ເຈົ້າຊາຍ ອັລວາລີດ ບິນ ທາລາລ ປຸກກະແສໂລກໂຊຊຽວ ແລະ ເສດຖະກິດ ຮຽກຮ້ອງໃຫ້ລັດຖະບານຍົກເລີກກົດຫ້າມແມ່ຍິງຂັບລົດ ໂດຍຜ່ານທະວິດເຕີ້ທາງການວ່າ “ຢຸດໂຕ້ແຍ້ງຂັດຄ້ານແມ່ຍິງຂັບລົດ” ເຈົ້າຊາຍ ອັລວາລີດແຕກຕ່າງຈາກສະມາຊິກຣາຊວົງອົງອື່ນໆໃນຊາອຸດິອາຣະເບຍ ບ່ອນທີ່ວ່າພະອົງບໍ່ຢຶດຖືການເມືອງເກົ່າຂອງຣາຊວົງ ແລະ ຍັງສະໜັບສະໜູນສິດທິແມ່ຍິງໃນຣາຊອານາຈັກ ທີ່ອຶດອັດໃຈກັບຂໍ້ຈຳກັດຂອງແມ່ຍິງທີ່ສຸດໃນໂລກ ເຊິ່ງເຈົ້າຊາຍໄດ້ໃຫ້ເຫດຜົນວ່າ “ຂໍ້ຫ້າມຂັບລົດຂອງແມ່ຍິງຄືກັບການຈຳກັດການສຶກສາ ຫຼື ຫ້າມບໍ່ໃຫ້ມີຕົວຕົນ”.

ເຈົ້າຊາຍ ອັລວາລີດ ຍັງກ່າວອີກວ່າ ທຸກການກະທຳຈາກສັງຄົມດັ່ງເດີມບໍ່ເປັນທຳກັບແມ່ຍິງ ເພາະແມ່ຍິງຖືກຈຳກັດຂອບເຂດຫຼາຍກວ່າສິດທິຕາມກົດໝາຍ ຈາກຂໍ້ຫ້າມທາງສາສະໜາ ນອກຈາກນີ້ ຍັງອະທິບາຍວ່າ ຄ່າໃຊ້ຈ່າຍທາງເສດຖະກິດເພີ່ມສູງຂຶ້ນຈາກການທີ່ແມ່ຍິງຕ້ອງອາໃສຄົນຂັບລົດສ່ວນຕົວທີ່ເປັນຊາວຕ່າງຊາດ ຫຼື ແທັກຊີ ເຖິງແມ່ນວ່າຄູສົມຣົດຈະສາມາດຂັບລົດໄດ້  ແຕ່ບາງເທື່ອແມ່ຍິງຈຳເປັນຕ້ອງເດີນທາງນອກເໜືອຈາກເວລາປົກກະຕິ ແລະ ນັ້ນເຮັດໃຫ້ມີການສິ້ນເປືອງຄ່າຈ້າງຈາກການເດີນທາງ ສະນັ້ນຄວາມຕ້ອງການຂັບລົດຂອງແມ່ຍິງເປັນຄວາມຕ້ອງການຂອງສັງຄົມຢ່າງຮີບດ່ວນ ຕາມສະພາບປັດຈຸບັນ

ຂ່າວຈາກ: http://news.sanook.com/2110178/