ອີງຕາມສໍານັກຂ່າວຕ່າງປະເທດລາຍງານວ່າ: ພິພິທະພັນສັດນໍ້າແກຣນວິວ ພາຍໃນຮ້ານຊັບພະສິນຄ້າແຫ່ງໜຶ່ງໃນເມືອງກວ່າງໂຈວ ປະເທດຈີນ ຍິນຍອມປ່ອຍໃຫ້ “ພິດຊ່າ” ໝີຂາວຂົ້ວໂລກກັບໄປໂອຊ່ຽນປາດ ບ້ານເກີດຂອງມັນ ຫຼັງຈາກໝີໂຕນີ້ຕົກຢູ່ໃນສະພາບຊຶມເສົ້າໜ້າເວດທະນາ ຈົນຖືກວິພາກວິຈານໃນໂລກອອນລາຍ.
ເລື່ອງລາວຂອງ “ພິດຊ່າ” ເລີ່ມຕົ້ນຈາກພາບຖ່າຍທີ່ມີການແຊໃນໂລກອອນລາຍ ພົບໝີຂາວຂົ້ວໂລກໃນພິພິທະພັນດັ່ງກ່າວ ຢູ່ໃນສະພາບທີ່ອົດໆຢາກໆ ມັນໄດ້ແຕ່ນອນນິ້ງ ແລະມີສີໜ້າຊຶມເສົ້າ ບໍ່ສົນໃຈກັບຄົນທີ່ມາເບິ່ງເລີຍ.
ພາບດັ່ງກ່າວກາຍເປັນກະແສກົດດັນຈາກກຸ່ມນັກເຄື່ອນໄຫວສິດທິສັດ ມູນິທິຊື່ດັງຢ່າງ Animals Asia ໄດ້ນໍາສະເໜີເລື່ອງລາວຂອງ “ພິດຊ່າ” ເອົາໄວ້ຕັ້ງແຕ່ຊ່ວງຕົ້ນປີ 2016 ທີ່ຜ່າຍມາ ແລະໃນທີ່ສຸດຜ່ານມາເຖິງ 8 ເດືອນ ທາງພິພິທະພັນ ແລະຮ້ານຊັບພະສິນຄ້າດັ່ງກ່າວໄດ້ຕັດສິນໃຈຍ້າຍ “ພິດຊ່າ” ໄປຮັກສາ ແລະບໍາບັດ.
ທັ້ງນີ້ ນັກວິເຄາະເບິ່ງວ່າ ສາເຫດທີ່ “ພິດຊ່າ” ຕົກຢູ່ໃນສະພາບແບບນີ້ ອາດເພາະວ່າມັນມີອາການຊຶມເສົ້າ, ເພາະບໍ່ຄຸ້ນເຄີຍກັບສະພາບແວດລ້ອມທີ່ຄັບແຄບ ບໍ່ໄດ້ສໍາພັດກັບທໍາມະຊາດ ແສງແດດ ຫຼອາກາດບໍລິສຸດ ການຕັດສິນໃຈຍ້າຍໝີຂາວຂົ້ວໂລກຄັ້ງນີ້ ນັບເປັນອີກຄວາມສໍາເລັດຂອງກຸ່ມຮັກສັດ.