ອີງຕາມການລາຍງານຂອງສຳນັກຂ່າວບີບີຊີ ເມື່ອວັນທີ 16 ພະຈິກນີ້ວ່າ ໄດ້ເກີດເລື່ອງສຸດແປກ ແລະຫາໄດ້ຍາກທີ່ສຸດໃນທາງການແພດ ເມື່ອແມ່ຍິງຄົນອອສເຕເລຍ ຖືພາຫ່າງກັນ 10 ມື້ ກ່ອນຈະເກີດລູກສາວສອງຄົນພ້ອມກັນ. ເຊິ່ງກ່ອນໜ້ານີ້ ທາງໝໍໄດ້ກວດພົບວ່າ ແມ່ຍິງຊື່ວ່າ ເຄດ ຮິລ ຖືພາລູກທັງສອງຄົນຫ່າງກັນ 10 ມື້ ເຊິ່ງເປັນກໍລະນີ ທີ່ຫາໄດ້ຍາກທີ່ສຸດ ເຊິ່ງເຄີຍພົບ 10 ກໍລະນີໃນທົ່ວໂລກ
ຊາລ໊ອດ ແລະໂອລິເວຍ ເປັນເດັກນ້ອຍຝາແຝດທີ່ເກີດມາພ້ອມກັນ ເມື່ອສິບເດືອນກ່ອນໜ້ານີ້ ເຊິ່ງມີຮູບຮ່າງ ແລະນໍ້າໜັກທີ່ແຕກຕ່າງກັນ
ເຄດ ຮິລ ເວົ້າວ່າ ຕົນເອງ ເຂົ້າຮັບການຮັກສາ ອາການຂອງຮັງໄຂ່ polycystic ovary syndrome ດ້ວຍໂຮໂມນ ເນື່ອງຈາກລາວມີລູກຍາກ ບໍ່ສາມາດຜະລິດໄຂ່ໄດ້ ແຕ່ປາກົດວ່າ ລະຫວ່າງນັ້ນລາວຖືພາຂຶ້ນສອງເທື່ອ ດ້ວຍພາວະທີ່ເອີ້ນວ່າ ຊູເປີຟີເທຊັ່ນ ເຊິ່ງເປັນການຖືພາຕິດຕໍ່ກັນ ເຖິງແມ່ນຈະມີເພດສຳພັນຄັ້ງດຽວ ຈາກປົກກະຕິທີ່ໄຂ່ຕ້ອງໃຊ້ເວລາຮອບເດືອນ ແຕ່ຈາກພາວະນີ້ ຖືພາຕໍ່ກັນໄດ້ເລີຍ