ກິນເນສບຸກ ຫາກໍປະກາດເມື່ອເດືອນພຶດສະພາວ່າ ບຸກຄົນອາຍຸຍືນທີ່ສຸດຂອງໂລກເວລານີ້ ຄື ແມ່ຕູ້ທວດ ມິຊາໂອະ ໂອຄາວະ ຄົນຍີ່ປຸ່ນອາຍຸ 115 ປີ. ແຕ່ຫວຽດນາມພັດກຽມສົ່ງຜູ້ທ້າຊິງໄວ 121 ປີໄປທຳລາຍສະຖິຕິ.
ແມ່ຕູ້ທວດ ຫງວຽນ ທິຈູ ເກີດເມື່ອວັນທີ 4 ພຶດສະພາ 1893 ເປັນຄົນຫວຽດນາມທີ່ອາຍຸຍືນທີ່ສຸດ. ແມ່ຕູ້ຜູ້ນີ້ເປັນຄົນແຂວງ ລອງແອງ ເຂດສາມລ່ຽມປາກແມ່ນ້ຳຂອງ ມີລູກທັງໝົດ 11 ຄົນ ແຕ່ເຫຼືອຊີວິດຢູ່ພຽງ 4 ຄົນ ເທົ່ານັ້ນ ສ່ວນສາມີຈາກໄປຕັ້ງແຕ່ ປີ 1963 ປັດຈຸບັນ ອາໄສຢູ່ເຂດຊານເມືອງຂອງນະຄອນຫຼວງໂຮຈິມິນ ກັບລູກຊາຍຫຼ້າທີ່ອາຍຸ 72 ປີແລ້ວ.
ກົມຄຸ້ມຄອງສຳມະໂນຄົວຫວຽດນາມ ຢືນຢັນວ່າມີຫຼັກຖານຫຼາຍພໍທີ່ຈະຢືນຢັນວັນເດືອນປີເກີດ ລວມທັງເອກະສານທີ່ລັດຖະບານເຈົ້າອານານິຄົມຝຣັ່ງອອກໃຫ້ ແລະຈະຍື່ນເອກະສານໄປຍັງ ເອເຊຍ ບຸກ ອອຟ ເຣັກຂອດ ແລະກິນເນສບຸກເວີລ ອອຟ ເຣັກຂອດ ຕໍ່ໄປ.
ສຳລັບເຄັດລັບການມີອາຍຸຍືນຂອງແມ່ຕູ້ທວດຜູ້ນີ້ ບໍ່ມີຫຍັງຍາກ ພຽງແຕ່ກິນອາຫານໃຫ້ຖືກເວລາ ຊ່ວຍເຫຼືອຜູ້ອື່ນ ແລະເຮັດໃຈໃຫ້ສະບາຍ.