ລົດ​ໄຟ​ຄວາມ​ໄວ​ສູງ​ຂອງ​ສປ ຈີນ​ແລ່ນຜ່ານ​ຫິມະ​ສາມາດ​​ເຄື່ອນທີ່​ໄດ້​ເຖິງ​ອຸນຫະພູມ​ຕິດ​ລົບ 40 ອົງສາ​ເຖິງ 40 ອົງສາ​ເຊ​ໄດ້​ຢ່າງ​ປອດ​ໄຟ.

ອີງຕາມສໍານັກ​ຂ່າວຊິນ​ຮວາ​ລາຍ​ງານ​ວ່າ: ລົດ​ໄຟ​ຄວາມ​ໄວ​ສູງ​ຂະ​ບວນນີ້​ສາມາດ​​ແລ່ນ​ໄດ້​ທ່າມກາງອຸນຫະພູມ​ຕໍ່າ​ຈົນ​ຕິດ​ລົບ 40 ອົງສາ​ເຊ​ໄດ້​ຢ່າງ​ປອດ​ໄພ​ໂດຍ​ເປີດ​ໃຫ້​ບໍລິການ​ມາ​ເປັນ​ເວລາ 4 ປີ​ແລ້ວ​ໃນ​ມົນທົນ​ຫຼຽວໜິງ, ຈິ໋ຫຼິນ ​ແລະ ​ເຮ​ຍຫຼົງ​ຈຽງທາງ​ຕາ​ເວັນ​ອອກສຽງ​ເໜືອ​ຂອງ​ປະ​ເທດ​ຈີນ, ທັງ​ນີ້​ລົດ​ໄຟ​ຂະ​ບວນດັ່ງກ່າວ​ແລ່ນ​ດ້ວຍ​ຄວາມ​ໄວ 300 ກິ​ໂລ​ແມັດ​ຕໍ່​ຊົ່ວ​ໂມງ ​ແລະ ສາມາດ​ເຮັດ​ວຽກ​ໄດ້​ທ່າມກາງ​ສະພາບ​ອາກາດ​ທີ່​ຫຼາກ​ຫຼາຍ​ຕັ້ງ​ແຕ່​ອຸນຫະພູມ -40 ​ເຖິງ 40 ອົງສາ​ເຊ, ໂດຍ​ຄວາມ​ລັບ​ຢ່າງ​ໜຶ່ງ​​ໃນ​ການ​ເຮັດ​ວຽກ​ຂອງ​ມັນກໍ​ຄືບັນດາກຳມະກອນ​ຈະນຳ​ເອົາ​ຊ້ວານ​ມາ​​ເຊາະ​ເອົາ​ຫິມະ​ ​ແລະ ນ້ຳກ້ອນ​ອອກ​ຈາກ​ລົດ​ໄຟ​​ໄດ້​ທັນ​ເພື່ອ​ແນ່​ໃຈ​ວ່າ​ລະບົບ​ການ​ເຮັດ​ວຽກ​ຂອງ​ລົດ​ໄຟ​ຈະ​ດຳ​ເນີນ​ໄປ​ດ້ວຍ​ດີ​ບໍ່​ຕິດ​ຂັດ.

ຂະນະ​ດຽວ​ກັນ​ພາຍ​ໃນ​ລົດ​ຂະ​ບວນນີ້​ຈະ​ມີ​ການ​ກຽມ​ຜ້າ​ຫົ່ມ, ​ເສື້ອ​ຜ້າ ​ແລະ ອາຫານ​ສຸກ​ເສີນ​ໄວ້​ສະ​ເໝີ​ເພື່ອ​ໃນ​ກໍລະ​ນີທີ່​ເກີດ​ເຫດ​ສຸກ​ເສີນ​ຂຶ້ນນອກຈາກ​ນີ້ ບັນ​ດາ​ວິ​ສາວະ​ກອນ​ຍັງ​ດຳ​ເນີນ​ການ​ສ້ອມ​ແປງ​ຮັກສາ​ລົດ​ໄຟ​ຂະ​ບວນນີ້​ທຸກ​ມື້ເພື່ອ​ຮັບປະກັນ​ຄວາມ​ປອດ​ໄພ​ຂອງ​ຜູ້​ໂດຍສານ​ອີກ​ດ້ວຍ.

ຈາກໜັງສືພິດເສດຖະກິດ-ສັງຄົມ