ລັດຖະມົນຕີກະສິກຳຯ ສັ່ງ ຢຸດຕິການສີດຢາຂ້າເຊື້ອພາຫະນະຢູ່ດ່ານ

ວັນທີ 14 ທັນວາ 2016 ມື້ນີ້, ທ່ານ ລຽນ ທິແກ້ວ ໄດ້ອອກຄຳສັ່ງເລກທີ 3773/ກປ ລົງວັນທີ 14 ທັນວາ 2016 ເລື່ອງການຢຸດຕິຊົ່ວຄາວການສີດຢາຂ້າເຊື້ອໃສ່ພາຫະນະທີ່ເດິນທາງເຂົ້າ ສປປ ລາວ.

ເນື້ອໃນຄຳສັ່ງກ່າວວ່າ ໄລຍະທີ່ຜ່ານມາການຈັດຕັ້ງປະຕິບັດສີດຢາຂ້າເຊື້ອພະຫະນະເພື່ອປ້ອງກັນການລະບາດຂອງພະຍາດສັດປີກແມ່ນມີຄວາມຕັ້ງໜ້າແລະປະສົບຜົນສຳເລັດ. ແຕ່ຕໍ່ໄປນີ້ແມ່ນໃຫ້ຢຸດຕິການສີດຢາຂ້າເຊື້ອໃສ່ພາຫະນະທຸກຊະນິດທີ່ບໍ່ໄດ້ບັນທຸກຫຼືຂົນສົ່ງສັດຫຼືພືດ, ຊິ້ນສ່ວນສັດ ຫຼືຜະລິດຕະພັນສັດຫຼືພືດ ຈົນກວ່າຈະໄດ້ຮັບແຈ້ງການຫຼືຄຳສັ່ງໃຫ້ມີການປ່ຽນແປງ. ໃຫ້ຢຸດເຊົາການເກັບຄ່າສີດຢາຂ້າເຊື້ອພາຫະນະທຸກຊະນິດ ລວມທັງລົດບັນທຸກຫຼືຂົນສົ່ງສັດຫຼືພືດ, ລົດຂົນຊິ້ນສ່ວນສັດ ຫຼືລົດບັນທຸກຜະລິດຕະພັນສັດຫຼືພືດ. ພ້ອມກັນນັ້ນກໍຮຽກຮ້ອງພາກສ່ວນທີ່ກ່ຽວຂ້ອງເອົາໃຈໃສ່ຕິດຕາມກວດການການລະບາດຂອງສັດຕູພືດແລະສັດລ້ຽງຢ່າງເປັນປະຈຳ ເມື່ອມີສະພາບການຕ້ອງລາຍລານຂັ້ນເທິງຢ່າງທັນເວລາ.

15350460_916777991757010_5055993855141432120_n-1 15355631_916778105090332_3240107295253399280_n