ບໍລິສັດຊຳຊຸງ ອິເລັກໂຕນິກ ກຽມປັບໂຄງສ້າງດ້ວຍການແຕກອອກເປັນ 2 ບໍລິສັດ ເພື່ອເພີ່ມປະສິດທິພາບໃນການບໍລິຫານ.
ອີງຕາມສໍານັກຂ່າວຕ່າງປະເທດລາຍງານວ່າ ບໍລິສັດຊຳຊຸງ ອິເລັກໂຕນິກເປີດເຜີຍຖະແຫຼງການໃນວັນທີ 29 ພະຈິກທີ່ຜ່ານມາວ່າ ບໍລິສັດກຳລັງພິຈາລະນາປັບໂຄງສ້າງຄັ້ງໃຫຍ່ດ້ວຍການແຍກກິດຈະການອອກເປັນບໍລິສັດຍ່ອຍ 2 ແຫ່ງ ແລະ ເພີ່ມອັດຕາສ່ວນການຖືຄອງຮຸ້ນຂຶ້ນ 30% ຈາກມູນຄ່າຂອງປີທີ່ຜ່ານມາໃຫ້ເປັນປະມານ 4 ພັນຕື້ວອນ ຄວບຄຸມຕະຫຼອດທັງປີງົບປະມານ 2016-2017 ຊຶ່ງຄິດເປັນເຄິ່ງໜຶ່ງຂອງປະລິມານເງິນສົດທີ່ຊຳຊຸງຖືຄອງຢູ່ໃນປະຈຸບັນ.
ທັງນີ້ ຖະແຫຼງການຂອງຊຳຊຸງຍັງບໍ່ໄດ້ກຳນົດກອບໄລຍະເວລາການປັບໂຄງສ້າງກິດຈະການຄັ້ງໃຫຍ່ຢ່າງຈະແຈ້ງແຕ່ລະບຸພຽງພາຍໃນເດືອນພຶດສະພາຫຼືມິຖຸນາປີໜ້າ ແຕ່ທຸລະກິດ ແລະ ເຕັກໂນໂລຊີຫຼາຍຄົນວິເຄາະໄປໃນທາງດຽວກັນວ່າ ຂະບວນການອາດມີຕ້ອງຢຸດນິ້ງຫຼືໃຊ້ເວລາດົນກວ່ານັ້ນ ຖ້າຫາກວິກິດການເມືອງກ່ຽວກັບຄະດີສໍ້ລາດບັງຫຼວງຂອງປະທານາທິບໍດີປາກ ກິນເຮ ບານປາຍ.
ຈາກໜັງສືພິມເສດຖະກິດ-ສັງຄົມ