ບັນເທີງດາລາມື້ນີ້ ເຮົາມາອັບເດດຜົນງານຂອງນາງສາວລາວ 2016 ຫຼັງຈາກໄດ້ຮັບຕຳແໜ່ງ ນາງສາວ “ບຸດສະບາ ແສງປັນ” ເຊິ່ງໃນວັນທີ 27 ພະຈິກ 2016 ທີ່ຜ່ານມາ ນາງສາວລາວ 2016 ໄດ້ໄປໃຫ້ສຳພາດໃນລາຍການ ” ຂ່າວເຊົ້າວັນຢຸດ” ທາງຊ່ອງ 3HD ໄທຍ ເຊິ່ງເປັນລາຍການຂ່າວທີ່ມີຊື່ສຽງໂດດດັ່ງອີກໜຶ່ງລາຍການທີ່ມີຜູ້ຕິດຕາມທັງຄົນລາວ ແລະ ຄົນໄທຍ ເປັນຈຳນວນຫຼາຍ
ງນາງສາວ ບຸດສະບາ ແສງປັນ ຫຼື ນາງສາວລາວ 2016 ໄດ້ຫອບເອົາຄວາມຫວານໜ້າຮັກສະເໜ່ທີ່ເປັນເອກະລັກຂອງຕົນເອງ ໄປຢ້ຽມຢາມລາຍການ ຂ່າວເຊົ້າວັນຢຸດ ທາງ ຊ່ອງ 3HD ໄທຍ ໃຫ້ແຟນໆຊາວໄທຍໄດ້ເຫັນຢ່າງໃກ້ຊິດ ດ້ວຍບັນຍາກາດທີ່ອົບອຸ່ນຂອງລາຍການ ລວມທັງພິທີກອນທັງສາມທ່ານ ກໍ່ສຳພາດຢ່າງເປັນກັນເອງ.
ໃນການໄປໃຫ້ສຳພາດໃນຄັ້ງນີ້ ນາງສາວ ບຸດສະບາ ແສງປັນ ໄດ້ອະທິບາຍກ່ຽວກັບງານກອງປະກວດ ບໍ່ວ່າຈະເປັນຊຸດທີ່ໃສ່ໃນກອງປະກວດ, ລາງວັນທີ່ໄດ້, ພາລະກິດຂອງນາງສາວລາວທີ່ຈະຕ້ອງເຮັດຫຼັງໄດ້ຮັບຕຳແໜ່ງ ແລ້ວຍັງໄດ້ນຳສະເໜີສະຖານທີ່ທ່ອງທ່ຽວຂອງແຂວງ ໄຊຍະບູລີ ເຊິ່ງເປັນແຂວງເກີດ ຂອງນາງ ແລະ ອື່ນໆກ່ຽວກັບປະເທດລາວ ທັງການນຸ່ງສິນ ເປັນຕົ້ນ
ມື້ນີ້ແອັດມິນເລີຍນຳວິດີໂອການສຳພາດໃນລາຍການ ຂ່າວເຊົ້າວັນຢຸດ ໃນມື້ນັ້ນມາຝາກແຟນເພສ ສຳລັບຄົນທີ່ບໍ່ທັນໄດ້ເບິ່ງກໍ່ສາມາດເບິ່ງໄດ້ ສ່ວນຄົນທີ່ເບິ່ງແລ້ວ ກໍ່ສາມາດເບິ່ງອີກໄດ້ ເອົາເປັນວ່າບໍ່ເວົ້າຫຍັງຫຼາຍ ເຮົາມາເບິ່ງວິດີໂອສຳພາດກັນເລີຍ