ໝາກນາວເປັນໜຶ່ງໃນໝາກໄມ້ທີ່ດີຕໍ່ສຸຂະພາບ ປະໂຫຍດຂອງມັນສົ່ງເສີມໃຫ້ເຮົາມີສຸຂະພາບທີ່ດີ ແຕ່ສ່ວນໃຫຍ່ເຮົາມັກຈະໃຊ້ແຕ່ນໍ້າໝາກນາວ ແລະຖີ້ມເປືອກໄປຢ່າງໄຮ້ຄ່າ.
ແຕ່ຮູ້ບໍວ່າໃນເປືອກຂອງໝາກນາວມີຄຸນສົມບັດຂ້າເຊື້ອ ແລະຕ້ານການອັບເສບ, ບັນເທົາອາການເຈັບເສັ້ນປະສາດ ແລະຫຼອດເລືອດ ໃນຂະນະທີ່ໃບໝາກນາວກໍສາມາດປິ່ນປົວໄຂ້ໄດ້ອີກເຊັ່ນກັນ ແລະເປືອກຂອງມັນຍັງຊ່ວຍບັນເທົາອາການເຈັບຂໍ້ ຊຶ່ງສາມາດນໍາໄປໃຊ້ໄດ້ 2 ວິທີດັ່ງນີ້:
- ນໍາເປືອກໝາກນາວ 2 ໜ່ວຍ ໃສ່ໄວ້ໃນແກ້ວແລ້ວເທນໍ້າມັນໝາກກອກໃຫ້ຖ້ວມເປືອກໝາກນາວ ປິດຝາແກ້ວປະໄວ້ 2 ອາທິດ ຫຼັງຈາກນັ້ນເຮົາຈະໃຊ້ນໍ້າມັນຂອງມັນ ໂດຍການເອົາຜ້າແຊ່ໄວ້ໃນນໍ້າມັນ ແລະນໍາເອົາຜ້ານັ້ນໄປແປະໃສ່ບໍລິເວນທີ່ເຈັບ ໃຫ້ພັນປະໄວ້ຂ້າມຄືນ
- ຂູດເປືອກໝາກນາວໃນສ່ວນທີ່ເປັນສີເຫຼືອງມາວາງໄວ້ບໍລິເວນຈຸດທີ່ເຈັບປວດ ແລະເອົາຜ້າພັນໄວ້ປະມານ 1-2 ຊົ່ວໂມງ
ແລະນີ້ກໍເປັນອີກໜຶຶ່ງປະໂຫຍດຂອງໝາກນາວທີ່ເຮົານໍາເອົາເປືອກມາປິ່ນປົວອາການເຈັບຂໍ້ດ້ວຍວິທີທາງທໍາມະຊາດ