ສຳນັກຂ່າວຕ່າງປະເທດລາຍງານຈາກເມືອງຈາກາຕາ ປະເທດອິນໂດເນເຊຍ ເມື່ອວັນທີ 3 ທັນວາ 2016 ວ່າ. ເຮືອບິນໂດຍສານ ແລະ ບັນທຸສິນຄ້າແບບ 2 ເຄື່ອງຍົນ ເອັມ 28 ສະກາຍທຣັດ ຂອງສຳນັກງານຕຳຫຼວດແຫ່ງຊາດອິນໂດເນເຊຍ ບັນທຸກຕຳຫຼວດ 16 ນາຍ ຂາດການຕິດຕໍ່ກັບຫໍຄວບຄຸມການບິນ ຂະນະທີ່ກຳລັງບິນຢູ່ໜ້ານ້ຳທະເລາໃກ້ເກາະບາຕັມ ແຂວງ ເຄປາລວນ ຣິເຍົາ ທາງພາກໃຕ້ຂອງສິງກະໂປ
ທ່ານ ມາຣຊູດີ ໂຄສົກສຳນັກງານຄົ້ນຫາ ແລະ ກູ້ໄພແຫ່ງຊາດ (ບຊາຣນາສ) ເຜີຍວ່າ ໜ່ວຍກູ້ໄພໄດ້ພົບຈຸດເຮືອບິນຕົກ ເມື່ອເວລາປະມານ 12.20 ນາທີ ໃນທະເລນອກຊາຍຝັ່ງເກາະບາຕັມ ແລະ ພົບສິ່ງຂອງຈາກເຮືອບິນລຳດັ່ງກ່າວ ລວມເຖິງກະເປົາເດີນທາງ,ເບາະນັ່ງ, ເອກະສານ ແລະ ສິ່ງຂອງສ່ວນຕົວຫຼາຍຢ່າງຂອງຜູ້ໂດຍສານ ລອຍຢູ່ເທິງໜ້ານ້ຳທະເລ ແຕ່ຕອນນີ້ຍັງບໍ່ທັນພົບຮ່ອງຮອຍຂອງຜູ້ທີ່ຢູ່ໃນເຮືອບິນ
ສ່ວນ ທ່ານ ບັມບັງ ໂຊລິສຕິໂຍ ຜູ້ອຳນວຍການບາຊາຣນາສ ກ່າວວ່າ ໜ່ວຍກູ້ໄພຂອງບາຊາຣນາສ ແລະ ເຈົ້າໜ້າທີ່ກອງທັບເຮືອ ກຳລັງຄົ້ນຫາໃນພື້ນທີ່ 200 ແມັດ ກາງທະເລ ແຕ່ຕອນນີ້ຍັງບໍ່ສາມາດສັນນິຖານ ຫຼື ສະຫຼຸບໄດ້ວ່າ ຈະບໍ່ມີຜູ້ຫຼອດຊີວິດ ຫຼື ບໍ່?
ຂ່າວຈາກ: http://www.dailynews.co.th/foreign/540523
ຕິດຕາມຂ່າວເສດຖະກິດລາວ ກົດໄລຄ໌ເລີຍ!