spot_img
HomeຊີວິດແລະຄວາມຮັກWedding-Sex-loveສິ່ງທີ່ຄວນເຮັດຫຼັງຈາກມີເພດສຳພັນແບບບໍ່ປ້ອງກັນ

ສິ່ງທີ່ຄວນເຮັດຫຼັງຈາກມີເພດສຳພັນແບບບໍ່ປ້ອງກັນ

Published on

ໃນຄໍລຳ ຄວາມຮັກ ກັບ ເຊັກສ໌ ມື້ນີ້ແອັດມິນຈະມານຳສະເໜີບົດກ່ຽວກັບການມີເພດສຳພັນໂດຍບໍ່ໄດ້ປ້ອງກັນ ໝາຍເຖິງການມີເພດສຳພັນໂດຍບໍ່ໄດ້ໃສ່ຖົງຢາງອານາໄມນັ້ນເອງ ອາດເຮັດໃຫ້ຫຼາຍຄູ່ເກີດຄວາມກັງວົນໃຈ ໂດຍສະເພາະແມ່ນແມ່ຍິງອາດກັງວົນໃຈຫຼາຍເພາະຢ້ານວ່າຕົນເອງຈະຖືພາ ດັ່ງນັ້ນຫາກເກີດເຫດການແບບນີ້ຂຶ້ນ ສິ່ງທີ່ພໍຈະຊ່ວຍປ້ອງກັນການຖືພາໄດ້ກໍ່ຄື ການກິນຢາຄຸມກຳເນີດ (ຢາຄຸມສຸກເສີນ) ຫຼັງຮ່ວມເພດແລ້ວ

ວິທີການກິນຢາຄຸມສຸກເສີນນີ້ ຈະຕ້ອງກິນຄັ້ງລະ 2 ເມັດ ໂດຍເມັດທຳອິດຕ້ອງກິນບໍ່ໃຫ້ເກີນພາຍໃນ 72 ຊົ່ວໂມງ ຫຼັງຈາກມີການຮ່ວມເພດ ແລ້ວໃຫ້ກິນເມັດທີສອງຫ່າງຈາກເມັດທຳອິດ 12 ຊົ່ວໂມງ

ຂໍ້ຄວນລະວັງໃນການກິນຢາຄຸມກຳເນີດຫຼັງຮ່ວມເພດນີ້ ຄວນໃຊ້ໃນກໍລະນີສຸກເສີນເທົ່ານັ້ນ ແລະ ເດືອນໜຶ່ງບໍ່ກິນເກີນ 4 ເມັດ ບໍ່ຄວນກິນເລື່ອຍໆ ຫຼື ກິນຢາຄຸມລາຍວັນເລື້ອຍໆ ເພາະຈະເຮັດໃຫ້ຮ່າງກາຍທຳງານຜິດປົກກະຕິ ເຊັ່ນ: ມີເລືອດອອກຜິດປົກກະຕິທາງຊ່ອງຄອດ, ປະຈຳເດືອນມາບໍ່ສະໝ່ຳສະເໝີ, ຮູ້ສຶກວິນຫົວປວດຮາກໃນກໍລະນີທີ່ເກີດຜົນຂ້າງຄຽງຢ່າງຮຸນແຮງ

ການສັງເກດຮອບເດືອນ

ຫາກປະຈຳເດືອນບໍ່ມາພາຍໃນ 15 ວັນຫຼັງຈາກມີເພດສຳພັນໃຫ້ທົດສອບການຖືພາຈາກນ້ຳປັດສະວະ ດ້ວຍການຊື້ແນວກວດມາກວດນ້ຳປັດສະວະເບິ່ງ ຫາກຂຶ້ນຂີດດຽວແບບເຫັນຊັດແປວ່າບໍ່ໄດ້ຖືພາ ແຕ່ຖ້າຂຶ້ນສອງຂີດແບບເຫັນຊັດເຈນແປວ່າ ຖືພາ ແຕ່ຖ້າເປັນສອງຂີດຂຶ້ນມາຈາງໆ ຖ້າບໍ່ແນ່ໃຈວ່າຖືພາ ຫຼື ບໍ່? ໃຫ້ລໍຖ້າໄປອີກ 7 ໃື້ ແລ້ວຈິ່ງເຮັດການກວດນ້ຳປັດສະວະອີກຄັ້ງ

ການກິນຢາຄຸມສຸກເສີນອາດຈະຊ່ວຍປ້ອງກັນການຖືພາໄດ້ ແຕ່ຢ່າລືມວ່າຢາຄຸມບໍ່ໄດ້ຊ່ວຍປ້ອງກັນໂຣກຕິດຕໍ່ທາງເພດສຳພັນໄດ້ ສະນັ້ນການຮ່ວມເພດຄວນມີການປ້ອງກັນໄວ້ດີກວ່າ ຖ້າຄິດວ່າບໍ່ໝັ້ນໃຈໃນຄູນອນຂອງທ່ານ

ຕິດຕາມເລື່ອງດີດີເພຈຊີວິດແລະຄວາມຮັກ ກົດໄລຄ໌ເລີຍ!

 

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...