ຮຽນເຊີນເຂົ້າຮ່ວມງານພົບປະສິດເກົ່າ ອຸດົມນາຊາຍທອງ ລຸ້ນສົກປີ 1991-1992 ພາຍໃຕ້ຫົວຂໍ້ ” ຫວນຄືນອະດີດເຍົາໄວ ສ້າງສາຍໄຍຄວາມຜູກພັນ ຮ່ວມກັນພັດທະນາ ” ທີ່ໂຮງຮຽນ ມສ ນາຊາຍທອງ ວັນທີ 16 ທັນວາ 2016 ເລີ່ມແຕ່ເວລາ 13:00 ໂມງ ເປັນຕົ້ນໄປ.

ພາຍໃນງານລວມມີກິດຈະກຳກິລາບານເຕະ ແລະ ກິລາເປຕັງ ເພື່ອຮັດແໜ້ນຄວາມສາມັກຄີ, ຈາກນັ້ນ ຈະມີການມອບເຄື່ອງຊ່ວຍເຫລືອ ປະກອບມີສັງກະສີ ຈຳນວນ 300​ ແຜ່ນ ແລະ ອຸປະກອນກິລາຈຳນວນໜຶ່ງ ລວມມູນຄ່າ 11​ ລ້ານກວ່າກີບ ໃຫ້ແກ່ ໂຮງຮຽນ ມສ ນາຊາຍທອງ ເພື່ອນຳໃຊ້ເຂົ້າໃນການພັດທະນາໂຮງຮຽນ, ຫລັງຈາກນັ້ນ ຈະມີພາເຂົ້າສາມັກຄີ ເພື່ອຮ່ວມມ່ວນຊື່ນ ແລະ ພົບປະສັງສັນກັນ ລະຫວ່າງ ຄູອາຈານ ແລະ ອະດີດສິດເກົ່າທີ່ເຂົ້າຮ່ວມພາຍໃນງານ.

ສົນໃຈຕິດຕໍ່ພົວພັນ ເພື່ອສອບຖາມ ແລະ ເຂົ້າຮ່ວມງານໄດ້ທີ່: ທ່ານ ນິຄົມ ທຸມມະວົງ ໂທລະສັບ 020 22559234.

 
ຕິດຕາມເຮົາທາງFacebook ກົດຖືກໃຈເລີຍ!