບຕໍ່ ຈໍານວນ...

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...