ອີງຕາມການລາຍງານຂອງສຳນັກຂ່າວເອັນເອສເຄ ຂອງປະເທດຍີ່ປຸ່ນ ເມື່ອວັນທີ 24 ພະຈິກ 2016ວ່າ ອາກາດເຢັນລົງຢ່າງແຮງ ກຳລັງແຜ່ປົກຄຸມທາງພາກເໜືອ ແລະພາກຕາເວັນອອກຂອງປະເທດ ເຮັດໃຫ້ເກີດຫິມະຕົກໃນນະຄອນໂຕກຽວ ຖືເປັນຫິມະທຳອິດຂອງປີ ແລະເປັນຄັ້ງທຳອິດໃນຮອບ 54 ປີ ທີ່ນະຄອນຫຼວງໂຕກຽວມີຫິມະຕົກ ໃນເດືອນພະຈິກ ເຊິ່ງເຫດການແບບນີ້ ເກີດຂຶ້ນຄັ້ງສຸດທ້າຍໃນວັນທີ 22 ພະຈິກ ປີ 1962
ທາງເຈົ້າໜ້າທີ່ກໍໄດ້ເຕືອນ ໃຫ້ປະຊາຊົນ ໃຊ້ເສັ້ນທາງການສັນຈອນ ດ້ວຍຄວາມລະມັດລະວັງ ເພາະຖະໜົນຫົນທາງມື່ນ ແລະກຽມຮັບມືກັບຜົນກະທົບທີ່ອາດເກີດຂຶ້ນ ກັບລະບົບຂະບວນຂົນສົ່ງມວນຊົນ