ການແຕ່ງງານອາດເປັນຄວາມຝັນຂອງສາວໆຫຼາຍຄົນ ແລະຄິດວ່າຄືຈຸດໝາຍ ຫຼືຄວາມສໍາເລັດຂອງຄວາມຮັກທີ່ໃຝ່ຝັນມານານ ທັ້ງທີ່ຄວາມຈິງແລ້ວ ຊີວິດການແຕ່ງງານນັ້ນມີຫຍັງຫຼາຍກວ່ານັ້ນ ແລະມີຄວາມຈິງອື່ນທີ່ອາດເບິ່ງຂ້າມໄປ ຫຼືບໍ່ເຄີຍຮູ້ກໍໄດ້ ວ່າການແຕ່ງງານທີ່ແທ້ຈິງມັນເປັນແນວໃດແດ່?
- ຊີວິດການແຕ່ງງານບໍ່ແມ່ນການຮັກທີ່ບໍ່ມີຂໍ້ແມ້
ມັນແຝງໄປດ້ວຍຄວາມຊັງ, ຄວາມຂົມຂື່ນ, ການແຍກຕົວຢ່າງໂດດດ່ຽວ ການຫຼັກຫຼັງ, ຄວາມເຈັບປວດ ແລະເຮົາກໍບໍ່ໄດ້ຮູ້ສຶກຮັກສາມີຕະຫຼອດ 24 ຊົ່ວໂມງ ຊຶ່ງເຂົາເອງກໍຄົງຮູ້ສຶກແບບນັ້ນເຊັ່ນກັນ.
- ຊີວິດການແຕ່ງງານນັ້ນ ໄດ້ອົດທົນກວ່າທີ່ຄິດ
ເພາະຊີວິດການແຕ່ງງານບໍ່ໄດ້ມີພຽງແຕ່ການສະແດງຄວາມຮັກ ແຕ່ຊີວິດແຕ່ງງານເປັນບົ່ງບອກວ່າເຮົາຕ້ອງຢູ່ດ້ວຍກັນ…ການໄປງານຕ່າງໆກໍຕ້ອງໄປດ້ວຍກັນ ເພາະເຮົາຄືຄູ່ແຕ່ງງານກັນ.
- ການແຕ່ງງານບໍ່ສາມາດເຕີມເຕັມຫຍັງໃຫ້ເຈົ້າໄດ້
ຫາກເຈົ້າຮູ້ສຶກວ່າທີ່ຄົກັນເປັນແຟນຢູ່ມັນບໍ່ພໍ ຢາກແຕ່ງງານເພື່ອສ້າງຄວາມສົມບູນໃນຊີວິດ ຂໍບອກເລີຍວ່າ ການແຕ່ງງານນັ້ນບໍ່ໄດ້ຊ່ວຍຫຍັງ ຢ່າໄປຄາດຫຍັງຫຼາຍເກີນໄປ.
- ການແຕ່ງງານບໍ່ໄດ້ເຮັດໃຫ້ເຈົ້າພໍໄດ້
ການແຕ່ງງານບໍ່ແມ່ນສັນຍານໃນຄວາມສໍາເລັດຂອງຊີວິດຄູ່ ຢ່າຄິດວ່າແຕ່ງງານແລ້ວຈະບໍ່ມີເລື່ອງຄຽດ, ບໍ່ມີປັນຫາ ມັນໄດ້ພຽງແຕ່ໄລຍະທໍາອິດເທົ່ານັ້ນ ແຕ່ບໍ່ຕະຫຼອດໄປ ຄໍາຖາມຈະມີເພີ່ມຂຶ້ນເລື່ອຍໆ ແລະເຈົ້າຕ້ອງຍອມຮັບ ແລະແກ້ປັນຫາໃຫ້ໄດ້.
- ການແຕ່ງງານອາດນໍາເລື່ອງຮ້າຍໆເຂົ້າມາເພີ່ມໄດ້
ຊີວິດແຕ່ງງານອາດມາພ້ອມຄໍາຂີ້ຕົວະ ການທໍາຮ້າຍຄວາມໄວ້ເນື້ອເຊື່ອໃຈ, ທໍາຮ້າຍຄວາມຝັນ ການແຕ່ງງານທີ່ດີນັ້ນກໍສາມາດມີໄດ້ ແຕ່ກໍຢ່າລືມເພື່ອໃຈກັບດ້ານມືດຂອງຊີວິດແຕ່ງງານ.
- ການແຕ່ງງານບໍ່ມີເສັ້ນຂີດຈໍາກັດ
ບໍ່ມີໃຜບອກວ່າສິ່ງໃດດີ, ສິ່ງໄດ້ປົກກະຕິ, ສິ່ງໃດຍອມຮັບໄດ້ ແລະສິ່ງໃດບໍ່ຄວນຍອມຮັບ ບໍ່ມີໃຜກ້າຕັດສິນໃຈບອກໄດ້ໝົດ ເພາະມີພຽງເຈົ້າ ແລະອີກຝ່າຍເທົ່ານັ້ນທີ່ຈະຮູ້ວ່າຄວນແກ້ໄຂປັນຫາຕໍ່ໜ້າແນວໃດ ແລະກໍຢ່າຖາມຫາຄໍາຕອບທີຖືກຕ້ອງທີ່ສຸດເລີຍ ເພາະບໍ່ມີຢູ່ຈິງ.
- ຊີວິດການແຕ່ງງານ ຍິ່ງໃຫຍ່ກວ່າເຈົ້າ ແລະຍິ່ງໃຫຍກວ່າເຈົ້າທັງສອງຄົນ
ຄວາມຮັກມັນບໍ່ໄດ້ມີຮູບແບບຕາຍຕົວວ່າຮັກກັນເຮົາຈະຕ້ອງນອນດ້ວຍກັນ ຄວາມຮັກມີຮູບແບບລາກຫຼາຍທີ່ບໍ່ຕາຍຕົວໃຫ້ຄົ້ນຫາ ແລະພົບເຈີ ເພາະສະນັ້ນຢ່າກໍານົດເກນຫຍັງໃຫ້ຫຼາຍເລີຍ ສໍາຄັນກໍຄື ການສະແດງຄວາມຮັບຜິດຊອບ, ຄວາມໝັ້ນຄົງໃນຄວາມສໍາພັນ ກ່ອນທີ່ຈະຮັກຈະໝົດອາຍຸໄປຕ່າງຫາກ.