ເມື່ອແມ່ຍິງເລີ່ມຖືພາ ນອກຈາກຢາກໃຫ້ລູກໃນທ້ອງແຂງແຮງ ແລະເກີດອອກມາສົມບູນແລ້ວ, ແມ່ຫຼາຍຄົນ ຕ່າງກໍຢາກໃຫ້ລູກໃຫຍ່ຂຶ້ນມາເປັນເດັກນ້ອຍສະຫຼາດ, ເຮົາມີວິທີງ່າຍໆ ທີ່ຈະຊ່ວຍເສີມສ້າງພັດທະນາການ ທາງສະໝອງຂອງລູກນ້ອຍ ຕັ້ງແຕ່ຢູ່ໃນທ້ອງ
- ເພີ່ມໄອໂອດີນໃນອາຫານ: ຫາກແມ່ຍິງຖືພາຫາກຂາດໄອໂອດີນ ຈະເຮັດໃຫ້ລູກມີ IQ ຫຼຸດລົງ ແຕ່ຖ້າຫກາແມ່ຍິງຖືພາຫາກກິນໄອໂອດີນໃນປະລິມານທີ່ເໝາະສົມ ກໍຈະສາມາດເພີ່ມ IQ ຂອງລູກໄດ້ 25, ສາມາດໃຊ້ເກືອ ທີ່ມີໄອໂອດີນ ໃນການປະກອບອາຫານໄດ້, ນອກຈາກນັ້ນ ອາຫານປະເພດ ປາທະເລ, ນົມ, ໄຂ່ ກໍສາມາດເພີ່ມໄອໂດດີນໄດ້
- ວິຕາມິນດີໃນປາ ເຊັ່ນປາເຊວມອນ, ເນີຍ, ໄຂ່ແດງ ແລະນົມ ເພາະວິຕາມິນດີມີສ່ວນສຳຄັນໃນການພັດທະນາຂອງລູກ ທັງກະດູກ ແລະກ້າມເນື້ອ, ຍັງຊ່ວຍຄວບຄຸມອາລົມທີ່ປ່ຽນແປງຂອງແມ່ໄດ້ອີກດ້ວຍ
- ຫຼີກລຽງເຄື່ອງດື່ມແອວກໍຮໍ:ການດື່ມເຄື່ອງດື່ມແອວກໍຮໍ ລະຫວ່າງຖືພາ ຈະສົ່ງຜົນເສຍຕໍ່ສຸຂະພາບຮ່າງກາຍ, ພຶດຕິກຳ ແລະສຸຂະພາບຈິດຂອງເດັກອີກດ້ວຍ, ທັງເປັນສາເຫດຂອງພາວະປັນຍາອ່ອນໃນລູກໄດ້, ນອກຈາກ ເຄື່ອງດື່ມທີ່ມີແອວກໍຮໍແລ້ວ ການສູບຢາ ຫຼືການໃຊ້ສານເສບຕິດອື່ນໆ ກໍອາດສົ່ງຜົນເສຍຢ່າງຮ້າຍແຮງຕໍ່ສະໝອງຂອງລູກໃນທ້ອງໄດ້, ຫາກເຈົ້າຢາກໃຫ້ລູກເກີດມາສະຫຼາດ ຄວນຫຼີກລຽງການກິນ
- ວິຕາມິນບີ ແລະໂຟລິກ: ການກິນອາຫານທີ່ມີວິຕາມິນບີ ແລະໂຟລິກທີ່ມີຢູ່ໃນໄຂ່ໄກ່, ປາເຊວມອນ, ຖົ່ວຈະຊ່ວຍເສີມສ້າງພັດທະນາການທາງສະໝອງຂອງລູກນ້ອຍໄດ້ ຕັ້ງແຕ່ຢູ່ໃນທ້ອງ, ໂຟລິກນັ້ນ ມີສ່ວນສຳຄັນທີ່ຈະຊ່ວຍພັດທະນາເຊວສະໝອງຂອງເດັກ
- ອອກກຳລັງກາຍຊ່ວຍໃຫ້ເດັກສະຫຼາດ: ການອອກກຳລັງກາຍ ເປັນວິທີໜຶ່ງ ທີ່ຈະຊ່ວຍໃຫ້ລູກສະຫຼາດ ຕັ້ງແຕ່ຢູ່ໃນທ້ອງ, ທັງການອອກກຳລັງຕອນຖືພາ ຈະຊ່ວຍໃນການຄວບຄຸມນໍ້າໜັກ ແລະຍັງເປັນການກຽມຮ່າງກາຍ ໃຫ້ມີຄວາມພ້ອມກ່ອນການເກີດລູກ
ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!
ifram FB ວິທະຍາສຶກສາ