ອີງຕາມການລາຍງານຂອງສຳນັກຂ່າວກຽວໂຕເມື່ອວັນທີ 29 ພະຈິກນີ້ວ່າ ທາງການຍີ່ປຸ່ນອອກຄຳສັ່ງໃຫ້ຂ້າເປັດ ແລະໄກ່ຈຳນວນຫຼາຍ ຫຼັງຈາກພົບການລະບາດຮຸນແຮງຂອງພະຍາດໄຂ້ຫວັດສັດປີກຢູ່ຟາມສອງແຫ່ງທາງພາກເໜືອຂອງປະເທດ

ການພົບການລະບາດຂອງພະຍາດໄຂ້ຫວັດສັດປີກນີ້ ເປັນຄັ້ງທຳອິດໃນຮອບສອງປີ ທີ່ພະຍາດຕິດຕໍ່ກັບມາລະບາດອີກຄັ້ງ ໃນຟາມສັດປີກຂອງຍີ່ປຸ່ນ, ໃນແຂວງນິງະຕະ ເຊິ່ງຕັ້ງຢູ່ທາງພາກເໜືອຂອງນະຄອນໂຕກຽວ, ໃນໝູ່ບ້ານເຊກິກາວະ ໄດ້ຂ້າໄກ່ 310,000 ໂຕ ເຊິ່ງກ່ອນໜ້ານີ້ພົບວ່າໄກ່ຈຳນວນ 40 ໂຕຕາຍຍ້ອນພະຍາດໄຂ້ຫວັດສັດປີກ

ຢູ່ທາງແຂວງໂອໂມຣິ ເປັດຈຳນວນ 16,500 ໂຕຖືກຂ້າ ຫຼັງຈາກການກວດສອບເຫັນວ່າ ມີເປັດຈຳນວນໜຶ່ງຕິດເຊື້ອໄຂ້ຫວັດສັດປີກສາຍພັນ H5N8, ໄຂ້ຫວັດສັດປີກ H5N8 ຫາກໍ່ລະບາດໃນຢູໂຣບ ແລະສົ່ງຜົນເຮັດໃຫ້ຫຼາຍປະເທດ ຕ້ອງອອກຄຳສັ່ງຂ້າສັດປີກຈຳນວນຫຼາຍ ໂດຍມີຈຸດເລີ່ມຕົ້ນຂອງພະຍາດຈາກເປັດປ່າ ທີ່ອາໄສຢູ່ພາກເໜືອຂອງຝຣັ່ງ